ثلاثة أسئلة عن ماليزيا ..
السلام عليكم ورحمة الله ..
أنا أريد دراسة اللغة الانجليزية في ماليزيا هذا الصيف وذلك لمدة شهرين ..
السؤال الأول:
ما هو أفضل مكتب في السعودية ينظم لي رحلة دراسية ممتازة ؟
السؤال الثاني:
هل تنصح بأن انظم انا رحلتي أو ينظمها لي مكتب خدمات ؟
السؤال الثالث:
ما هي المعاهد المعتمدة من قبل وزارة التعليم العالي؟ وما أفضلها؟ وما رأيك بمعهد ih ?
شاكر ومقدر لكم حسن تعاملكم ..
أخوكم / محمد
مشاركة: ثلاثة أسئلة عن ماليزيا ..
لا تعتمد على المكاتب اغلبها نصابين ويحدونك
سهل الوضع لا نظمته بلحالك
وشهرين ما يحتاج لك فيزا وقبولك سهل بس تجي للمعهد وتختبر ويحطونك بمستواك وطبعا راح يخبرونك انك مالك احقية تدرس الا شهرين بما انك على فيزا سائح
السكن سهل جدا تلقاه حسب ميزانيتك فيه الرخيص والغالي
رد: ثلاثة أسئلة عن ماليزيا ..
شكرا لك اختي روض نجد ..
هل الوضع هذا انتي مجربته ولا معلومات فقط ؟؟
لأن فيه واحد قال لي انه احتمال ما تلقى مكان في المعهد وافضل لك تخلي المكتب يحجز لك عشان ما تتوهق ..
ونفس الحال مع السكن ..
أرجو من اللي عنده معلومة يفيدني .. وشكرا..
رد: ثلاثة أسئلة عن ماليزيا ..
زين أخي حاول تحجز لنفسك
و ان شاء الله الله ييسر أمورك
رد: ثلاثة أسئلة عن ماليزيا ..
شكرا لتكرمك ..
ياليت تساعدوني الله لا يهينكم ..
رد: ثلاثة أسئلة عن ماليزيا ..
اخوي محمد
هلا والله فيك بالمنتدي
انا بنظملك
وانت لك حرية الاختيار
اولا اتصل على معهد اللغات في جامعة usm
او المعهد الامريكي
في بينانيج
واحجز علي اي خطوط انت تريد مثلا
جده كولا لمبور
بيانيج
السكن في الجامعة رخيص 300 ريال
تقريبا
والغة في الجامعة
ب7000 ريال
لمدة ستة اشهر مكثف
10000الف ريال لمدة سنة
يالله ابا رايك
موفق
رد: ثلاثة أسئلة عن ماليزيا ..
اسف لتأخر الرد ..
مشكورة اختي (بنت السعودية) وما قصرتي .. والله يعطيك ألف عافية ..
بس السؤال كيف اتصل ؟؟
ووشلون أتفاهم معهم وأنا لا أجيد الانجليزية ؟؟
الصراحة احس الوضع تعقد معي وانا كنت احسبها سهله ..
فيه ناس يقولون المكاتب نصابين وفيه ناس يقولون لا تروح بدون مكتب عشان ما تتورط ..
وش السالفة ؟؟
مشاركة: ثلاثة أسئلة عن ماليزيا ..
لا يا خوي انا بنفسي سجلت كذا عااادي لا يكبرونها براسك انها صعبه والله كنت بدفع لواحد 2500
قال ايه يجيب لي قبول ويضبط وضعي
مادريت الا بلحظه في يوم واحد اخذت اخلاء طرف من الجامعة وسجلت في المعهد اختبروني وحطوني بمستوى وقالولي الدفع من اليوم لين بعد اسبوع جيتهم بعد ثلاث ايام دفعت حق الليفل عطوني فاتوره وسلموني الكتب
بسسسسسسسس لا فيها متطلبات ولا شيء
لكن الشرط الوحيد انك معك فيزا اوووو انك تقدم على فيزا من نفس المعهد
واذا بدون فيزا تدرس فقط شهرييييين
رد: ثلاثة أسئلة عن ماليزيا ..
شاكر لك اختي (روض نجد)..
اي جامعة اللي اخذ منها اخلاء طرف (هنا بالسعودية؟؟)
وايضا لو معي الفلوس كاش أقدر اسدد بدون فيزا ؟
والمعهد اللي دخلتيه وش اسمه وكيفه هل انتي راضية عنه؟
كل الشكر والامتنان الى مشرفي واعضاء هذا الملتقى على الفزعات والمساعدات اللا محدودة ..
جزاكم ربي جنته .. قولوا آمين ..
مشاركة: ثلاثة أسئلة عن ماليزيا ..
اول شيء وش جاب طاري السعودية :confused:
لا يا اخوي اصلا هم مالهم فيها عليهم بجامعات ماليزيا عشاني جبت الفيزا منها
وعشان لا تصير مشاكل عليهم طلبوا مني اخذ من الجامعة اخلاء طرف تكون موافقة على دراستي في المعهد
هذا شيء يخصني لا تشيل همه انت :D
ماعلينا نرجع لك لو تبي تدرس عندهم مده طويله يلزمك فيزا والفيزا تقدر تطلعها باسم المعهد بس تدفع لهم 7000 هذه تشمل الفيزا حقتك واعتقد 4 شهور يعني 4 مستويات في اللغه
واذا كنت بس جاي في الاجازة تدرس شهرين يسمحون لك بدون فيزا عادي تأشيرة سائح اللي هي ختم الدخول
طبعا هذا كله يخص معهد ELS
عني تووووني جديده فيه كنت ادرس بالجامعة وجيت عندهم هذا اول اسبوع وبصراحه ممتع الكلاس جدا والتعليم منظم ومن قلب يشتغلون
وعلى ان الكلاس كله عرب بإستثناء ثلاثه الا اني ماشية فيه
اهم شيء انت يكون عندك اصرار تبي تتعلم مو تجي مثل اللي اشوفهم ضحك ويتكلمون عربي في الكلاس او في اللاب على كذا اقعد في السعودية افضل لك لانك ما راح تستفيد شيء ولا راح تقوي لغتك
بس انت اتوقع منت مثلهم ماشاء الله مبين عليك انك مجتهد وقدها ان شاء الله