ياحي ياقيوم توفقه دنيا وآخره اللي يساعدني ( فني صيدلة من معهد بيدرس بمصر)
بسم الله الرحمن الرحيم
أنا أخوكم في الله
معاي شهادة دبلوم صيدلة من معهد خاص ( الاكاديمية الدولية للعلوم الصحية )
عندي أسئلة الله يوفقه دنيا وآخره اللي يساعدني
سـ1: أبغى أكمل في مصر بكالريوس على حسابي هل الجامعات الحكومية تعادل الشهادة
ولا بس الجامعات الخاصة ، وهل هي معتمده ..؟
سـ2 :وش أفضل الجامعات بالنسبة لمجالي ..؟
سـ3 : احنى في 26 رمضان هل اقد اخلص الاجراءات قبل بداية الدراسة ..؟
سـ4 : كم تكلفة الدراسة للترم الواحد ..؟
سـ5 : لازم اروح لمصر وأقدم ولا اقدر من هنا بالسعودية ..؟
سـ6 :وهل تقبلني البعثة اذ كنت في جامعة خاصة بعد 30 ساعة ..؟
سـ7 : كيف افضل طريقة عشان اجيب ورقة من الملحقية ان طالب سعودي ..؟
عن طريق مكتب ولا اروح بنفسي لهم ..؟
الله ياحي ياقوم ارزقه من حيث لايحتسب من يساعدني
رد: ياحي ياقيوم توفقه دنيا وآخره اللي يساعدني ( فني صيدلة من معهد بيدرس بمصر)
اخوي الله يوفقك لكل خير ان شاء الله ..
بس انا نفس شهادتك وفكرت في مصر قبل سنه او اكثر .. واتصل على مكتب في مصر يخلص امور الطلاب السعوديين ..
وقال لي في مصر مافيه معادلة شهاده تبي تدرس في الجامعه من جديد .. تقدم من الثانويه .. قلت من زمان ماخذ الثانويه
قال عادي راح ياخذون على كل سنه 500 جنيه مصري .. ولازم المعدل يكون فوق 85 %
وقالوا مافيه يعادل دبلوم في الدول العربيه إلا الاردن .. واستخرت والحين قدمت على الاردن في جامعة التكنولوجيا .. على حسابي .. وراح اقدم طلب إلحاق ..
والامور زينه في الاردن ترى للي ماعنده قدره او شده للدول الاوربيه او الامريكيه .. وهناك الالحاق مضمون ميه بالميه لكن في الدول العربيه لازم تستوفي كل الشروط اللي منها اجتياز 30 ساعه
رسوم الدراسه في الاردن طبعا حددو لي الملحقية جامعتين فقط معترف فيها لهذا التخصص وهي الجامعة الاردنيه .. وجامعة العلوم والتكنولوجيا في إربد ..
رسوم التسجيل + رسوم 9 ساعات + رسوم اضافيه = 1180 دينار اردني ...يعني بحدود 6300 ريال .. لان رسوم الصيدلة 100 دينار لكل ساعه .. وهذا في جامعة العلوم والتكنولوجيا في اربد والاردنيه ما ادري عنها
واهم شي على شان المعادلة يطلبون وصف مساقات من المعهد وهذا اللي مأخرني ماعادلت للحين لان المعهد يداوم بعد العيد
هذا اللي اقدر افيدك فيه وفالك التوفيق
رد: ياحي ياقيوم توفقه دنيا وآخره اللي يساعدني ( فني صيدلة من معهد بيدرس بمصر)
حياك الله اخوي وكل عام وانت بخير
ربي يوفقك
الجامعات المصرية الحكومية ما تعادل لك اي شيء
واعرف كذا طالب كانو مخلصين كم سنة وعيت كل الجامعات المعادلة لهم
بخصوص الجامعات الخاصة اكيد فيها معادلة لكن المشكلة الحين انها موقوفة من الملحقية
لكن والله مدري هل فتحوها ولا لا فممكن تتاكد من عندهم
وش افضل جامعة لك والله كل جامعات مصرية قوية وصعبة وفيها هالتخصص والصيدلة في مصر من التخصصات اللي مطلوب فيها نسب علية فمدري كم معدلك لان الصيدلة بعد الطب والاسنان يعني لازم تكون نسبتك عالية
بخصوص التسجيل
انا افضل لو بنفسك تروح مصر وتقدم ازين لك واضمن لان موقع الوافدين اغلب الطلاب يشتكون منه
الرسوم في مصر نوعا ما رخيص
رسومها 3000 جنيه استرليني نصها رسوم تسجيل والنص الثاني رسوم دراسة والسنة اللي بعدها تدفع قط رسوم الدراسة يعني 1500 استرليني
بخصوص البعثة
البعثة تجيك اذا خلصت 30 ساعة وجبت معدل والمعدل اللي اعرفه انه سهل ومقدورن عليه
مثل ما قلت لك اخوي لو تروح مصر وتروح للمحلقية وتاخذ ورقة منهم ثم تروح للوافدين
واذا كان معدل عالي لان الصيدلة اللي اعرفه ماحد يدخلها الا اللي نسبته زينة
الله يوفقك اخوي واسف ع الاطالة
وعيدك مبارك