تكفوون افيدوني

السلام عليكم ورحمه الله وبركاته
ياجماعه الخير الله يوفقكم ساعدوني
من جد محتاجه لافادتكم
انا تخرجت من الثانوي العام
والحين ادرس تعليم عن بعد تربيه خاصه مستوى اول
ابي اطلع بعثه على حساب الدوله او على حسابي مايهم المهم اني بدرس طب وبحقق حلمي
متى التقديم على البعثات اي تاريخ هجري
وكم النسب المطلوبه للتقديم؟؟
واذا بقدم على حسابي يقبلون اي نسبه ولالا؟؟
واذا رحت على حسابي يصير بعدين اصير على حساب الحكومه ؟؟
وايش الجامعه اللي تقبل النسب المنخفضه ؟؟
باي دوله مو مهم ..
الله يخليكم جاوبوني طمنوووني
بدرس طب تكفوون
انتظر فزعتك ادري ماراح تبخلون علي بالرد ..

وعليكم السلام ورحمة الله وبركاته

ههههههههه
مدري من وين ابدا
المهم
البعثة ...... في بعثة حقة برنامج خادم الحرمين الشريفي اللي هو الى دول الغربية
وفيه بعثة للدول العربية الاردن مصر البحرين
برنامج خادم الحرمين الشريفين يبدا كل سنة بعد نهاية الدراسة يعني بعدما يخلصوا طلاب المدارس تقريبا شهر 7 او8
ويعلنون في الموقع حق الوزارة
بالنسبة لشروط ممكن تدخلي وتشوفي شروطهم ( نسبة ثانوية فوق 90 والقياس والتحصيلي فوق 70 ) ادخلي وشوفي الشروط
يحطون كل شيء كل الشروط المطلوبة في الموقع حق الوزارة

التقديم ع حسابك اكيد تقدرين
بس هذا ماله علاقة بالوزارة
انتي تروحين للبلد اللي تبين تقدمين عليها وهناك الملحقية تعطيعي ورقة ترشيح وتخلصين امورك
موضوع التحويل ع حساب الدولة ايه تقدرين تحولين ع حساب الدولة بشرط انك تخلصين سنة
الجامعات اللي تقبل نسب منخفضة اكيد الجامعات الخاصة
انا ادرس في مصر الجامعات الحكومية ما تقبل الا فوق 95 او 96 لكن الخاصة تقبل نسب اقل من كذا
المشكلة ان الجامعات الخاصة في مصر الحين موقوفة وشالو عنها الاعتراف
ادري كلامي ماهوب مرتب بس انشاء الله ان الفكرة تكون وصلت اختي

انا نصيحتي لك اذا امورك المادية زينة روحي الاردن شوفي لك جامعة خاصة
الجامعات الخاصة مثل ما قلت لكي تقبل نسب متدنية وغير كذا الدراسة اسهل بكثير من الجامعات الحكومية لان الطب صعب شوية
فانصحك شوف لك جامعة خاصة لاني فهمت من كلامك ان نسبتكي نازلة شوية
وحتى لو الجامعات الخاصة غالية انشاء الله زي ما قلت لك تقدرين تنضمين للبعثة وتصيرين ع حساب الدولة

اسف ع اللخبطة في الكلام ..............
انشاء الله نوشفك دكتورة قد الدنيا وتحققي حلمك ...........