-
1 مرفق
القائمة المحدثه بالجامعات الموصى بها(أمريكا/MBA/وإدارة المشاريع)
السلام عليكم
شباب صبايا
قبل يومين أرسلت لطارق الطيب أسأله عن اللسته الأخيره اللجامعات الموصى بها في
ماستر إدارة الأعمال
وماستر إدارة المشاريع
فأرسل لي هذه اللسته بتاريخ 14-أوغست-2010
قائمة إدارة الأعمال رح تحصلوها في المرفقات
والقائمة أدناه تخص إدارة المشاريع
http://www.mbt3th.us/vb/imgcache/86976.png
-
رد: القائمة المحدثه بالجامعات الموصى بها(أمريكا/تسويق/وإدارة المشاريع)
جامعة Southern New Hampshire مقفلة
و الجامعة الاخير في ويسكانسن اون لاين ..!!
ويقولون نعطيك ورقة انك متخرج كطالب عادي !!
غريبة هالملحقية !!
سبق و راسلتهم عن تخصص ادارة المشاريع في جامعة Northeastern مع انها من افضل ١٠٠ جامعة في امريكا و التخصص جدا جدا جدا رائع عندهم من ناحية المواد .. بس مايعترفون فيه !!
وجامعة ويسكانسون معترفين فيها وهي اون لاين !؟
-
رد: القائمة المحدثه بالجامعات الموصى بها(أمريكا/تسويق/وإدارة المشاريع)
Southern New Hampshire << هذي مقفل فيها إدارة الأعمال بس ما أدري مفتوح البروجكت مانجمنت أو لا؟
اقتباس:
وجامعة ويسكانسون معترفين فيها وهي اون لاين !؟
غريبة صح؟
أتوقع الملحقية ما حدثت معلوماتها بخصوص الجامعه ، والدراسة أون مو معترف بها هنا للأسف.
Northeastern << إذا عاجبتك الجامعه ليه ما تطلب يعترفون فيها ؟
-
رد: القائمة المحدثه بالجامعات الموصى بها(أمريكا/تسويق/وإدارة المشاريع)
SNHU مو معترف فيها اصلا في ادارة الاعمال !
معترف فيها بالمالية , IT, ادارة عمليات و مشاريع , ادارة منشأت رياضية .. !
طلبت انهم يعترفون فيها بس شرهتك عالي رد !!
اكلم طارق الطيب ولا يررد ابد ..
كلمت المستشار التعليمي د.ليمن وهو امريكي و رد على طول و قال هذي من اختصاص طارق الطيب و ارسله ايميل و ارسلي نسخة منه ..!
راسلت طارق الطيب و قلت له كل شي و تلاعب جامعة ويسكانسون ولا يرد !!
-
رد: القائمة المحدثه بالجامعات الموصى بها(أمريكا/تسويق/وإدارة المشاريع)
الله يهديهم :(
كل واحد يرمي الموضوع على الثاني
ويضيع الطالب المسكين بينهم
طيب ايش ريك في لويس؟
لأنهم رضوا بقبول مشروط في البروجكت مانجمنت
-
رد: القائمة المحدثه بالجامعات الموصى بها(أمريكا/تسويق/وإدارة المشاريع)
التخصص MBA Project Management
مافيه من التخصص الا ٤ مواد فقط !
والتخصص يبي جيمات !
اذا بتتجيبين جيمات عالي ..
انصحك بجورج واشنطن طبعا .. !
-
رد: القائمة المحدثه بالجامعات الموصى بها(أمريكا/تسويق/وإدارة المشاريع)
اقتباس:
التخصص MBA Project Management
مافيه من التخصص الا ٤ مواد فقط !
والتخصص يبي جيمات !
كيف بس أربع؟
يعني ما أدرس إلا أربع مواد؟
وليش جورج واشنطن ؟ لأنهم ما رضوا يعطوني قبول مشروط
ومعليش كثيرت عليك أسئلة ... ومشكوووور والله يجزاك خير
-
رد: القائمة المحدثه بالجامعات الموصى بها(أمريكا/تسويق/وإدارة المشاريع)
فرضا برنامج ال MBA in Project Management فيه ٣٦ ساعه .. يعني ١٢ مواد و كل ماده ٣ ساعات
راح تدرسين ٨ مواد MBA عام ...
و ٤ مواد فقط في ادارة المشاريع ..
شفت البرنامج موجود في الموقع ..
والله قبول مشروط .. كأنه مو قبول !
يعني جيبي جيمات و تعالي .. لو تجيبين اقل من الي هم يبون مايقبلونك فا وش الفايدة !؟
كل الجامعات تقول جيبي جيمات و تعالي ..!
البرنامج في جورج واشنطن قوي جدا , ماجستير ادراة مشاريع مو MBA , يعني راح تدرسين مواد في ادارة المشاريع اكثر و فيه مواد مالية رائعه تفيدك مثل " ادارة مخاطر المشروع , ادارة الربح , التمويل , التكاليف وغيرها " , و الجامعة قوية جدا جدا جدا و سمعتها قوية !
بس يبون ٧ في الايلتس , و جيمات في ٦٠٠ تقريبا !
ممكن تروحين معهدهم و تدرسين فيه لغة ..
بس الجيمات راح يكون العقبة الوحيدة تقريبا في طريقك , الا اذا عندك خبرة ٧ سنوات هذا مكتوب في موقعهم !
ابد تفضلي و اسألي متى ماتبين
-
رد: القائمة المحدثه بالجامعات الموصى بها(أمريكا/تسويق/وإدارة المشاريع)
أوووووووووووكي الحين مرة واضح
يعطيك العافيه على الشرح
بس الأربع اللي تقصدها في لويس صح؟
طيب فيه أحد في السعوديه يهمه إنت متخرج من جامعه قويه أو ضعيفه؟ ولا مجرد ماستر مشاريع لحاله شي ءكويس؟<<سؤال يهم البعض
-
رد: القائمة المحدثه بالجامعات الموصى بها(أمريكا/تسويق/وإدارة المشاريع)
ايه الاربعة في لويس..
والله فيه و فيه .. يعني شركة كبيرة مثلا مديرها متخرج من جامعة من امريكا بيكون عنده خبرة في الجامعات و يعطيك افضلية طبعا كل شي يعتمد على شخصيتك و انتاجيتك !
بس اطمحي للافضل اذا ماحصل عادي اي جامعة المهم يكون معترف فيها ..
ترى التخصص فيه رياضيات و احصاء كثيييير ..
مو بس كلام كيف نمشي المشروع و ننجح فيه و خطوات عادية !!
اعرف ناس دخلو التخصص و انصدمو الصراحة !!
المشروع عبارة عن عمليات , و كل عملية لازم تكون لها شروط و قيود عشان تنتقلين للعملية الي بعدها !
وكل عملية تحتاج قرار مبني على اساس قوي و صحيح ولا فيه اصح من الارقام و الابداع و التجربة ..
هذي ادارة المشاريع ..
انصحك بالتخصص الصراحة .. ممتع و رائع !
والله يوفقك ..
واي سؤال احنا حاضرين ..
-
رد: القائمة المحدثه بالجامعات الموصى بها(أمريكا/تسويق/وإدارة المشاريع)
أشكرك أخوي على ردكـ المفصل
وأهم حاجة صدمتني فيها أنا بعد
اقتباس:
ترى التخصص فيه رياضيات و احصاء كثيييير ..
لااااااااااا تقووووووووووووووووووول
رياضيات سهل ومنطقي سهل ، ولا رياضيات تكامل وتفاضل، ولا رياضيات صععععب :(؟
ايش الفايده أخذ تخصص قوي بس معدلي رح يكون نازل بسبب عقدة الغالبية ..الرياضيات ؟
ترى أنا كنت ذكية واعرف أحسب بسرعه فظيعه ما شاء الله.... لكن ما أدري ايش صار فيني 1+2+3=صرت أحسبها على اصابيعي ..وصار استيعابي بطيء في الرياضيات ..الحمد لله على كل حال
عشان كذا خفت
أنا ابغى إدارة مشاريع .. وكنت متحمسة
بس قلت لي رياضيات !!!!!
أنا هاربه من المحاسبة والمالية بسبب الرياضيات
اقتباس:
بس يبون ٧ في الايلتس , و جيمات في ٦٠٠ تقريبا !
أنا رح ابدأ في جامعه ثانيه أدرس اللغه بعد شهر إن شاء الله
بس ظنك لو جبت درجات زينة بس معدلي في البكالورياس كان جيد منخفض يقبولني؟
سؤال شاطح شوي:
الميديا له مستقبل؟
-
رد: القائمة المحدثه بالجامعات الموصى بها(أمريكا/تسويق/وإدارة المشاريع)
والله رياضيات قواعد و تطبيق .. هو احصاء اكثر من انه رياضيات !
و ممكن يجيب لك شي ناقص و تكملينة و كذا .!
الاحصاء الي فيه , فيها تفكير و تشغيل مخ ..!
مثل لو عندنا مشروع بناء عمارة كبيرة في حجم المملكة , كم ممكن نحتاج من خشب , حديد , اسمنت .. و ترتبينها و تخلينها دفعات و في اليوم كم نحط من بلكة عشان نخلص خلال ٣ سنوات ..!
هذا احد جوانبة فقط ..
اذا درجاتك بالجيمات و الايلتس زينة يقبلونك ان شاءالله ..!
الميديا قصدك ك اعلان ؟!
وهل هو معترف فيه اصلا ؟!
اذا ماتبين ارقام ابد ابد , ادخلي تسويق .. تخصص رائع جدا و ابداعي و سهل و ممتع..!
شوفي اي تخصص تبينه حطيه هنا و نتناقش فيه ولا عليك .. !
-
رد: القائمة المحدثه بالجامعات الموصى بها(أمريكا/تسويق/وإدارة المشاريع)
كتبت رد وطاااااار
من جديد ... باك...وسوري على الأخير ..ظروف نت وكونكشنز
شكرا كثير على ردك الواضح ... وردودك السريعة واضح إنك انسان فاهم ما شاء الله
أنا ما أدري عن الميديا معترف فيها أو لا .. بس ليه محطوطة في لستة البرامج المسموحه لما تدخل من موقع الوزارة لجامعه أ وتشوفها مدرجة !
لو درست مشاريع في لويس رح أحصل رياضيات كثير؟
لو درست تسويق ورجعت وعندي بكالورياس ادارة أعمال من أول وماستر تسويق
وعندي مخ .. تتوقع أحصل وظيفه محترمه براتب زين هنا في السعودية كوني بنت ؟؟
هل فعلا مجال التسويق وسخ ومو محترم ؟
ايش الفرق بيني وبين رجل المبيعات ؟
أشكرك على سعة صدرك
-
رد: القائمة المحدثه بالجامعات الموصى بها(أمريكا/تسويق/وإدارة المشاريع)
اقتباس:
المشاركة الأصلية كتبت بواسطة Alina
هل فعلا مجال التسويق وسخ ومو محترم ؟
ايش الفرق بيني وبين رجل المبيعات ؟
انا متخرج دبلوم تسويق والتسويق بالعكس حلو لكن في السعودية حدث ولا حرج في السعودية فاهمين التسويق غلط مادري لية ولو تتلخبط علاقتك مع حد يقلون لك هذى انتي تسويق وعلاقتك نازلة يعني انتي مو شي كان التسويق متوقف على المبيعات والعلاقات عامة والتسويق شي ثاني اصلا هو لو تعمقتي فية واتقنتية تقدرين تسيرين الامور على حسب ماتبين واكبر دليل شركات الاتصالات السعودية ومبايلي شوفي كيف التسويق عندهم للمنتجات يخلون الناس تمشي وراهم وين مايروحون ويبيون المننتج بشكل ماتصورين والناس راضية وتدفع واشوف اكثر الشركات الي تعطي حق التسويق هي شركات الاتصالات بانواعة وشركة يونلفير و بروكتر وجامبل والبقية لا تعبين حالك مايعرفون شي في التسويق راح تضعين معهم وترى حتى التسويق يحتاج لة مخ في عملية نشر المعلومة مو معنى انة مافي ريضيات خلاص انتهت الدعوة لا اختي انتي غلطان
وعلى فكرة التسويق في وجة نظري بعد دراسة الدبلوم يحتاج لة شخص فية مواصفات مش كل واحد يخش هذى التخصص في وجة نظري وحتى لو كان تخصص سهل لكن هذى التخصص عكس بقية التخصصات كلها هو حساس جدا ويحتاج لة عناية من تعامل وعلاقاتك مع الناس واسلوب الاقناع والتحكم في العميل وفي الاشخاص لدية القوة والجرءة وتحكمين التعامل مع اصناف من البشر تعرفين كيف تسيرن الامور واسلوب وادوات التسويق والترويج و الابداع وووووو الكثير هذى بعد التجربة عكس التخصصات الاخرى
بالنسبة للفرق بين وبين المبيعات فرق كبير
المبيعات لة ترى تخصص لحالة والتسويق تخصص لحالة يعني انتي لو تروحين معهد الادارة يدرسون تخصص اسمة المبيعات مو التسويق
لو جينا نتعمق في الفروقات تختلف طبعا ويحتاج لكي اطلاع اكثر ويعطيك اشياء بسيطة
التسويق : بحث حاجة وطلب المستهلك و دراسة نفسية المستهلك و بحث السوق و كيف توصلين المنتج الى عدد كبير وشريحة من الناس و كيف تقنعين الناس بأن هذى المنتج ممتاز وتحققين ارباح في تديرن عملية التسويق وووو اشياء كثيرة وهذى يحتاج لة جهد كبير جدا حتى الوصول للهدف واذا ماوصلتي للهدف الشركة وتخصصك تسويق يعني انتي فاشلة 100% وطرد في اي لحظة لانكي ماتحققين الهدف
المبيعات : دائما مايحتاج لة تعب ويكون جالس بس علية تصريف المنتج مثلا الي تشوفينهم في فروع شركات موبايلي
جالس على طاولة وكرسي ويبيع عليج البضاعة او الشريحة ويجلس يمدح في الشي حتى يسهل الموضوع ويجيب زباين ومن هالقبيل لكن عكس التسويق
يعني خلينا نقول التسويق في الشركة 80 % والمبيعات 20 % بالنسبة للترويج وهذى يعتمد من شركة للشركة اخرى اي كانت
و بعض الشركات يعتمد 80 مبيعات وتسويق 20 % والعكس صحيح مث ماقلنا
---------------------------------------
هذى بشكل مبسط وعليك بالبحث
-
رد: القائمة المحدثه بالجامعات الموصى بها(أمريكا/تسويق/وإدارة المشاريع)
صحيح فيه ناس كثييررر يخربطون بين التسويق و مندوب المبيعات !!
الزبدة في التخصص .. ادارة المشاريع كتخصص فيها رياضيات و اساليب كمية !
بس صدقيني ممتعة موب تعقيد .. !
لو مجال التسويق وسخ كان ماصارو مدراء التسويق مشهورين جدا جدا و يألفون كتب من اكثر الكتب مبيعا , وهم من اكثر من الناس نجاحا و المؤتمرات الي يسوونها داائمة تكتض بالجمهور .. !
فيه بيئة عمل وسخة و بيئة عمل نظيفة محترمة تساعدك عالانتاج و الابداع .. !
الي يشتغل في شركة موبايلي غير الي يشتغل في كمبرلي اند كلارك .. بيئة عمل و ناس المحيطين حولك تختلف !
بالنسبة راتب , حسب تجربتي المتواضعة في مجال التسويق وجدت انهم من اكثرر الناس ياخذون راتب , و زيادة على كذا ياخذون علاوة " bonus " عالمبيعات او عالمشاريع ..
عالعموم شوفي انتي استخيري و قرري .. !
-
رد: القائمة المحدثه بالجامعات الموصى بها(أمريكا/تسويق/وإدارة المشاريع)
الله يعطيك الف عافية
اخووي
قولي احسن دوله في تخصص التسويق والجامعه تكون دارستها سهله مو متشددين
لان ماباقي شئ واخلص دبلوم وابي اقدم ع بعثة البكالوريوس بس مااادري اذا في امكانيه اعادل الدبلوم واغير التخصص افكر في ادارة الاعمال
ليش كذا من يقول تخصص التسويق وووسخ
بالعكس تخصص رائع جدا وابصراحة تتعلم منه اشياااااء كثيررر ويعطيك اسلوب راقي للكلام مع العملاء وغيرها كثير
لكن في ناس تشوه التخصص زي البقالات والسوبرماركات مثالا سوبرماركت خالد للتسويق وهذا غلط كبيررر المفروض للتسوق وحتى الدكتورعندنا في الكليه اتكلم في الموضع هذا
المهم ان التسويق تخصص جميل جدا حتى لو مااشتغلت في نفس المجال لانه يعطيك فؤائد كبيره من المعلومات
وصحيح اخي بو كارلوس هم اكثر اشخاص ياخذو راتب حتى المدرسين والدكاتره يقولو المتخصصين في التسويق هم اقرب للثراء اي انه يصير غنى خلال فتره قصيره وايضا اقرب اشخاص يكونو مدراء
-
رد: القائمة المحدثه بالجامعات الموصى بها(أمريكا/تسويق/وإدارة المشاريع)
ماعندي خلفية عن دراسة سهلة !
بس هذي الجامعة قوية بالتسويق وهي في امريكا
Carnegie Mellon University
والله يسهلك ..
-
رد: القائمة المحدثه بالجامعات الموصى بها(أمريكا/تسويق/وإدارة المشاريع)
السلام عليكم ابوكارلوس
الله يعطيك الف عافيه على كل معلومه تفيد فيها الجميع وان شاء الله في ميزان اعمالك
حبي اسألك عن المتطلبات لقبول ماستر تسويق في امريكا ياليت لو تفيدني
الله يوفق الجميع ان شاء الله
-
رد: القائمة المحدثه بالجامعات الموصى بها(أمريكا/تسويق/وإدارة المشاريع)
وعليكم السلام ..
شكرا على دعائك في هذي الايام الفضيلة ..
والله لكل جامعة متطلباتها ..
و يشترك كل الجامعات في توصيتين اكاديمية , جيمات , توفل او ايلتس و درجة ٦.٥ وفوق حسب الجامعة و بعضهم ياخذ ٦ بس قليل , و الغرض من الدراسة !
بعض الجامعات تطلب معادلة الشهادة و بعضها لا , بعضها يطلب مقابلة شخصية .. و غيرها من الطلبات !
ادخل موقع اي جامعة ورح لل admission وبعدين راح تلقى ال requirement و تقراها موجودة ..
والله يوفقك ويسهل امرك
-
رد: القائمة المحدثه بالجامعات الموصى بها(أمريكا/تسويق/وإدارة المشاريع)
ويوفق الجميع يالغالي
مشكور اخوي على سعة بالك والله يجزاك خير
-
رد: القائمة المحدثه بالجامعات الموصى بها(أمريكا/MBA/وإدارة المشاريع)
معذرة على التأخير
بو حسن ردك مرة مرة مرة أفادني
مرة واضحة إجابتك ..ألف شكر لك
بو كارلوس
شكلي بعد هذا الكلام اقتنعت إني أصلح للتسويق مو للمشاريع
:)
ألف شكر لك أخوي على كل ردودك المفيده في الموضوع وحطيت لك تقييم بردود مفيدة
عاشق الطيب وخالد خليفة
مشكورين على مروركم المفيد ..وحياكم الله
والحين رح أنزل موضوع جديد إن شا ءالله عن الجامعات المعتمده في التسويق والميديا
أتمنى تستفيدون منه
أختكم ألينا
-
رد: القائمة المحدثه بالجامعات الموصى بها(أمريكا/MBA/وإدارة المشاريع)
الله يوفقك و يسهل امرك و ينور دربك
-
رد: القائمة المحدثه بالجامعات الموصى بها(أمريكا/MBA/وإدارة المشاريع)
-
رد: القائمة المحدثه بالجامعات الموصى بها(أمريكا/MBA/وإدارة المشاريع)
ممكن جامعات في أمريكا بخصوص إدارة المشاريع
أنا عندي خبرة عملية 9 سنوات تقريبآ بس مو في عمل إداري إنما في عمل هندسي
ومعدلي مقبول وقريب راح أتخرج إن شاء الله
هل تتقوع جورج واشنطن تقبلي
أنا ماعندي لاتوفل ولا غيره
كيف أقدر أسافر وأنهيا باأقل مخاطرة يعني قبول غير مشروط هل أدرس عن طريق المعهد