مدة طباعة قرار الابتعاث

السلام عليكم ورحمة الله

اخواني انا ارسلت كامل اوراقي بالبريد الممتاز للوزارة يوم الأحد كم المدة حتى يكتبولي " تم طباعة القرار " ولمن اطلع الرياض كم حأخد وقت عشان استلمه منهم واسوي امر الاركاب وهل فيه مستندات لازم اجيبها معايا للوزارة هناك؟
وشكرا لكم

......................................

بالمراسلة ما عندي علم

أنا لمن رحت أطلع قرار الابتعاث وأمر الأركاب مع قص التذاكر ما أخذ الموضوع أكثر من ساعة
موفق ان شاء الله
رح لهم اذا منت بعيد عنهم وخذ معك الجواز وصور منه من الفيزا وصور من القبول الدراسي وأصل و صور بطاقة الأحوال ونموذج راح تعبيه هناك فيما اعتقد
وحدد قبل ما تروح بالضبط تاريخ الذهاب اللي تبغاه والخطوط اللي تبغى تسافر عليها علشان تنهي اجراءاتك بسرعة

شكرا يا عبد الرحمن ابشرك خلاص تم طباعة القرار وان شاء الله طالع الرياض في اليومين الجاية عشان اخلص الاجراءات وربك يعين
شكرا لك والله يوفقك يارب

الف مبروك
طلبوا منك شي لما استلمت القرار منهم

ياريت تفدني

الله يبارك فيكي اختي نيفين انا بكرة ان شاء الله طالع الوزارة وراح اقلك اش يصير معايا

اختي نيفين اليوم الحمد لله كنت في الوزارة وخلصت كل اموري الحمد لله
بالنسبة اذا كنتي جاية الوزارة ولسه تبغي تطبعي قرار الابتعاث لازم تجيبي الاوراق اللي كاتبيها في متطلبات اصدار قرار الابتعاث وتسلميها لهم ويعطوكي نموذج تعبيه ويمكن ياخد عبال لا ينطبع ساعة ونص اكثر او اقل في هذه الحدود حسب ماشفت من الناس وبعدين بعد ماتستلمي قرار الابتعاث يطلبو منك تصوريه وهما راح يقولوك فين تروحي وتسلمي لهم الصورة ويكتب الموظف على الورقة رقم ما ادري اش هوة بس المهم انو حيقلك روحي على مكتب الطيار على طول اللي في الوزارة عشان تسوي الحجز والتذاكر لمن تروحي الطيار اعطيه صورة القرار اللي كتب عليها الرجال وصورة من بطاقة احوالك وبعدين يقلك استني ننادي عليكي وينادوكي تسوي الحجز ويطلب يشوف جواز سفرك وتسنتى كمان عبال لايطبعو التذاكر وبعد كده تكوني خلصت كل اجراءاتك والف مبروك عليكي ... ازا ارسلتي اوراقك بالبريد الممتاز وقالولك تم طباعة القرار حتروحي على الوزارة تستلميه على طول وتصوريه وتكملي زي ماقلتلك انا جيت الوزارة ومصور معايا كل شي احتياطا بس ماطلبو مني الا الجواز وصورة البطاقة بس انتي جيبي كل شي معاكي وصوري منو صور وخليه معاكي احتياطا ماتدري اش يصير مهونة وميسرة ان شاء الله لاتشيلي هم والله يعين الجميع