عرض للطباعة
السلام عليكم
معليش تحملوني شويه لأنه عندي استفسارات كتييررره وأتمنى تجاوبوني بصراحه
اولا انا جاني قبول في تورنتو معهد ilscفي مارس كيف المعهد وكيف المدرسين الي فيه تعاملهم طيب
واذا فيه احد عنده قبول في هذا المعهد بنفس التاريخ يققووول
ثانيا كيف الاوضاع الامنيه كويسه والا فيه قلق وهل يمنعون الحجاب(تغطية الوجه) في المعاهد والجامعات والا عادي
ثالثا تنصحوني اني اجهز اوراقي والا اكنسل
تقبلو تحياتي:tongue3:
بالنسبة للمعهد ما عندي فكرة عنه صراحه ..
لكن بالنسبة للأوضاع الأمنية الحمدالله مية مية
وبالنسبة للحجاب عادي جدا ... محد حيضايقك ولا شي
وجهزي أوراقك وحياك الله ^_^
شكرررا مبدئيا طمنتني لكن ابسأل مثلا اول ما اصل في المطار طبعا انا ما اعرف احد هل هناك مسؤلين سعوديين مثلا أو اي احد يستقبلنا انا وبابا ويساعدنا في ايجاد منزل وتجهيز باقي الاشياء من ناحية الملحقيه وفتح الحساب وحتى المهد اصلا انا ما اعرف مكانه فلا بد من مرشد ........فكيف حيكون.
وشكرررا.
السلام عليكم
بصراحة المعهد ماعندي فكرة عنوبس ياريت تحاولي تشوفي مدينة غير تورنتو لان المدينة كبير جدا واسعارها جدا غالية من ناحية السكن والموصلات وزحمة في كل مكان وبعد الساعة 9ما تقدري تخرجي من البيت لانو خوف
انا عن نفسي اتقبلت في معهد كابلن اسبيكت في تورنتو بس راح احاول اغير لمدينة لندن في مقاطعةانتاريو هي مدينة جدا هادئة ورخيصة نوعا ما وامنة جدا وصغير وما فيها زحمة وانا ما قررت احول الا بعد بحث طويل وكمان لازم تتاكدي انو المدينة الي جاكي قبول المعهد فيها يوجد بها جامعة فيها تخصصك ولا
هداكل الي عندي انشاء الله استفتي
ربنا يوفق الجميع:fez:
اختي tag-canadaشكرا على النصيحه لكن انتي تقولي خوف الخوف من اي ناحيه ثانيا انتي كيف تغير المهد انتي الي تراسلي والا المكتب الي جاب لنا قبول وانتي متى دراستك تبدا واش هو تخصصك
واتمنى من الاخوان والاخوات الي الان في تورنتو ينصحونا اذا كانت هذه المدينه مو كويسه عشان نغيرها من الان
وجزاكم الله خير
tag-canada
يا ليت انه تتكلم في شي انت واثق منه :) ..
تورنتو مدينة كبيرة ... وغالية لكن مو نار ... ما تقارن في فانكوفر ابدا
والمدن كبيرة ميزتها ... كل الخدمات متوفرة ... الواحد ما يتعب ابدا :)
وبالنسبة لغلاء المعيشة ... مو هذاك الغلاء ... غير انه الحمدالله المكآفات زادوها فما صارت مشكلة :) والحمدالله
واما بالنسبة للأمن .... معليش انا ارجع البيت الساعه 1 بعض الأحيان 2
ومافي اي مشاكل .. اختي بعض الاحيان ترجع لوحدها وعادي جدا
الوضع آمن ومطمئن لأبعد الحدود :) .. بالإضافة الى ذلك
المواصلات سهله ... يوجد ساب وي ( المترو ) ... يوجد ستريت كار و باصات ..
عكس المدن الصغيرة يوجد بها باصات والتنقل فيها نوعا ما صعب ...
غير كذا الواحد لمن يروح مدينة صغيرة ... طفش لأبعد الحدود
اما تورنتو دراسة وفيها فله :) ..... الواحد برضه في الويك اند يبغى يطلع يتمشى :)
______________________
الأخت راماس ... اي مساعدة في تورنتو ان شاء الله ما نقصر معاك
راسليني على الخاص .. وان شاء الله خير :)
تحياتي لك