ما هوا الفحص الطبي ......... ادخل هنا وتعرف
بسم الله الرحمن الرحيم
طبعاً الفحص هذا شي ضروري ولا لو تحفر ما تجيك الفيزا طبعا انا رحت وفحصت وكنت بصراحه شايل هم الفحص والخوف من هذا الفحص انا قلت الحين ع اللي سمعت انه شي عظيم يعني قلق تدرون عاد وش طلع اوقسم بالله انه ما ياخذ وقت انا اذكر جيت الساعه 2:4 طلعت تقريبا الساعه 3:10 .
الأن تقولون انتو وشو الفحص هذا يعني ندخل وش نسوي بضبط هنا انا بقولكم بحكم تجربتي وعشان افيد الأخوان هنا ...
اول شي ....
تاخذ موعد .
طبعا اللي في الرياض يدق ع سليمان حبيب وياخذ موعد وقيمة الفحص 990 ريال و مستشفى التخصصي بس هذا اللي في الرياض .
جده والله ما اعرف بس في موضوع كتبه مبتعث فيه عن جده ومدعوم بصور .
طبعا الشرقيه الخبر الحفر الخفجي الأحساء الدمام وانت ماشي عندك أسطون طبعا انا فحصت فيه والله جيت ولقيت طلاب في تقريبا 6 وقيمت الفحص 1200 ريال ومن اروع مايكون يعني سهلات ياشبااب .
ثاني شي :
تروح الأستقبال وتقول انا حاجز في اليوم الفلاني المهم هي تقولك وش اسمك انت بتقول الأسم حقك طبعا انايوم قلت لها اسمي قلت لا والله ما عندك موعد بغيت ادخل عليها واقتلها اقسم بالله قلت شيكي على الأسم بعدها شيكت قالت لا لا موجود حتى كلمت اسفه ماقالت هي وخشتها
ثالث شي :
تدخل على دكتور يقول لك فيك مرض او شي وبيقعد يختم ع اوراقك .
رابع شي :
يقولك الدكتور روح المختبر وبيعطيك ورقه تروح المختبر ويسون لك تحليل دم وترى الأبره ما تعور ولا شي غمض فتح الى وانت خالص بعدها وانتو بكرامه بوول وبس .
خامس شي :
تطلع من هذا المختبر تروح الأشعه المهم بتاخذ اشعه كلها 5 دقايق الى وانت مخلص وبعدها خلاص انت خلاص سويت الفحص شفتو انه سهل ولا ياخذ وقت
طبعا بعدها تدق ع المستشفى وتقول لهم كم رقم الشحنه بعدها بأسبوع وبس هذا كل تجربتي في الفحص طبعا انا فحصت في اسطون وهذا في الخبر
وعقبال الفيزا للأخوان كلهم يارب يسهل الأمور قولو امين :fez:
وانشالله اني وفيت في الشرح :party:
brhoOome
رد: ما هوا الفحص الطبي ......... ادخل هنا وتعرف
توضيح بسيط
لأهل الرياض
في 4 مستشفيات ممكن تسوي فيها فحص
مستشفى المملكة وهو ارخص واحد بس الفرق مو مستاهل 950 بس لازم تأخذ موعد وتصل مواعيده الى اسبوعين او اكثر
مستشفى التخصصي وهذا ما ادري ايش نظامه هل هو مجاني هلا هو للمبتعثين ما عندي اي خبر عنة
مستشفى قريب من شارع التحلية بس والله ناسي ايش اسمة عيبة يتأخر بأرسال الاوراق لسفاة
مستشفى سليمان الحبيب على شارع الملك فهد هو الاختيار الافضل سعرة على خبري 980 وما حتاج موعد ولا شي او ما تستلم الاوراقك انقز عندهم و اذا ارسلو اوراقك يرسلون لك مسج برقم الارسالة ومايطولون
وبالتوفيق للجميع
ملاحظة هذي الملعومات على خبري قبل سنة تقريبا على حج السنة الماضية
رد: ما هوا الفحص الطبي ......... ادخل هنا وتعرف
الله وانا اخوك انا قريت كذا مدري عن المستشفيات الثانيه على العموم مشكور ع الرد والله يوفقك يارب
رد: ما هوا الفحص الطبي ......... ادخل هنا وتعرف
السلام عليكم ورحمة الله وبركاته ...
أخوي brhoOome<<== ما شاء الله عليك شرح كافي و وافي و واضح بعد ..
ما قصرت يالغالي وأن شاء الله عقبال ما تجيك الفيزا بأقرب وقت ان شاء الله
تحياتي لك ومشكور وما قصرت على الشرح ..
أخوي GaMaR AzMmMaN <<== مشكور اخوي على التوضيح والمرور الرائع تحياتي لك ,,
تحياتي لكم جميعاً وتقبلو مروري ...
ودمتم بود ..
رد: ما هوا الفحص الطبي ......... ادخل هنا وتعرف
شباب اتمنى منكم افادتي كيف اتابع شحنتي عن طريق ارامكس ؟
رد: ما هوا الفحص الطبي ......... ادخل هنا وتعرف
بارك الله فيك يالغالي وشرح ولا أروع
وفعلاً انا قبل لا أسوي الفحص كنت نفس الحالة ..
والحمدلله كل الأمور تسآهيل باذن الله ..
اقتباس:
المشاركة الأصلية كتبت بواسطة الــ ع ــنى
شباب اتمنى منكم افادتي كيف اتابع شحنتي عن طريق ارامكس ؟
وبالنسبة لسؤآل اخوي الغالي ...
هو انك وقت مآتسوي الفحص راح يعطونك رقم الشحنة تتآبعهآ بأرامكس ..
واذا ما أعطوك اياها أتصل على العيادة وأطلب رقم الشحنة وباذن الله خير
عموماً الأوراق راح توصل لندن يومين باذن الله بالكثيير اذا تيسرت الأمور
دعواتكم لي ..
رد: ما هوا الفحص الطبي ......... ادخل هنا وتعرف
اقتباس:
المشاركة الأصلية كتبت بواسطة مبتعث فانكوفر
السلام عليكم ورحمة الله وبركاته ...
أخوي brhoOome<<== ما شاء الله عليك شرح كافي و وافي و واضح بعد ..
ما قصرت يالغالي وأن شاء الله عقبال ما تجيك الفيزا بأقرب وقت ان شاء الله
تحياتي لك ومشكور وما قصرت على الشرح ..
أخوي GaMaR AzMmMaN <<== مشكور اخوي على التوضيح والمرور الرائع تحياتي لك ,,
تحياتي لكم جميعاً وتقبلو مروري ...
ودمتم بود ..
نورالموضوع يا ابو غازي وانشالله تتسهل امورنا يارب
رد: ما هوا الفحص الطبي ......... ادخل هنا وتعرف
اقتباس:
المشاركة الأصلية كتبت بواسطة leno
بارك الله فيك يالغالي وشرح ولا أروع
وفعلاً انا قبل لا أسوي الفحص كنت نفس الحالة ..
والحمدلله كل الأمور تسآهيل باذن الله ..
وبالنسبة لسؤآل اخوي الغالي ...
هو انك وقت مآتسوي الفحص راح يعطونك رقم الشحنة تتآبعهآ بأرامكس ..
واذا ما أعطوك اياها أتصل على العيادة وأطلب رقم الشحنة وباذن الله خير
عموماً الأوراق راح توصل لندن يومين باذن الله بالكثيير اذا تيسرت الأمور
دعواتكم لي ..
والله انا زيك بس الحمد الله طلع الفحص شي سهل من جد نورت الموضوع يا غالي
رد: ما هوا الفحص الطبي ......... ادخل هنا وتعرف
اقتباس:
المشاركة الأصلية كتبت بواسطة الــ ع ــنى
شباب اتمنى منكم افادتي كيف اتابع شحنتي عن طريق ارامكس ؟
اذا اخذت رقم الشحنه تدخل موقع ارامكس وتدخل رقم الشحنه وبيطلع لك اذا هي وصلت ولا لا
رد: ما هوا الفحص الطبي ......... ادخل هنا وتعرف
اي نعم يعلمك اوراقك وينها بالضبط
تحياتي لك