احتاج قبول في معهد اللغة في برتش كلومبيا مين يقدر يساعدني في القبول وشكرا
عرض للطباعة
احتاج قبول في معهد اللغة في برتش كلومبيا مين يقدر يساعدني في القبول وشكرا
مرحبا..
أخي الكريم ما يحتاج مساعدة ,
1- ادخل على الرابط
Program Application Form - UBC English Language Institute
2- قم بتعبئة الابليكيشن, وادفع الرسوم الاولية وراح يجيك القبول إلى بيتك ب DHL خلال اسبوعين.
للمعلومية راح تحتاج تدفع
150 دولار رسوم ابليكيشن
300 دولار رسوم تسجيل عن كل ترم, وأغلب الطلاب يسجلون سنة كاملة يعني ثلاثة اترام يعني كل ترم راح تدفعه رسوم تسجيل 300 , يعني 300×3
40 دلاور رسوم DHL
XX دولار للتأمين الطبي, لكن كمبنعث ما تحتاج لوجود تأمين الملحقية
وربما يوجد رسوم أخرى. كل هذها رسوم اولية غير رسوم التويشن اللي راح تندفع بعدين من الملحقية
اعتقد انك ممكن تدفع اون لاين او حوالة بنكية إلى حسابهم, واتوقع ان الملحقية تعوضك لما تصل كندا مع ضرورة وجود الفواتير
صراحة , وهذا رأي شخصي, أنا ما احب هذا المعهد, لأنه معهد جدا عادي وملل و غير معترف بشهادته عند التقديم للجامعات و لا يؤهل الطالب لاختبار الايلتس وهي نقطة مهمة جدا جدا مع الرغم انه يوجد حصص ايلتس ولكن جدا بدائية ولا تنفع.
وفوق هذا كله استغلالي إلى أبعد درجة من الناحية المالية. والمعهد ترى منفصل عن ادارة الجامعة يعني مو معناه انك خلصت المعهد تقدر تدخل الجامعة ماله علاقة.
نصيحة, ركز فقط على شروط القبول للبرنامج اللي ترغب دراسته في الجامعة, ادخل موقع الجامعة وادخل على البرنامج اللي تبغاه واطبع شروط القبول وافهما زين, وضع خطة انك تحقق هذه الشروط أذا اتبعت هذه الطريقة بإذن الله راح تقبل باسرع وقت
ممكن. ومن ناحية اللغة ركز على اختبار الايلتس وحاول تختبر كل شهر, والله أعرف طلاب كانوا يخبرون كل اسبوع في مركز اختبار الايلتس وبدأوا من 5,5 و بعد كم شهر من تكرار المحاولة وصولوا إلى 7 , وكذا ارتاح من هم شرط اللغة, ولو تتبع فلسفة
المعهد ما راح تحصل شيء كلام فاضي و وقت طويل وفي النهاية ما معاهم اتفاق مع الجامعة لقبول الطلبة والجامعات الاخرى والله ما تعترف بشهادتهم وراح تطالبك بالايلتس او غيره و المعهد يعرف الكلام هذا عشان كذا ما يركزون على تدريس الايلتس
وتدرسونه بطريقة بدائية مع اساتذه ماعندهم خبره بالايلتس وأغلبهم اول مره يسمع بالاختبار. بكل الاحوال أنا كانت تجربتي جدا سيئة في هذا المعهد لكن إن شاء الله تجربتك تكون افضل... بالتوفيق.
بعــــد اذن صاحب الموضوع :)اقتباس:
المشاركة الأصلية كتبت بواسطة botany
اخوي botany انا جاي فانكوفر ماستر بيولوجي اوك .. وسجلت مبدئيا على معهد ilac وكنت ناوي اجلس فيه شوي واحول على هذا المعهد اللي يسال عنه اخونا طارح الموضوع لكن كلامك هذا خلاني اتراجع شوي
طيب وش تنصح فيه اكمل بـilac يعني ولا كيف
والشق الثاني من السوال السكن شلووون بفانكوفر لاني حسيتك فاهم وقديم بالبلد يعني تعرف احد ياجرنا شقة لحالي انا شخص واحد غرفة ومطبخ وحمام الله يعزك قريبة من هذا المعهد ilac [فانكوفر نظيفة وسعرها جيد ؟
وشكرا جزيلا :)
اقتباس:
المشاركة الأصلية كتبت بواسطة botany
It is my responsibility to meet Canadian visa requirementsيا
معليش يا غالي بس انا طالعه على البعثه على يجب عليا ادع 300 ولا بس 150
وفي الطلب يسالون اذا انت على منحه او حسابك
ايش اكتب اسم المنحه وشكرا
اقتباس:
المشاركة الأصلية كتبت بواسطة طالب التوفيق من الله
مرحبا .. موفق , اخيرا لقيت شخص نفس تخصصي ..هاهاها....لأن كل اللي اشوفهم يا هندسة او صيدلة او ادارة اعمال.
وبالنسبة للاستفسارات..
1- انا فقط نقلت تجربتي في معهدUBC , وصراحة يؤلمني لما اشوف اخواني يجون من السعودية ويتوقعون ان المعهد فاهم وله انظمة محددة وراح يساعدهم في القبول ودخول الجامعة وانه معهد اكاديمي وبالتالي اذا خلصت منه مباشرة راح تدخل الجامعة, هذا الكلام غير صحيح اطلاقا, ارجوكم اطلعوا على مواقع الجامعات وعلى شروط القبول علشان تعرفون أن المعهد ماله علاقة, حيث أن هناك شروط عامة للبكالوريوس والماجستير والدكتوراه , وهنالك شروط خاصة بكل كلية وكل قسم وكل برنامج.
2- أنا ما راح اقول لك غير المعهد او ابقى في معهد معين أو أي شيء من هذا القبيل, واي شخص يقولك هذه الاسطوانة, اعرف انه شخص ساذج مع احترامي الشديد. أنا راح اقولك شيء واحد فقط واللي انا متأكد منه مئة بالمئة, تعلم اللغة شغله تراكمية ولكن الشيء الوحيد اللي يهمنا نحن المبتعثين هو الحصول على القبول الاكاديمي بأسرع وقت ممكن. وحتى يحصل هذا الشيء لابد من مراجعة شروط القبول, وأحد شروط القبول في أي جامعة في العالم هو شرط اللغة, واغلب الجامعات تعترف باختبارات معينة مثل الايلتس وغيره. نصيحتي بالنسبة للغة, ركز ثم ركز على الاعداد لأحد الاختبارات المعتمدة, والله اغلب الطلبة المبتعثين من دول اخرى اللي كانوا معي في المعهد, كان تفكيرهم دائما على الايلتس ويذاكرون له كل يوم ويتدربون على النت وفي البيت , ويختبرون كل ما توفر معهم قيمة فلوس الاختبار, وخلال فترة ليست طويلة جابوا الدرجة المطلوبة واغلبهم قبلوا في الجامعات, والشيء المضحك أن الطالب احيانا يجيب درجة القبول في الايلتس للجامعة ولكن المعهد يضع الطالب في مستوى متوسط او متوسط مرتفع. أنا شخصيا والله ما استفدت من شهادة معهد UBC في القبول ولا شيء , ولا حتى وضعوا لها أي وزن وكان كل همهم هو الايلتس او غيره. فبشكل عام أذا حسيت ان المعهد جيد جدا إلى ممتاز من ناحية الاعداد لاختبار الايلتس... فيمكن اعتبار المعهد بشكل عام جيد.
3- هذا الرابط يوضح درجات كفاءة اللغة المطلوبة في اغلب جامعات كندا , وعلى فكرة ترى اخذته من معهدك .http://www.mbt3th.us/vb/forum107/thread385396.html
4- بالنسبة للسكن, معليش اعذرني انا ما اعرف احد , ولا اتدخل في موضوع الشقق لأنه في احيانا نصب واحتيال , او أن الشقة ما تعجب صاحبها بعد فتره, وأنا صراحة ما أحب أضع في ذمتي شيء. ولكن لا تخاف ..السكن متوفر جدا جدا, وممكن المعهد يساعدك أو ممكن تبحث بالنت مباشرة أو ممكن أذا وصلت تتمشى في المنطقة اللي حول معهدك وتشوف العماير السكنية راح يكون على بابها الخارجي رقم مدير العمارة وأي عرض اذا فيه شقق فاضية, فممكن تتواصل مع مدير العمارة مباشرة وتشوف الشقق وتعرف الايجارات. وفي الغالب شقة بغرفة واحدة راح تتراوح من 1000 إلى 1500 دولار او اغلى حسب الموقع وفخامة وموصفات الشقة. ادخل على قوقل ماب وشوف خريطة فانكوفر واكتب اسم معهدك وتعرف على الشوارع اللي حوله واسمائها. وبعد كذا اكتب شقق للايجار في (اسم الشارع) وشوف العروض اللي تطلع. هناك مواقع مخصصة للسكن شوف الرابط http://www.mbt3th.us/vb/forum90/thre...3.htmlبالتوفيق للجميع
اقتباس:
المشاركة الأصلية كتبت بواسطة khale1410
مرحبا..أختي الكريمة
1- أنا قلت اللي صار معي في التقديم وانا كنت مثلك مبتعث ودفعت كل الرسوم الاولية في 2011, ولكن أذا تغير موضوع طريقة الدفع أنا ما أدري؟ ولكن ممكن تكلمينهم مباشره على رقمهم وتسألين؟ (رقمهم في الموقع)
2-بالنسبة لخانة اذا كنت مبتعثة او على حسابك, عادي اكتبي مبتعثة وضعي جملة (الملحقية الثقافية السعودية), وهم راح يفهمون وش قصدك. (Saudi Cultural Bureau in Canada-- الملحقية الثقافية السعودية في كندا(.بالتوفيق
اقتباس:
المشاركة الأصلية كتبت بواسطة botany
اخوي اولا رحم الله والديك وماقصرت وجدا اشكرك على اهتمامك وردك اللي جدا واضح ..
طيب أول شي انا فرحاااان جد لاني لقيت انك نفس تخصصي هههههاي يالله وبعد انا ميولي نبات ابسالك كيييف القبووول والجامعات بفانكوفر وهالتخصص موجود وسهل انشالله نجيبه والله ثم والله ثم والله اني شايل همه ليل نهار
ثاني شي بالنسبة للمعهد ilacمو معقولة ما مر عليك ياخي انا وثقت في كلامك اتمنى انك تعلمني هل جيد ام لا انا تخصصي احياء واابي اخذ الماستر انشالله وانت ادرى بالجامعات والقبولات تكفى وضحلي هالنقاط جد احتاجها لان نادر تخصصنا
.. النقطة الثانية : بالنسبة للسكن فسوالي فيه شقين
أ- السكن اول ليلة بفندق وكذا لازم احجز من السعودية ؟؟ ولا عادي اخذ تاكسي اقوله ودني الداونتاون واشوف الفنادق بنفسي واختار ( مع العلم اني ما معي فيزا بس كاش )
ب - انا ما ودي احملك شي بس ابيك تدلني وين بالنسبة للشقق وكذا اللي قريبة من المعهد وبهالسعر 1000دولار .. وتكون جيدة ونظيفة ,, لان على كلامك ادخل واكلم مدير العمارة وكذا ما رح اعرف اناقش لان اللغة مش ولابد عرفت كيف
(( ملاحظة الرابط هذا [ طلب ] بيت في فانكوفر بالقرب من UBc)) اللي انت حاطه لا يعمل يرجعك للصفحة الرئيسية مرة ثانية
واشكـــرك مررة ثانية الله يعطيك العافية
وانشالله يكون بيننا تواصل اكثر بحكم التخصص ونفس المدينة بعد وكذا :) يعطيك العافية