وش الحل مع سنغافورة؟!!!!!!

السلام عليكم
إخواني أعضاء المنتدى ...
هذي أول مشاركة لي معكم هنا :104:
وبصراحة ما سجلت إلا بعد ما قريت مواضيع كثيرة
وحسيت إنه فعلا الجميع هنا يد واحدة ...
ندخل في المهم ,,,
واضح من العنوان !!
وش الحل مع سنغافورة ؟!!
تم ترشيحي مبدئيا (ماجستير) طلبت التخصص(محاسبة)...
عندي أكثر من استفسار :
1. متى المقابلة أو تدقيق الأوراق ؟!! ما فيه شي بموقع الوزارة !!!
2. الحين وش أصلح ؟!! لأني أسمع عن اللي يترجم الشهادة واللي يجيب قبول وغيره ؟!! مشكلتنا إننا في تبوك بعيدين عن كل شي !! ولا نفهم في شي !!:95:
3. الانجليزي عندي رايح فيها !! هل أسافر وأدرس في نفس الدولة ؟!! وش الفرق بين القبول النهائي والمشروط ؟!! وش الفرق بين القبول في المعهد والجامعة ؟!! وإذا تم ابتعاثي دراسة اللغة تصير علي أو على برنامج الابتعاث ؟!!
4. آخر سؤال : كم مكافأة المبتعثين إلى سنغافورة ؟!! وهل تكفي للعيش هناك ؟!!

شاكر للجميع .. لمن يقرأ الموضوع .. ومن يتفاعل معه .. ومن يجيب عن الأسئلة ...

كتب الله لكم الأجر ,,,

أخوكم /
حالم بالابتعاث
سهـــــــــــل :)

عزيزي ترجم كل شي...وروح الملحق الثقافي السنغافوري بجده ولا الرياض واسأله وش الطلبات بالضبط...وش يبون واذا فيه امكانيه يجيبون لك قبول عزيزي..والامور سهالات

الترجمة من وين أسويها ؟!!!يعني ...هل لازم يكون عليها ختم الكلية ؟!!!
الله يعطيك العافية أخوي الزين كله ..ومثل ما قلت ..المشكلة المشواااااااااااااااار
يعني لازم أروح للرياض أعرف وش السالفة بعدين أرجع أكمل أوراقي
وأروح مرة ثانية :(
الله يسهّل
شكرا لك أخوي مرة ثانية :)

1-توصلك راسالة من الوزارة ، وتجد في متابعة الطلب ما يفيد عن المكان والتوقيت .
2- ترجمة الشهادة مطلوبة وتختم على الترجمة، الجامعة ( واحسن من هذا تعيد السؤال في يوم المقابلة عليهم )، بالنسبة للقبول ، القبول المبدئي هو ان تذهب إليهم وبعد ذلك يختبروك في اللغة ومقابلة معها ، والمشروط ان تتدرس عندهم اللغة ثم تكمل الجامعة اي انه موافقين عليك بشرط ان تدرس عند هم اللغة ،
دراسة اللغة داخلة في البرنامج ، يعني على الحكومة ،، وتكون في نفس البلد ( اي سنغفورة )
3- بالنسبة للراتب ، يكفي إن شاء الله ( يقارب ثلاثة الاف ريال ) بس لاتسرف ،،
وانصح بأن تتصل على السفارة السنغفورية ، في السعودية ،أو تتصل على السفارة السعودية في سنغفورة ، أم الارقام فاتصل على 905 وموفق اخوي ،،،

تحياتي للجميع ،،،،،،،،،،

أخوي kasdhm الله يعطيك العافية .. ما قصرت والله ... كل اللي أقدر أقوله لك إني راح أدعي لك .. وفقك الله ويسر أمورك ... :)

اخووووووي سهل بعد التحية مبرووك القبوووول وربنا يوفقكانا مثلك الانجليزي رايح فيها وبدرس ماجستير رياضيات ومدري وش الطبخه

يا رجال تتيسر ... أنا رايح ماجستير محاسبة ... الله يوفق الجميع :)