عرض للطباعة
السلام عليكم ورحمة الله
حبيت استفسر من اهل الخبرة في هاليفاكس وكندا عموما اذا في حد حاول ياخذ خدامة او مربية اطفال لكندا؟
سمعت ان الموضوع صعب بس هذه الشغلة كثير مهمة عشان الاطفال وخاصة اذا الزوج مش متواجد بصفة دائمة والام رزدنت يعني في مناوبات ليلية ولازم حد يكون مع الاطفال.
ياريت اذا حد يعرف طريقة يفيدني لان المربيات اللي عندهم سمعت انها ما تداوم 24 ساعة.
انتظر ردود اهل الحل ومشكورين مقدما
والله يااختي حسب معلوماتي المتواضعة انه نادر جدا احد يأخذ خدامة او مربية اطفال معه لكندا لانه فيها اجراءات معقدة من السفارة الكندية ويطلبون طلبات كثيرة مثل عقد عمل حق الخدامة وتعهدات وحد ادنى من الراتب لايقل عن 10 دولار في الساعة وغيره من الطلبات.
انصحك تبعدين عن الشر وتغنيله وماتجيبين خدامة معاك ماتدرين يمكن يعجبها الوضع في كندا وتبدى تسويلك مشاكل مثل قلة الراتب والمعاملة وتدخلين في مشاكل معها قد تصل الى المحاكم والسجن لاسمح الله.
يوجد الكثير من مربيات الاطفال المرخصات ( تابعين لشركات وهذول غاليين) والغير مرخصات( يشتغلون لحسابهم بس عندهم خبرة في حضانة الاطفال وهذول رخيصات) وبأمكانك تتفقين مع الغير مرخصات و تعطيها الجدول الخاص فيك في الجامعة وتجيك لحد البيت وتجلس مع الاطفال وايضا ممكن تنظف الشقة او البيت في الفترة اللي ماتكونين فيها موجودة وبراتب لايزيد عن 1000 دولار كندي شهريا شامل حضانة الاطفال مع تنظيف البيت .
اتمنالك التوفيق وتجين بالسلامة ان شاء الله
اشكرك ماسترس على النصيحة والافادة
بس كيف احصل المربيات الغير مرخصات؟
عن طريق موقع :
Free Kijiji Canada Classifieds | Free Ads | Petites Annonces Gratuites
هذا اشهر موقع في كندا عن طريقه ممكن تشترين اثاث واجهزة كهربائية وسيارة وتجيبين خدامة ومربية اطفال وكل شي يطري على بالك اهم شي تسجلين في الموقع وتختارين المدينة وتحطين الايميل حقك وبعدين تبدين تعملين بحث عن اي شي تبينه وتراسليهم ويردون عليك خلال يوم او يومين .
اتمنى اكون افدتك ان شاء الله