هذي المشاركة الثالثة وحبدأها بخاطره ايمانية:
وسائل العقل السليم
العقول الذكية وحدها هي التي تستفيد من عبر الماضي ، وتنتفع بتاريخ الإنسانية الطويل ، وقصص الأبطال أو الأنذال من المصلحين أو المفسدين ( لقد كان في قصصهم عبرة لأولى الألباب) سورة يوسف:11.
ولا تكون الحكمة في معالجة الأمور ، والدقة في الحكم على الأشخاص والمسائل ، والبصر بالمقدمات والنتائج ، ألا لأصحاب العقول الراجحة ،والمدارك الواسعة ، والمواهب الرائعة: ( يؤتي الحكمة من يشاء ومن يؤت الحكمة فقد أوتى خيراً كثيراً وما يذكر إلا أولوا الألباب)القرة :269.
( الشيخ العلامه :محمد الغزالي رحمه الله)
- خلفيتكم عن التسويق...(تخصصكمالدقيق في التسويق، مهارات خاصة تتطلبها دراسة التسويق (
اولا اريد اذكركم انه هذي الاعمال الي حذكرها جدا سهله للي يحب التسويق ، وعادة الناس اللي يشتغلوا في التسويق يكون عندهم تجاه عملهم شغف وحماس غير عادي، والتسويق كمجال عمل في تشويق غير عادي...
بعد ماتتخرج من تسويق توقع تكون:
اما تصمم منتجات بناء على اختراع وابداع وانت في شركه ما يعني في تخصص الشركه مهما كان نوع العمل الي بتقوم فيه الشركه او انك تتطور منتجاتها بناء على حاجة السوق وطلبات العملاء : مثال (لو كنت بتشتغل بشركة منتجات غذائية مثل الالبان – منتج جديد يعبر عن اختراع مثل الزبادي بالفواكهه-اوحتى لبن يساعد في الهضم مثل لبن اكتيفيا ..)
المبيعات : هذي معروفه تشتغل في التعامل المباشر مع العملاء والزبائن
الباحث والمحلل التسويقي: وهو مايختص بالبحث التسويقي
مثلا الشركات بعد ماتطرح منتجها تبغى تعرف رأي الناس فيه واحيانا الحكايه تبدأ من بدري من قبل ماتنزل المنتج مثل (شركة اتصالات مثل نوكيا لو سألتوا انفسكم ايش سر المنتجات الي كل شوي منزلتها ماهي على حكاية تكنلوجيا بس .. الحكاية حكاية الناس ايش تتطلب في هذي الحاله نوكيا تقوم بعمل لقاءات مع الناس من كل الاعمار وتسألهم ايش احتياجاتهم ....
-مثلا يرد واحد من الشباب في منتصف العشرينات ويقول انا ابغى جوال فيه كاميراوmb3 و يطلعوا ساعتها جوال بهذي المواصفات عشان يلبي حاجه فئة معينه وهم الشباب ورغباتهم.)
-ورجل اعمال يطلب جوال مع فاكس مع انترنت مع برناج ورود مع برنامج اكسل وماسينجر ويطلع جوال الايميت..
هذي الامثله بالتقريب ممكن على كل شيء بالحياة حتى المطاعم الالوان والاثاث وشكل المكان ونوعية الاكل وطريق التقديم كل شيء محسوب حسابه من قبل ..
اما الاحلى فهو مجال تصميم الاعلانات ؟؟؟؟؟؟ليه؟؟؟؟؟
لانه في ابداع وفي ايضا اتصال بالناس وتأثير عليهم والموضوع واسع واسع جداوأكثر من ممتع بداية من تصميم ال لوغو (يعني الرمز الخاص بالمنتج او الشركة او حتى القناة) عادة مايكون كمان هو العلامة التجارية ، مروورا بالالوان وفكرة الدعاية ووين حتوضع في مجلة او قناة او اذاعة ومين الفئة المستهدفه من الناس وكل المعلومات عن اعمارهم ودخلهم وتعليمهم وحتى كيف يفكروا في فكرة الاعلان نفسه كيف حيصوروا ويخرجوا حتى..
وعلى فكرة التسويق في تخصصات اكثر واكثر انا هنا حاولت على قد ما اقدر ابسط لكم المعلومه لكن بالاول والاخير الموضوعا اكبر...
(الي شافوا برنامج المستثمر حيكون عندهم فكرة مثل حلقة العطر الي كانت فعلا تعكس العمل في التسويق وكمان حلقة عمل دعاية لقناة العربية)
اما المهارت المطلوبه منكم في العمل او الدراسة في مجال التسويق:
1- مهارة التخطيط والتحليل والابداع .
2- لازم يكون عنكم فكرة عامة عن الشركات وتاريخها حدلكم على كتب مثل(حكايات كفاح –لدكتور كفاح فياض يذكر مثلا انه صاحب شركة ايكيا للاثاث كان في الاساس بياع كبريت وكيف عمل اسطوره اسمها ايكيا لاثاث-شركة فورد-شركة مايكرسوفت-نوكيا –هوندا- كنتاكي وغيرها الكثير.
3- لازم تشتروا كتيب الجيب التسويق –ل نيل راسل جونز من مكتبة جرير وتشتروا النسخة الانجليزية للكتاب عشان يككون عندكم المصطلحات والكتاب جدا جدا جدا سهل وراح تكونوا ملمين بشكل كامل من خلال كتاب صغير وحلو وسهل..
4- عندكم خبرة ودراية ببرامج الجرافيكس مثل الفوتوشوب والفلاش و هذي الحد الادنى لانكم بعدين بتشتغلوا عليها ولاتنسوا طبعا طبعا برامج الويندوز.
5- مهارة في تقديم العروض التقديم والاتصال والتحدث مع الناس والتفاعل معهم.
6- اخيرا هذه قائمة بالكتب المهمه للقرأة.. (من مكتبة جرير.- العبيكان )
-مايقوله الاساتذه عن التسويق
-اللمسات الخفية أربعة أسس للتسويق
-دليل تخطيط السوق
-افضل الاجابات لأصعب أسئلة التسويق
-كيف تصمم إعلاناتك بنفسك(الكتاب هذا مرجع كامل خذوا معاكم قبل ماتسافروا)
-كوتلر يتحدث عن التسويق
-كيف تصمم لوحتك الاعلانية،ل:عمر ابراهيم بقا (كتاب اروع من رائع خصوصا للمصممين).
أتمنى أكون ساعدتكم وأسأل الله الاخلاص.... والحمدلله رب العالمين....