inlingua , Global Village , Canadian College or Eurocentres ...all of them in Vnacouv

:fever: :fever: السلام عليكم.... شخبارك اخوي ان شاء الله طيب. اتمنى انك ترد علي لاني كم مره اكتب مواضيع خاصة فيني ولا احد يرد . انا عندي استفسارين:
الاول: وش افضل معهد في فانكوفر من ناحية القوة وقل العرب. و انا عندي عدة معاهد جايبها وعندي قبول من Canadian College .
1- inlingua in vancouver
2- Canadian College
3-Eurocentres in vancouver
4- Global Village in vancouver
الثاني: انا ارغب اسكن بسكن الطلاب التابع لمعهد لانه افضل من عدة نواحي وهي: السكن في الداون تاون و القرب من المعهد كحد اقصى مشي لمدة 10 الى 15 دقيقة و ممارسة اللغة اكثر والترفيه بالذهاب مع الطلاب . وش نصيحتك : سكن الطلاب او السكن مع العائلة وانا كاره السكن مع العائلة لاني راح احتاج للمواصلات و اللي اركب الباص من عندي البيت وبعدها اخذ القطار وبعدها على الداون تاون و شف كم ياخذ وقت يعني لا تقل عن ساعة عشان توصل لباب المعهد و غير كذا احس اني مو ماخذ راحتي معهم وخايف اني اعمل شي ويزعلوا يعني امشي داخل البيت بشويش بالليل عشان ما يصحوا و اخاف افتح الثلاجة اذا احتجت لحاجة وبعدها يرجعوا لي يقولوا ليه خذيت ومدري ايش انا عارف انو لي وجبيتن باليوم بس ما ادري كيف فياليت بحكم خبرتك تنصحني واذا تخبر لي عائلة كندية مجربة و حلوة و لا عندهم حيوانات ولا يشربون ولا يدخنون ولا عندهم اطفال و يفضل اذا كان عندهم طلاب مثلي . انا انت عندي تجربة سابقة قبل شهر بمدينة كالجاري بس الان انا بالرياض وان شاء الله راجع الى فانكوفر باذن الله. و انا حاجز على يوم الخميس ان شاء الله ولا ادري اكنسل الحجز ولا ااكد الحجز لانو عندي قبول من Canadian College و هم مضبطين لي حجز بسكن الطلاب التابع لهم بس اللي خلاني اتراجع لاني سمعت كثرت العرب فيه وانا عندي قبول في جامعة سيمون فريزر و اتمنى اني انهي اللغة وادخل الجامعة .:fever: :fever: :fever: :fever:

1- inlingua in vancouver
بدون تفكير .. واحسن مافي المعهد انه مافي طلاب سعوديين كثير
بس ماقولك مافي الا فيه
لكن مو مثل المعاهد الثانية
..
هنا شيئين لابد منهم في كل معهد وكل زاوية
صيني وسعودي خخخخخخخخ
كانديان كلوج زحمة سعودين اوب طبيعية
انا احتمال انقل الى انلنجوا

هلا وغلا اخوي ..انا ثالث ثلاثة بمعهد انلنجوا كامبوس (جرانفل)

معهد انجلنجوا فيه كامبوسين واحد بالجاز تاون للمبتدئين الى الانترميديت والكامبوس الثاني بجرافنل للأنترميديت الى الهاي ادفانس وتوفل ..

بشكل عام المعهد ممتاز من ناحية السبيكينج يعني نقطة قوته السبيكينج بخيليك تتكلم بالقوة لكن نقطة ضعفة الرايتنج شبة معدوم . هناك كلاسات اضافيه تقدر تاخذها للرايتنج لكن جربتها انا ماهي لهناك .

فممتاز لو تاخذ لك كم شهر فيه تحسن السبيينج عندك وبعدين تشوف احسن المعاهد للرايتنج وتروح له

انا لي الان تقريباً 4 شهور فيه ولاحظت بعض التطور باللغه عندي .
الفرع الي بالجاز تاون يمكن فيه بس 3 سعوديين وواحد اماراتي .

عموماً معهد انجنجوا كان فيه الدايركتر التونسي الي اسمه محمد عبدي كان هو مظبط وضعنا هناك بكل شيء - سكن - قبول جامعات- رحلات - طلعات - كل شيء يطري على بالك . الرجال هذاك من جد كريم مرره .
عاد نقل الحين لمعهد ثاني وارسل لي ايميل يقول اذا فيه طلبه يبون يجون له راح يساعدهم ويعطيهم ميزات ..
اسم المعهد
wcc

اذا حا ب تراسلة ارسل لي رساله على الخاص وواصيه عليك اذا تبي

جزاكم الله خير يا شباب .... والله ما قصرتم ويعطيكم الف عافية .