مبتعث إلى ماليزيا وأواجه مشكله كبيره أرجو المساعده

السلام عليكم :)

أنا مبتعث إلى ماليزيا ، للجامعة الاسلامية ، اتصل علي موظف الوزارة قبل اسبوع ولما راجعتهم اعطوني قبول الجامعة ، لكن المفاجأة أن القبول منتهي !!!
حيث وكما جاء في الخطاب أن تاريخ 16may هو آخر يوم وإذا تأخرت يعتبر الطلب ملغي

ولما راجعت الوزارة بهذا الخصوص أعطاني الموظف نموذج تسجيل جديد وقال املأ النموذج وارسلها للجامعه وتعال يوم السبت واخذ أمر الإركاب واطلع لماليزيا !!!!!!!!

طيب كيف أسافر وماعندي قبول أو قبولي ملغي ؟!!!
وكيف أرسل النموذج للجامعه وهو يطلب مني معلومات معينه مثل الضمان المالي والمعروف طبعاً ان الضمان المالي من الوزارة !!

يعني لو سافرت الاسبوع الجاي الجامعه بستقبلني بخطاب قبول منتهي ؟!

أرجوكم المساعدة ولكل من يساعدني له دعوة من كل قلبي


بارك الله فيكم
أخوكم عمر

الله يساعدك ان شاء الله تلقى جواب

هلا أخوي ، إن شاء الله الأمر سهالات

انا حاليا في ماليزيا و راح اروح للجامعة الإسلامية و اكلمهم عشانك


انت راسلني على الخاص و ما يكون إلا الخير إن شاء الله

وعليكم السلام ورحمة الله

أخي الكريم ... لاتشيل هم ... بما انك في الجامعة الاسلامية ان شاء الله ماعندك مشكلة ...

بس اهم شي حاول تجي قبل بداية الترم بفترة تكفي للتسجيل ...

التسجيل في يوم 26 - 6 ..

باذن الله امورك تساهيل بس ارسل لهم ايميل قل لهم انك استلمت القبول متأخر ... وانك بتوصل في التاريخ الفلاني وبتجيب معاك قرار الابتعاث ...


ولا تشيل هم صدقني امورك تساهيل

أم ياسر
الله يجزاك خير

• WhiteWhite

اخوي ابشر برسل لك بس لين ما اوصل 30 مشاركه هههههه والله يعطيك العافيه


Null
اخوي معليش تحملني بس باقي لي سؤال :)
يعني الابلكيشن اللي اعطاني هو الموظف اطنشه ؟
يعني آخذ معي القبول وخطاب الابتعاث واتوكل على الله لماليزيا ؟ ولو رحت ببدأ دراستي على طول ؟؟ لاني سمعت ان التسجيل بـ 20 / 6 لشهر نوفمبر ؟!!!

أذا كان الابلكيشن ... هو عبارة عن تقديم جديد ... طنشه ...

فقط زي ماقلت لك ارسل ايميل ... للجامعة وقل لهم انك استلمت الخطاب متأخر وانك جايهم بالتاريخ الفلاني معاك كل الاوراق اللي يحتاجونها واكتب لهم انك طالب مبتعث على حساب الوزارة .. مو على حسابك الخاص


التسجيل يكون يوم 26 - 6 حسب ما وجدت على موقع الجامعة ... وهذا التسجيل للفصل الذي يبدأ في 1-7 وليس في شهر نوفمبر ... حاول تجي في بداية شهر 6 عشان تجهز لك سكن مناسب ... وتختار الحي اللي تسكن فيه ...

تقبل تحياتي ولك مني وافر التقدير والاحترام

الله يجزاك خير اخي العزيز ، والله أفدتني كثير وريحتني لاني كنت اعيش بحالة قلق فضيع

انا ماعندي اميلهم بس أتوقع لو ارسل لهم فاكس عادي على رقم الفاكس واكتب فيه اسمي وبياناتي وان الوزارة تأخرت علي يكفي
- اذا ماينفع الفاكس ياليت تصحح لي :) -

وبارك الله فيك أخي العزيز

الفاكس ينفع...

لكن الطريقتين مع بعض ... أكثر نفعا ... لكن لا تنسى تحط رقم الريفرنس الموجود في القبول عشان يعرفون انت مين بسهوله مجرد يحطو رقم القبول في الكمبيوتر تطلع لهم معلوماتك ...

admissions

at

iiu.edu.my

هذه هو الايميل ... وبالتوفيق ان شاء الله


لا تنسونا من دعائكم

جزاك الله خير أخوي الغالي وبارك الله فيك