الى الطالبات تحديدا والطلاب ايضا في جامعة مؤته..

السلام عليكم ورحمة الله وبركاته..مساء الخير..وجمعه مباركه..بدخل في الموضوع على طول..

فيه حمله جايه من السعوديه لمساعدة اخواننا االنازحين من سوريا...فكرة الحمله تقديم مساعدات غذائيه للعوائل ومساعدات عينيه..ومساعدات ايضا معنويه باننا نحسسهم انهم ليسو لوحدهم واننا معاهم باللي نقدر عليه بالدعاء وكذا...كلمت المشرف على الحمله الأستاذ عبد الحفيظ امين وهذا رابط صفحتو على الفيس اللي يبغى يشوف مسيرة الحمله وايش سوو من يوم ماجو للاردن http://www.facebook.com/abdulhafeez.ameen.3 , وقال اذا فيه شباب وشابات سعوديين يقدرو يساعدونا راح يكون شاكر لهم.. هما بكره ان شا الله زيارتهم للنازحين الموجودين في الكرك..بالنسبه للشباب العدد كافي على قولت الدكتور..بس اذا فيه واحد او اثنين كمان مافيه مشكله..الدكتور يقول يبغى بنات يساعدوه في الجهه النسائيه..فاذا كانت اي بنت موجوده في الكرك ولها نية بالحضور ومساعدت النازحين والتخفيف عنهم..فياليت تقولنا عن نيتها بالمشاركه..

وعشان تكونو بالصوره اكثر.. فكرة المشروع انو راح يكون الشباب مع الدكتور وتوزع لهم طرود فيها مساعدات وكذا..وراح يمر النازحين عليهم وتسلم عليهم وتعطيهم كلمتين حلوه تبين لهم انهم مو لوحدهم وترفع من معنوياتهم ..وتسلم لهم الطرد وكذا..
والبنات راح يكونو موجودين في الجهه المقابله عند الامهات ونفس الطريقه..

سامحوني صحيح ان الوقت ضيق ..بس الخبر ماجاني الا اليوم..اتمنى من اللي عنده اي نية في المشاركه انو يخبرني لانهم بكره باذن الله جايين...ولكم خااالص الشكر والتقدير

الاقربون اولى بالمعروف :)

اكيييد..هههههههه..لاني مادريت عن الحمله الا اليوم..الحمله كانت بعمان ولهم كم يوم بعمان بس مادريت الا اليوم وصعبه يجوون من هنااك للكرك..بس اللي يجي حياه الله وجزاه الله خير..دمتي بود

والله نتمنى الحضور بس انا ف السعوديه حاليا :(.. راح ابلغ البنات اللي هناك و ان شاء الله ما يقصرون :o

مشكووره اختي Da***ed على تجاوبك..وانما الاعمال بالنيات ..دام انك نويتي انك تساعدينهم بس ماقدرتي..ينكتب لك الاجر باذن الله ..وشوفي مين من البنات لها نية وادينا خبر..والله يجزاكي بالخير..

اذا تقدر تكتب وين و متى الحمله راح تكون ..؟ لان مبدئيا لقيت بنتين

:o

كل الشكر لك اختي Da***ed.. بالنسبه للحمله راح توصل الكرك حوالي الساعه 12 الظهر باذن الله تعالى..والمكان المزار الجنوبي عند جمعية المركز الاسلامي الخيريه..واحنا الشباب راح نكون متواجدين هناك قبل 12 باذن الله تعالى..شوفيهم انتي وقوليلهم عن فكرة المشروع..واذا ماكان عندهم مواصلات ان شا الله اننا نقدر نوفرها لهم..وجزاكي الله الف خير

انا كلمت الدكتور عبدالحفيظ قبل شوي..وقاللي اني اعطي للبنات الرقم حقه..عشان يعطيهم فكره عن الحمله وايش راح يسوو بكره فهذا رقمه 0777849564 او حسابه على الفيس بوك خللي البنات يراسلونه وراح يزودهم بالمعلومات ان شا الله.. هذا حسابه في الفيس بوك Abdulhafeez Ameen بس اذا كلموه خليهم يوضحون له انهم البنات اللي راح يشاركون بالحمله بكره ..هو قاللي كذا عشان يعرفهم..واكرر شكري وتقديري لك

اوكي مشكور على التوضيح , اللي راح تجي وحده بس و ان شالله بخبرها .. الباقيات ما يقدرو لظروف مانعتهم .. الله ييسر لكل مسلم و مسلمه :)
و جعلها في موازين حسناتكم جميعا

فيها الخير والبركه..والله يعطيكي ويعطيها العافيه..مع اننا كنا نبغى عدد اكثر..لكن كلن وظروفه..جزاكي الله الف خير واعذرينا اتعبناك ..والله يجعلها بموازين حسناتك