عرض للطباعة
مدمنة شكولاته يا عسل ممكن تساعديني ؟؟
انا تخصصي تغذية زيك و ابتعاثي لماليزيا بس ماني عارفة هل التخصص دا موجود هناك و لا لا و انا رايحة مع خطيبي و هوا حيدرس في الجامعه الاسلامية و انا ما ابغى اسيبه لحاله على حل شعره .. بليز ساعديني لانو اعتقد انت نفس التخصص
مع خطيبك ؟؟؟؟؟؟؟؟؟ او قصدك زوج
لأنة حرام تروحين معة اذا كان ما عقدتي علية
شكلها تقصد خطيبها الان وزوجها قبل ماتروح هناك
الله يوفق الجميع
اختي انا كمان تغذيه والتخصص موجود في الجامعه الوطنيه UKMبطريقة الكورسات المعتمده من الوزارة بس للعلم لو انتي حابه تكملي عشان تشتغلي في المجال الصحي يعني اخصائيه في مسشتفى احسن دوري قبول في دولة تانيه وحولي عشان هيئة التخصصات الصحية غير معترفة بالدراسه في ماليزيا ...
الله يوفق الجميع...
تسلمووووووووووو عالردود ..
اخص عليك يا يوسف دا اللي قدرت ترد عليه ؟؟؟!!! انا مخاصماك:(
((((( امززززح))))
هوا حاليا خطيبي بس زي ما قال الاخ القلم الساخن ( زوجي قبل السفر ))
اختي تووووفي مرسي عالرد بس انا حابة اعرف انت بتدرسي هناك و لا لا ؟؟
وانا اصلا ابتعاثي كان لاستراليا و غيرته لماليزيا عشان شوية ظروف .. و غير كده هل ممكن اكمل الماستر في تخصص غيرتخصصي ؟؟ لانو تقديمي عالبعثة كان على تخصص تسويق .. شوو رايك ؟؟
انا حاليا خلصت اللغه ودراستي تبدأ في 7 لكن ان شاءالله اكون حولت
ممكن تكملي في غير تخصصك لكن اللي انا اعرفه انه البعثه من شروطها يكون امتداد للتخصص...
الله يوفق الجميع...
هلا اختي سمسم بالنسبة للتخصص التغذية زي ماقالت توفي هو موجود في جامعه ukm
بس مشكلة دي الجامعه انها ماتقبل الا الطلاب الدارسين في نفس المعهد التابع لها
وانا حاولت اجيب قبول في هذي الجامعه طلبوا مني المكتب شهادة توفل
على كلام المكتب انه النظام الجامعات في ماليزيا هذي السنه اتغير وصاروا يطالبوا بشهادة توفل عشان يقبلوكي
>>>>>>>> لو احنا عندنا توفل ليش ندرس سنه للغه وربي تفكير غريب
المهم المكتب قال اجيب لكي قبول في معهد لغه بس ولمن تخلصي من اللغه تروحي تختبري توفل
في الجامعه وطبعا درجه التوفل 550 فممكن تجيبيها وممكن لا
انا بصراحة كلمت الوزارة وقلت لهم على الكلام دا وانتظر الرد ونشوف
وان شاء الله خير
واي سوال انا حاضرة
مدمنة ايوة صح كلامك حتى انا المكتب اللي جابلي القبول
كدة قلي انه النظام اتغير دي السنة الوزارة راح تجيب قبولات لغة
وهناك نقدم على الجامعة بعد اختبار التوفل
بس انتي اتصلتي على المكتب اللي انا قدمت فيه
وياريتك تقدمي على المعهد اللي انا قدمت فيه
نكون مع بعض;)
الله يوفقكم .....................
يعني سبقتوني يا حلوين !!!
و بأي معهد لغة تنصحوني ؟؟ لأني مااعرف حاجة تهت زيادة .. كنت في الجامعه و دحين في المعهد ,,, الله يستر
الله يعطيكم العافية و يوفقكم و يريح بالكم...
و ان شاء الله يدوم التواصل بيننا..