عرض للطباعة
السلام عليكم
اخواني واخواتي في مبتعث
"ما خاب من استخار ولا ندم من استشار"
انا محتاااره في امري حابه احول امريكا من كثر ماسمعت من صعوبه الدراسه هنا
وانا حابه اكمل مختبرات طبيه
اش رايكم تنصحوني بالتحويل او الاستمرار بكندا؟؟
ثاني اذا عندكم نسخ او افكار في كتابه السيره الذاتيه والغرض من الدراسه ساعدوني فيها ياليت بالعربي مو مشكله
وشكراً
السلام عليكم .. الكل يقول الدراسه في كندا اصعب و الى الان ولا احد اثبت هذا الشي .. كله كلام ناس و يمكن ما يكون عندهم الخبره في ذا الشي اصلاً .. و لكن السوال الاهم هل سألتي الشخص اللي فعلاً درس و أنهى تخصصه في كندا ؟؟؟ ولا بس كلام ناس !! .. انا اشوف انه الافضل لك تكملين بكندا لانها افضل من أمريكا من جميع النواحي ( رأيي الشخصي ) .. يكفي من ناحية الامن و الامان و طيبة و حسن تعامل الشعب الكندي .. و ايضا من ناحية رواتب المبتعثين .. و صدقيني صعوبة الدراسه او سهولتها ليست مقرونه بكلام الناس .. انما بتوفيق الله و ثم بمجهود الطالب ( لكل مجتهد نصيب ) .. فرضاً كانت الدراسه في امريكا اسهل .. كم راح تكون نسبة سهولتها عن كندا؟؟؟ هل معقول انها بتكون اسهل من كندا بنسبة ٥٠٪ ؟؟؟؟ .. مع الاخذ بالاعتبار بأن اغلب المناهج اللى تدرس سواء في الجامعات الكندية او الامرييكية تكاد انها تكون نفس مناهج واحدة .. و في الاخير هذا مجرد رأيي شخصي .. و بيدك القرار .. الله يوفقك و يكتب لك اللي فيه الخير
يشيخ تسلملي على هالكلام اخوي دودي ياخي انت نابغه اقسم بالله اقنعتني والا كنت افكر احول وكلامك سليم كله وحتى انا من رأيي تكملين هنا بصراحه كندا من افضل الاماكن اللي زرتها امان وناس طيبه ومعيشه حلوه وطبيعه خلابه وجو خرافي وكل شي الحمد لله تمام بصراحه ياليتني من زمان جاي هنا
حوووووولي اذا تبي نصيحتي
امريكا انا ما احبها نصيحه لا تورطى وتروحين لها
كندا على الاقل مافيها عنصريه ولا احد يتعرض المسلمين والعرب والسعوديين
وبعدين كثير انا شايف انقبلوا بالجامعات هنا
أنا أحس التحويل وكثرة التردد يعطيك دافع كبير للفشل فمن رأيي أنك تكملين وتتحملين فتخصصك طبيعي صعب لو تروحين للفلبين بيطلع صعب فوجهة نظري إنك تبقين بكندا إلا إذا ما قدرتي تحصلين قبول هنا فبالغالب المشكله بالقبولات وليس الدراسه فأمريكا فيها جامعات بكل زاويه كأنها بنك الراجحي عندنا ولكن كثير منها سكه بإستثناء التخصصات العلميه البحته الطب الصيدله والمساعدات الطبيه منثل تخصصك والهندسه وكثير منها ....
خلاصة الكلام إننا مبتعثين علشان ندرس صعب سهل ما يهمنا المهم الجد والمثابره والإهتمام تحصل علي ما تمناه بتوفيق الله . ومره ثاني ما أعتقد إن تخصصك تفكرين بصعوبته لأنه صعب ولكن متميز ونادر فأكثر المبتعثين هنا أشوفهم تسويق وما أدري هل التخصص هذا محتاجينه لهذا الحد بالسعوديه !!!
الله يكتب اللي فيه الخير والصلاح انا بستخير والخيره فيما يختاره المولى
شكراً على ردودكم :)