حوار تجمع طلاب Kwantlen Polytechnic University

تسلم عالموضوع اخ ابراهيم .. انا بعد ادرس بنفس الفرع .. حبيت اسألك في اي مستوى واصل في اللغة ؟؟؟ ،، تحياتي لك

ممكن استفسارات اخوي هي وين تقع بالظبط يعني كم تبعد عن الداون تاون وبالنسبه للقبول كيف طريقتهم ابي اقدم عليها ياليت تفيدني فيها

تبعد تقريبا نص ساعه .. تروح لها بالكندا لاين و لنزلت لمحطة (Lansdown Staion) ما يجتاج تاخذ باص ..تكمل مشي ٤ او ٥ دقايق و توصل للجامعة .. الجامعه اغلب تخصصاتها ادارية .. و بالنسبة لمعهد اللغة على حسب علمي انه موقف من الملحقية و لكن الجامعة موصى بها .. بالنسبة لمستويات اللغة فيها ٦ مستويات كل مستوى مدته ١٤ اسبوع ،، المستوى الثالث اللي هو الاخير لازم تكون درجه النجاح على الاقل (B) ٧٢٪ عشان تأهلك انك تبدأ الدراسة الاكاديمية .. اما المستويات الاخرى يكفي انك تجيب (B-) ٦٨٪ عشان تنجح .. دراسة اللغة في كوانتلن تعتبر واحدة من افضل المعاهد في فانكوفر في كورسات ال ELST .. بالاضافة انك تتحكم في اوقات دوامك ( تحدد جدولك بنفسك )،، بالنسبة لدرجه الايلتس في حال دراسه البكالوريس تكون ٦ في جميع الاقسام كما بين الاخ ابراهيم في بداية الموضوع .. عدد السعوديين في الجامعه على اللي اشوفه لا يتجاوز ١٠ طلاب .. يمكن عشان كلاساتي في المساء .. بس صار لي في الجامعه ٨ شهور ما شفت فيها غير ٧ او ١٠ سعوديين فقط

طيب انا نسبتي الثانويه 70 والرياضيات عندي يمكن 51 يعني طايح المواد العلميه هل ممكن انقبل فيها في تخصص ادارة اعمال وبالنسبه للمعهد حقهم انا ما اقدر ادرس فيه لانو الملحقيه موقفه طيب وين ادرس اللغه في معهد تجاري الملحقيه ما يسمحون تدرس بمعهد تجاري اكثر من 6 شهور يعني وش الحل برأيك خصوصا اني محتاج استشارات لاني جديد على كندا وادرس بمعهد تجاري 3 شهور حاليا بعدها بشوف جامعه

بعد التحيه:

> طالب سنه ثانيه في نفس الجامعه ( سيرري ) لي سنه كامله ما شفت فيها الا ٣ سعوديين.

الف شكر اخوي dodi_206 ماقصرت على الاضافات وفعلا حنا نحتاج موضوع مثل كذا يربطنا مع بعض ونستفيد من بعض

بالنسبة لبرنامج اللغه الخاص بالجامعه ماظن انه مقفل من الملحقية لانه اساسا مافيه سعوديين واجد، يمكن ينعدون بالأصابع !!! ولو تشيك موقع الوزارة والملحقيه ماراح تحصلها من المعاهد او الجامعات المغلقه الحمدلله

بالنسبة لبرنامج اللغه، حسب ماشفت وسألت غيري، ما ارتاحوا له الشباب ولاسباب متعدده منها ان الدراسه من 10 الى 2 الظهر، والدراسه 4 ايام بالاسبوع يعني ماتحس انها كرف،
ونظام التدريس يختلف شوي عن نظام المعاهد يعني هنا ماتعتمد على المدرس بنسبة 100% لا،، هنا تعتمد عليه بنسبه 50% والباقي على مذاكرتك في البيت والقرايه وغيرها
فيمكن عشان هالسبب السعوديين مارتاحوا الواحد يحب واحد يشرح ويعبي راسه وبعد مايخلص المعهد يروح يفل امهـــا

فهو برنامج حلو لو انت تدخله حتى تظمن مقعدك بالجامعه، او انك تجيب درجه الأيلتس اللي طالبينها فالخيـــــار الأول والاخيــــر يعتمد عليك


انا يااخ عبدالله خلصت اللغه والحين بالسنه الاولى ماشي بالثانيه الحمد لله

تخصصي Human Resources Management

Polytechnic متعدد الفنون

تشتهر كوانتلن ببرامج التصميم والازياء والتصميم الداخلي والاداره
ومن اقوى برامجها الأزياء او Fashion والاداره

اخوي آي واحد،،،، انا شهادتي تجاريه ماعندي اي مواد علميه والحمد لله انقبلت، مايركزون على مواد الثانوي، تركيزهم على انك مخلص ثانوي او لا