بخصوص الدراسه في الاردن يا أهل الخبره
أولا مساكم /صبحكم الله بالخير وكل عام وأنتم بخير أنا عضو جديد بالمنتدى وعندي استفسارات بخصوص الدراسه في الاردن واريد أي عضو سوا مشرف أوغيره يفيدني باللي عنده أنا متخرج من الكليه التقنيه العام الماضي بمعدل 4.44 جيد جدا قسم حاسب الي تخصص دعم فني وعندي طموحي اكمل دراستي بكالوريوس وماتوفقت في اي كليه داخل المملكه وقلت اجل بكمل خارج المملكه نصحوني ناس بالاردن واستعنت بالله وبحثت في الانترنت عن أي مكتب تسجيل في الجامعات الاردنيه وحصلت مكتب في جده دقيت عليهم وشرحتله قصتي كامله قال بسجلك تجسير بكالوريوس في الجامعه الهاشميه او جامعة العلوم والتكنولوجيا وبتواصل سنتين ونصف هندسة حاسب وبعادلولك موادك اللي درستها في الدبلوم وفي جامعة العلوم السنه كامله ب13000 وتقدر تدخل بعثه على حساب الدوله هذي قصتي بالتفصيل علشان تكونون في الصوره أما اسئلتي فهي
س/هل شهادةالجامعات الاردنيه المعترفه بها وزارة التعليم العالي السعوديه لها مستقبل في الوظائف الحكوميه أو القطاع الخاص في المملكه
س/أيهما أفضل الجامعه الهاشميه أو جامعة العلوم من حيث الدراسه وموقع الجامعه والمدن التي هي فيها وأعضاء هيئة التدريس
س/هل الالتحاق بالبعثه ممكن وبعد كم ترم وهل عند الالتحاق بالبعثه استلم مكافاه وكم قيمتها
س/هل مكاتب القبول الموجوده في السعوديه مضمونه أم نصابين وكيف اسعارهم
س/اللي يعرف أي مكتب ثقه يدلني عليه بأي وسيله
طولت عليكم لكن والله انه من جهلي وأنتم خيرمن يدلني وينصحني واللي عنده أي معلومه يفيدني بها بطريقة التسجيل والمعيشه في الاردن والسكن
جزاكم الله الف خير والسلام عليكم ورحمة الله وبركاته
رد: بخصوص الدراسه في الاردن يا أهل الخبره
اهلا اخوي .....والله شوف ما عندي اجابات كافية لاسئلتك الاكاديمية بس ان شاءالله بساعدك ...
اعتقد انك تقدر تكمل حتى في العلوم التطبيقية لان في احد الشباب اعرفه هناك نفس حالتك خريج حاسب من التقنية وكمل هناك وهو يدرس وبس تصير فرصة باخذ منه الطريقة بالتفصيل وارد لك خبر ....اما دخول البعثة هذي تيسير من الله والله ييسر لك واذا دخلت الابتعاث بيمشيلك مكافأة وبيردون لك التكاليف اللي دفعتها ....
وبالنسبة للاعتماد ان شاءالله انها معتمدة والاعتماد اذا جيت تسجل ملفك بالملحقية يحددون لك الجامعة المعتمدة ويعطونك اعتماد لا تخاف من هالشئ ...والبعثة مثل ما قلت لك هم اول ما تسجل يوقعون لك على تعهد بعدم مطالبة بالبعثة بس تتيسر ممكن تجي مكرمة ويشملون الطلاب فيها ...مكاتب القبول ؟؟؟ ما ادري عنهم وودي افيدك بس ما اعرف عنهم شئ وما في افضل انك اذا امكنك تجي وتستفسر بنفسك وانا احاول استفسر من الرجال وارد لك خبر باذن الله ..اتمنى اكون افدتك والمعذرة على جهلي في هالموضوع .
اخوك .dr.mejlad
رد: بخصوص الدراسه في الاردن يا أهل الخبره
اخوووووووي ممكن ترسلي رقم المكتب بليززززززززززززززززززززززززز على الخاص تكفى بقرب وقت
رد: بخصوص الدراسه في الاردن يا أهل الخبره
1- بالنسبه للاعتماد ف تقريبا كل جامعات الاردن معتمده للسعوديه
2- وين افضل هذي مقدر اخدمك فيها ... ! بس يقولون ان الهاشميه بعيده... بس أنا سجلت في "مــؤتـــة" و ماشالله عليها من احسن ما يكون
3- انشالله يطلعلك بالبعثه يا رب.
4و5 انا سجلت عن طريق مكتب اسمه تجسير و ماشاللله عليهم و متابعين معي لحد اليوم. الحمدلله
واذا تحب تشوف عن الجامعه هي موقعها Welcome to Mutah University
رد: بخصوص الدراسه في الاردن يا أهل الخبره
طيب تجسير كم ياخذوا وقت الى ما يجيبوا قبول؟
وكم اتعابهم؟
رد: بخصوص الدراسه في الاردن يا أهل الخبره
اقتباس:
المشاركة الأصلية كتبت بواسطة مريم..!
طيب تجسير كم ياخذوا وقت الى ما يجيبوا قبول؟
وكم اتعابهم؟
اختي مريم مكتب تجسير ما ياخذ اتعاب .
وبالنسبه للمده اذا كان تخصصك اداره اعمال و تقديرك فوق "جيد" فـ يحصلونلك القبول خلال يوم او يومين
اما بالنسبه للطب لازم يكون معدلك فوق الـ 90 و يحصلونلك القبول بسرعه
رد: بخصوص الدراسه في الاردن يا أهل الخبره
السلام عليكم ورحمة الله وبركاته
اخواني / اخواتي
الطلاب الجدد ومن لديهم خبره بالاردن انا طالب جديد 2011وانقبلت بجامعة مؤته
وطلبي من لديه خبره من ناحيه مؤته او ينصحني احول ولا اكمل اتمنى الا يبخل علي
انتظركم بفااااااااارغ الصبر
دمتم بود