رد: دليلك ~ في جامعات لبنان
اهلين طلال
مشكوور على طرح هاالموضوع لان بح صوتي وانا ابي من يجاوبني عزيزي انا حابه ادرس بها البلد الغالي بس محتاره بين الجامعه الامريكيه ببيروت والجامعه اللي حضرتك بتسجل فيها يعني ممكن تخدمني عن الاسعاروهل امكانية الحاقي بالبعثه بسهوله
للعلم انا دبلوم تمريض وحابه اكمل بكالوريوس وماستر يعني راعية طويله
واناماعندي توفل يعني ابي اخذه عندهم لان هنا التدريس تعبااان في الانجلش ...........هذره خخخ
ومشكووووور
رد: دليلك ~ في جامعات لبنان
انا مقبل على الدراسه في لبنان
في جامعة بيروت العربية تخصص قانون
حبيت أعرف المعيشة بلبنان كيفها ؟
وسهولة الأمكانية التحويل على حساب الحكومة
رد: دليلك ~ في جامعات لبنان
اقتباس:
المشاركة الأصلية كتبت بواسطة بنت عز
اهلين طلال
مشكوور على طرح هاالموضوع لان بح صوتي وانا ابي من يجاوبني عزيزي انا حابه ادرس بها البلد الغالي بس محتاره بين الجامعه الامريكيه ببيروت والجامعه اللي حضرتك بتسجل فيها يعني ممكن تخدمني عن الاسعاروهل امكانية الحاقي بالبعثه بسهوله
للعلم انا دبلوم تمريض وحابه اكمل بكالوريوس وماستر يعني راعية طويله
واناماعندي توفل يعني ابي اخذه عندهم لان هنا التدريس تعبااان في الانجلش ...........هذره خخخ
ومشكووووور
آختي العزيزه بنت عز ,, آهلين وسهلين ! حيآك الله ,,
خلني آوضح لك الصوره أولاً الـ AUB آقوى جامعه على مستوى الدول العربيه وتنافس 70% من الجامعات البريطانيه ,, انا صار لي 4 سنين ادرس منهج امريكي وانقليزي بحت سواءً المدرسين او الطبلة او المقرر ,, كل الي ذكرته بالـ انقليزي ,, مع ذلك مستواي لا يكافئ طلاب هذي الجامعه ! يعني تاكدي اني لو شديت حيلي باختبارات القبول والـ SAT فيه احتمال ادخل ,, بس انا ما ابي ادخل هالجامعه واكون الاضعف فيها وكل ما قارنت نفسي بطلابها احس حالي ميؤوس ,, فـ الحل لي بعد ما سألت ناس من جد فاهمه قالوا لي المسآله بسيطه :) ادخل الـ LAU سنتين عشان تعيد التآسيس ونقاط الضعف ,, بعدين كمل بالـ AUB ,, نصيحتي لك ادخلي LAU خلصي بكلوريس والماستر بالـ AUB ,,
النقطه الثانيه بخصوص البعثه تعال أول سيمستر على حسابك الخاص وقدمي على البعثه اذا نجحتي بيقبلونك 100% والملحقيه ترسل لك شيك بالمبلغ الي دفعتيه ويضمونك بسهوله :) ,,
اخر نقطه ما فهمتها صح ؟ للعلم انو جامعة AUB تطلب SAT 1 + SAT 2 اذا كنتي بتدخلين تخصص علمي ! يعني ما يبون TOEFL لأن الـ SAT اصعب ,,
يعني صرآحه شي تعجيزي بكل مدرسه تلقين ثنين او ثلاث متخرجين من الثانوي انقبلوا ! ما تلقين اكثر ,, من الآخير وبصراحه كـ طالب او طالبه سعوديه ما انصح يدخل احد هالجامعه ,, الا اذا كان شاد حيله من وهو صغير وعنده آساس انقليزي قوي ,,
معليش ترا ما لي خبره بالمواضيع والردود ما ادري اذا قدرت افيدك صح ولا لأ ,, رجاءً اذا اي نقطه ما وضحتها اساليني مره وثنتين وثلاث الين ما تفهمين :) ,,
رد: دليلك ~ في جامعات لبنان
اقتباس:
المشاركة الأصلية كتبت بواسطة آهات من عمري
انا مقبل على الدراسه في لبنان
في جامعة بيروت العربية تخصص قانون
حبيت أعرف المعيشة بلبنان كيفها ؟
وسهولة الأمكانية التحويل على حساب الحكومة
أخوي الغالي اهات من عمري :) ,,
حياة سلسه ,, يعني المعيشه أنواع انت بتكون بجامعة بيروت العربيه موقعها جمب المطار مب ببيروت نفسها ,,
بس قريبه يعني 5 دقايق بالسياره تكون بنص بيروت ,, انا ما ادري استفسارك من الناحيه الماديه ؟ الديره مب رخيصه لكن مب غاليه مثل اوربا ,, وميزه بلبنان أنها بلد راقيه كانها اوربيه بس شعب يتكلم عربي ,, ما تلقى دوله كذا صدقني ,, كل شي قريب كل شي متوفر كنك بالسعوديه يعني لما تطلع بعد الساعه 10 او 11 كل شي مفتوح ,,
ما فيها كئابه اوروبا يعني بعد 8 كل شي مقف ما فيه الا انت بالشارع ,, كأعزب بتكون بنعيم :) ,,
البعثه سهله جداً والكلام الي قاعد اقوله لك استناد لطالب اعرفهم هنا درسوا اول سمستر ومن اول سنه قدموا اوراقهم لما نجحوا عطوا الملحقيه شهادتهم ورجعوا لهم المبلغ الي دفعوه ,, وانضموا بسهوله :) ,,
رد: دليلك ~ في جامعات لبنان
منور عزيزي طلال كفيت ووفيت ابي اقولك انا(البنانيه الاامريكيه مافيها تخصص تمريض بس صيدله
بس مو متاكده
الشي الثاني هل اللبنانيه الامريكيه ما تشترط توفل
رد: دليلك ~ في جامعات لبنان
اقتباس:
المشاركة الأصلية كتبت بواسطة آهات من عمري
انا مقبل على الدراسه في لبنان
في جامعة بيروت العربية تخصص قانون
حبيت أعرف المعيشة بلبنان كيفها ؟
وسهولة الأمكانية التحويل على حساب الحكومة
اخوي انا خريج جامعة بيروت العربية سنة 2003 واعرف هالجامعه زين مازين , فا كلامي بيكون بحيادية يعني بذكر ايجابياتها وسلبياتها ..
الايجابيات .. رخص اسعاهارها يعني لو تقارن اسعارها في جامعات اخرى مثل AUB هناك فرق كبير
موقع الجامعه في حي شعبي يعني لو بغيت تسكن قريب منه يمكن مايكلفك 500 دولار بالكثير وكل شي تحتك من مطاعم وغيره والمنطقة اغلبها مسلمه يعني مافي مشاكل
نأتي الان الى السلبيات .. الجامعه تصنيفها متأخر جدا رقمها العالمي 6766 حسب تصنيف عام 2009 !!
الجامعه تفتقر للماده كونها جامعة خاصة لان دولة قطر ودولة الامارات ودولة الكويت اغلقت باب الاعتراف لها من 10 سنوات وهذا انتكاسه لها لان الداعم الاكبر منذ انشائها هم طلاب تلك الدول وتستطيع ان تتاكد من هالشي من هذا الرابط http://www.bau.edu.lb/Alumni/english_branch.html
وكلامي على النقطه السابقة لايعني اني اشكك في نزاهة الدكاترة لاوالله لكن الفهيم بالاشاره يفهم :yeah:
فااذا اخي الكريم ناوي تدرس قانون انا انصحك تدرس في بريطانيا افضلك واحسن خصوصا ان سوق العمل راح ياخذك على طول وان ماكان بالامكان الدراسة في بريطانيا تستطيع ان تدرس في جامعات الخليج افضلك لان جامعات الخليج اصبحت افضل من الجامعات العربية الاخرى هذا والله اعلم ..
اخيرا اود ان اعقب على كلام اخي طلال كاتب الموضوع لما قال ان AUB افضل جامعة عربية لا اخي الكلام هذا غير صحيح فهناك جامعات عربية افضل منها بالاف المرات وهذا حسب قوة تلك الجامعات وتصنيفها .. فا مثلا اقوى جامعة عربية حسب افضل جامعات العالم هي جامعة الملك سعود وتصنيفها رقم 292 على مستوى العالم يليها جامعة الملك فهد للبترول وتصنيفها رقم 302 على مستوى العالم , يليها جامعة الملك عبدالعزيز وتصنيفها رقم 1203 يليها الجامعة الامريكيه في القاهره وتصنيفها 1267 .. اما AUB فاتاتي بعدهم بتصنيف رقم 1587 فاتستطيع انك تلاحظ الفرق بين ماوصلت اليه الجامعات الخليجيه ولله الحمد على مستوى العالم وبين الجامعات العربية الاخرى وهذا يدل على تطوير جامعاتنا بغض النظر عن السلبيات التي يراها البعض .. على فكرة انا من دولة قطر
رد: دليلك ~ في جامعات لبنان
يعطيك الف عافيه على الموضوع
رد: دليلك ~ في جامعات لبنان
اخوي secret لا اخوي انا متآكد ١٠٠٪ AUB افضل جامعه عربه والمنافسه بينها وبين ارامكو :) ،،
آختي بنت عز سآلت لك ،، AUB ما فيها تمريض يا الغاليه ..
رد: دليلك ~ في جامعات لبنان
السلام عليكم.. كيف حالك اخوي طلال.
الله يعافيك بغيت اسألك بخصوص حساب الساعات في الجامعة اللبنانية او جامعة بيروت العربية.. مع العلم اني خريج الدبلوم الجامعي لجامعة الملك فهد للبترول والمعادن في تخصص التسويق و تخرجت قبل يومين فقط.
هل ممكن يحسبون لي الساعات؟؟ سؤال امهم اتمنى الاجابة عليه.
تحياتي لك يالغالي