متوهق ولا اعرف وش اسوي اتمنى منكم المساعدة العاجلة
اخواني السلام عليكم ورحمة الله وبركاته
عندي استفسارين واتمنى اني ما اثقل عليكم وتخدموني خدمة العمر بالاجابة عليهم
1- ابي الله لا يهنيكم موعد الدراسة متى بيبدا بالظبط لاني سمعت انه بيجي الكرسمس في 30 وبعدها بتدامون ثلاث ايام او اربعة وبعدها تاخذون اجازة ثلاث اسابيع تقريبا
فا انا ابي موعد الدراسة بالظبط عشان احجز قبل الدراسة باسبوع عشان ارتب اموري لاني انقبلت في معهد بان باسيفيك بفانكوفر وابي اعرف متى احجز لاني كنت باحجز على 10 / 1 لاكن قلت اتاكد منكم
2- يا ريت اذا تعرفون عوائل من اصول كندية يكونون تمام لانه المكتب الي خلص اوراقي كل العوائل الي عنده من اصل اسيوي وانا ما ابيهم ولا الي بيروح معي فاذا تعرفون عائلتين كويسين وقريبين من بعض واهم شي يكونون قريبين من المعهد
تسون خير بس ما يكونو من اسيا او شقة ممتازة بغرفتين وسعرها حلو ورخيص
بس وسلامتكم اتمنى تجاوبوني الله يجزاكم خير لاني متوهق وماجل الحجز علشان هالسببين بس اهم شي موعد الدراسة
رد: متوهق ولا اعرف وش اسوي اتمنى منكم المساعدة العاجلة
اخوي W.M.G
انصحك بالدخول على موقع المعهد والبحث عن جدول وتواريخ الاترام للحصول على التواريخ بالضبط
يعني ماتبغى تحجز على اساس كلام شخص مو موثوق كلامه وان شالله الشباب فيهم البركه
بس بالامور هذي لازم تشوف بعينك وتتأكد بنفسك علشان ماتوهق نفسك
وتجي بعدين تقول قالي واحد ان الترم يبدا بالتاريخ الفلاني !!!
وبالنسبه للعوائل الكنديه مااشوف ان فيها مشكله لو سكنت مع عائله اسيوية
لان من تجربتي الشخصية ومن بعض تجارب الشباب ان العوائل الاسيويه متساهله مع السعوديين اكثر من العوائل الكنديه
ويكونون من زمان في كندا من عشر سنوات او عشرين سنه
يعني كل اللي تحتاجه انت ممارسة اللغه مع شخص غير عربي وبس
واذا ماعجبوك بإمكانك تبحث بنفسك وتغير السكن
وبالتوفيق ان شالله
رد: متوهق ولا اعرف وش اسوي اتمنى منكم المساعدة العاجلة
اللهم امين يعطيك الف عافية اخوي موزنبيقي ما قصرت والله يكتب ما فيه الخير
رد: متوهق ولا اعرف وش اسوي اتمنى منكم المساعدة العاجلة
اخوي بخصوص العوائل من اصول كنديه مارااااااااااح تلقي يعني هم موجوديييين بنسبة 1 من الميه بفانكوفر لاأن اكثر العوئل هنى اسيويين او هنود وانا انصحك بي عائله هنديه لاان اكلهم حلو وبتنبسط معاهم , وبخصوص العوائل الأسيويه تراهم مو بطالين يعني اوك الامور معاهم .. وبخصوص اللغه بتتعلم معاهم من تجربتي انا . وانا اعرف لك وحده فلبينيه جدااااااااااااااا ممتازه تقدر تسكن عندها انت وخويك . انا سكنت عندها اسمها ميرندات كانت بالكويت واختها كانت بالسعوديه وتتكلم بدوي لو تبي ههههههههههههه والعائله كويسه . انا طلعت من عندهم لااني تزوجت واخذت لي شقه .انت لو تبيهم دز لي رساله ع الخاص وانا اعطيك رقمهم او انسق لك معاهمه لو ماتعرف انجليزي ,, والله يوفقك وتوصل بالسلامه انشا الله
رد: متوهق ولا اعرف وش اسوي اتمنى منكم المساعدة العاجلة
السلام عليكم .. بخصوص موعد الدراسة تلاقيه على الرابط التالي : Academic Calendar
و يحدد لك موعد دراستك .. ما اعرف بالضبط ايش الكورس اللي انت مسجل فيه .. و لكن من اللي موضح بالتقويم انه الكورس يبدأ في ١٠ يناير ٢٠١٢ ،، بالنسبة للعوائل تقدر تحصل كنديين بالراحة و لكن خارج الداون تاون و خارج منطقة ريتشموند .. المناطق اللي تكثر فيها العوائل الكندية هي North Vancouver و East Vancouver .. تقدر تدخل على الرابط التالي و راح يعطيك خيارات عديدة للبحث عن هوم ستاي كنديين vancouver, BC rooms & shares classifieds "homestay" - craigslist
اتمنى تكون الاجابة شافية لك .. اذا في استفسار راسلني عالخاص و انا تحت امرك .. تحياتي