مساعدات للسعوديين مقابل ثمن غالي جداا تفضلوا

السلام عليكم ورحمة الله وبركاته

اولا اريد اسرد عليكم سبب كتابتي لهالموضوع
بالصدفه مريت لمجموعه من الزملاء وشفت عندهم البخاخ حق الربو (Ventolin) اللي يجي لونه اخضر قلتله من باب المداعبه من وين جبت هالبخاخ قال جبته قلتله محتاجه قالي مره قلتله طيب ابيه قال اذا لاطفالك خذه هم اهم مني قلت لهالدرجه مهم قال بالحيل
قلت والله ونعم بس لهالدرجه صعب تاخذه قالي دفعت 400 دولار مراجعات اطباء وخرابيط بس ع شان يعطوني الوصفه وسعره نسيت كم قالي بس مو رخيص بالسعوديه ب 15 ريال بس
العرض الاول
انا عندي مجموعه قليله جايبهم لزوجتي والحمدلله من فضل ربي ماحتجناهم
فلذلك اي شخص محتاج البخاخ وبشرط حاجه ماسه يرسلي على الخاص وان شاء الله نتواجه وياخذه.


العرض الثاني

عندي بنتي الكبيره تدرس في ريتشموند وكنت اروح من الداون تاون بالباص والاسكايترين ساعه كامله وتعب والحمدلله الله سخر لي واحد مغربي بس جنسيته كندي واولاده يدرسون بالمدرسه السعوديه فصار ياخذ بنتي معاه الحين قررت اروح واجي بالسياره اول كنت موقفها لان الداون تاون ماتحتاج فيه سياره طبعا لسى مارحت ريتشموند بس ان شاء الله بكرى اول يوم واذا في احد يحس بصعوبه وماعنده خبره كيف يروح يودي اطفاله برضوا يرسل لي على الخاص وانشاء الله تتيسر الامور ونحاول نساعد باللي نقدر عليه


اما الثمن الغالي جدا فماهو الا دعوه في ظهر الغيب هذا الثمن الغالي جداا

الله يجزاك الف , ويسهل امركـ انشا الله


وفقكـ المولى

أسأل الله أن لا يحوجكم وجميع المسلمين للأدوية وأن يمتعنا وإياكم بالصحة والعافية ويبارك فيكم ويبيض وجيهكم

يعلم الله الذي لا اله الا هو انه احب على قلبي من اموال الدنيا كلها دعاويكم وماقصرتوا

الله يجزاك خير
انا الحمد لله مو محتاجه شي من هالاشياء بس اكيد في غيري محتاجهم

جزاك الله كل خير وييسر عليك كل عسيروالله يكثر من امثالك :thumb:

الله يووفقك ويجعلها في ميزان حسناااتك

الله يجزاك الجنه اخوي

ويوفقك ويسعدك على هالمبادرة الطيبه

مااحتاج شئ الحمدلله من العرضين بس حبيت اعقب على الموضوع

عساك على القوة وان شاءالله مااحد يحتاج للادوية

ماقصرت

الله يوفقك ياشيخ, انا ما احتاج شي من الي فوق
لكن لمجرد انك شرحت خاطري بالانسانية التي تلف الموضوع.

الله يجزاكـ بالخيــر والله انكـ كفو ونعمـ لو غيركـ قال ابيعه ب 200 $

الله يسهل امورك ويوفقك ويحفظ عيال


"من نفّس عن مؤمن كربة من كرب الدنيا نفّس الله عنه كربة من كرب يوم القيامة ؛ ومن يسّر على معسر يسّر الله عليه فى الدنيا والآخرة ؛ ومن ستر مسلما ستره الله فى الدنيا والآخرة ، والله فى عون العبد ما كان العبد فى عون أخيه" الحديث رواه مسلم