جامعة الشارقه والانضمام للدوله .. ارجو المساعده

السلام عليكم ورحمة الله وبركاته
موضوعي عن جامعة الشارقه كما هو مبين من العنوان
انا متخرجه ثانوي بنسبة 96 هذي السنه وضاع علي ترم لظروف خاصه وماودي تضيع علي سنه كامله سألت عن الجامعة ولقيت فيها تسجيل ترم ثاني بس ياليت اتأكد من اللي يدرسون فيها حاليا عن موعد التسجيل للترم الثاني متى بيكون ؟
وحابه استفسر عن الانضمام للدوله لان امكانياتي تسمح للدراسه على حسابي الخاص لمدة سنه بالكثير
سهل انضمامي للدوله ؟ وماهي الشروط للإنضمام انا ان شاءالله ناويه ادخل ادارة اعمال ؟ واذا رحت وسجلت بسرعه يقبلوني بحكم اني بدرس على حسابي الخاص والا احتمال لا ؟
وماهي الطريقه عشان اتحول على الدوله ما ودي اروح ادرس سنه واتورط وارجع ..
ياليت احد يرد محتاجه هالأجوبه عشان ما اخطي خطوه واندم بعدها :(

انا بعد عندي نفس الاستفسارات
ياريت الرد هنا عشان الكل يستفيد :)

لكل اللي يسألون عن جامعة الشارقة ..
التسجيل للترم الثاني مفتوح ورح ينتهي بتاريخ 31 ديسمبر و26 ديسمبر اذا كان الكتروني ..
وموقع الجامعة يوضح كل الامور والاسئلة اللي تبونها واضح جدا والرسوم ايضا موجودة في الموقع ..
بالنسبة للالحاق بالبعثه لها عدة خطوات ..
بعد ما يتم تصديق شهادة الطالب/الطالبة ويتم التسجيل بالجامعة مع مراعاة التخصصات المعترف فيها من قٍبل الملحقية
يتقدم الطالب/الطالبة بطلب موافقة الدراسة على الحساب الخاص من خلال موقع الوزارة ويكمل بياناته بالموقع مع رفع جميع الاوراق المطلوبة
وبعد كذا ينتظر الموافقة ..وعند صدور الموافقة وسفر الطالب لمقر لدراسه حتى يبدأ دوامه يتقدم بتفعيل قرار الموافقه من موقع الوزارة ايضا ومع رفع اوراق مطلوبة كذلك
ويباشر دراسته كأي طالب .. بعد كذا يعمل طلب إلحاق بالبعثة من الموقع
*علما بأنو الالحاق مايتم قبل ان يكمل الطالب/الطالبة 30 ساعه في التخصص وطلاب اللغة لاتحتسب لهم الساعات الدراسيه من ضمن ساعات البعثه
وهذا الامر ببساطة على حسب خبرتي البسيطه علما اني لازلت في خطوة طلب الموافقة
ودعواتكم لي ولجميع المسلمين بالتوفيق والتيسير
وحبيت اشرح الموضوع ببساطة لكثرة الاسئلة حول هالموضوع وانا مستعده للاجابة عن أي اسئلة وشرح استطيع المساعدة فيه ..

هل يوجد جامعه تقدم منحه للطلاب من غير دفع رسوم يعني؟؟

هل صحيح ان اوقفوا الالتاق بالبعثه في الدول العربيه ؟؟

احد جاه ايميل من الملحققيه ؟

اقتباس:

---

المشاركة الأصلية كتبت بواسطة سهر أحلام

هل صحيح ان اوقفوا الالتاق بالبعثه في الدول العربيه ؟؟



احد جاه ايميل من الملحققيه ؟

---

لا الالتحاق مستمر

طيب اختي متأأكده من هالشي ؟

مافي نكبات يعني ؟

عندك اي وثيقه رسميه منهم تثبت هالشي لان اهلي مصرين ان الالتحاق توقف ومافي بعثات ابدا هناك ؟

ياليت تساعدوني بأي شي يثبت امكانيه الالتحاق بالبعثه هناك

وجزا الله الجنه للي يرد علي ويبرد خاطري :(

اقتباس:

---

المشاركة الأصلية كتبت بواسطة سهر أحلام

طيب اختي متأأكده من هالشي ؟

مافي نكبات يعني ؟

عندك اي وثيقه رسميه منهم تثبت هالشي لان اهلي مصرين ان الالتحاق توقف ومافي بعثات ابدا هناك ؟

ياليت تساعدوني بأي شي يثبت امكانيه الالتحاق بالبعثه هناك

وجزا الله الجنه للي يرد علي ويبرد خاطري :(

---

مافي وثائق رسميه بس انا رايحه الملحقيه بالامارات الشهر الماضي ومتأكده وغير كذا تقدرين تتصلين عليهم تأكدين بنفسك
وبالنسبه لاهلك يمكن قصدهم الابتعاث نفسه اللي موقف اما الالتحاق فمستمر وانتي توكلي ع ربك وكل شي بيتسهل ان شاء الله

السسلام عليكم ،،

حابه اسألكم انا معاي بكالريوس تمريض هل الجامعه موجود فيها ماجستير تمريض وايش التخصصات ؟ واذا مافي ماجستير لو ابغى ادرس بكالريوس طب او صيدله هل فيه امكانيه انهم يعادلون لي بعض المواد التحضيريه او ابدا من جديد ؟؟

وبالتوفيق للجميع :)

اقتباس:

---

المشاركة الأصلية كتبت بواسطة jawaherr

مافي وثائق رسميه بس انا رايحه الملحقيه بالامارات الشهر الماضي ومتأكده وغير كذا تقدرين تتصلين عليهم تأكدين بنفسك
وبالنسبه لاهلك يمكن قصدهم الابتعاث نفسه اللي موقف اما الالتحاق فمستمر وانتي توكلي ع ربك وكل شي بيتسهل ان شاء الله

---

نعم الالتحاق ما زال مستمر وفق شروط الالتحاق المعروفة ( اتمام 30 ساعة + معدل 2.5 من 4 + جامعة و تخصص موصى به ) ..

بإمكانك الاتصال بالملحقية الثقافية السعودية بدبي للاطمئنان و بشكل مريح لك و لأسرتك

هاتف الملحقية : 0097142697444

و بالتوفيق