آرائكم و مشورتكم مهمه جدا...تفضلو

 المشاركة الأصلية كتبت بواسطة mosn79

السلام عليكم و رحمة الله و بركاته

هذا اول موضوع لي في هالملتقى الرائع ما شاء الله

باختصار شديد

انا اردني و مقيم في الرياض

اعمل محاضر في الجامعة

حصلت قبول معهد في فانكوفر للدراسة لمدة سنة دوام كامل

بصراحه انا محتاج القبول للسفر كطالب و دوامي مفروض في شهر 1.2012

و ناوي ان شاء الله ادورلي فرصه دكتوراه و انا في فانكوفر

اسئلتي و يا ريت تكون الردود واضحه و فيها نصيحه اكيده

1- حصلت كل متطلبات الفيزا تقريبا و باقي عندي الضمان المالي

بسبب انه مالي الا فتره بسيطه بالرياض فرصيدي و لله الحمد بسيط..و في احد الاخوان بيطلعلي كشف حساب لكن كم لازم تكون مدته؟ 3 او 6 اشهر؟

كشف الحساب يالغالي يفضل يكون ست أشهر ومايقل عن اربع اشهر ،، طبعا الحساب يكون فعال ومتحرك افضل وهو عن أخر اربعة او ستة اشهر ،، مو تجيب كشف حساب قديم .
و كم المبلغ اللازم لتحصبل فيزا طالب لمدة سنه في معهد؟
مافهمت سؤالك بالضبط يالغالي ،، ولكن شوف انت اهم شي ضبط امورك هنا واستلم الفيزا واذا دخلت كندا الباقي كله يهون .
فأذا كنت تقصد رسوم المعهد لمدة سنة راح تلاقيها مكتوبة بورقة قبول المعهد ،، لازم تكون مكتوبة وتاريخ البداية وتاريخ النهاية ،، واذا مالقيتها ادخل على موقعهم وشيك كم سعر الدراسة بالشهر واضربها على 12 ،، بس يفضل انها مكتوبة بورقة القبول ،،، واذا كنت تقصد كشف الحساب ،، هم اهم شي يبون يتأكدون ان معاك القدرة على تحمل تكاليف دراستك وسكنك وباقي الاشياء يعني مثال : انت عندك قبول لمدة سنة وعلى اساس انك تبي فيزة لمدة سنة وكشف حسابك راح يكون على هالسنة اذا :
1 - نفرض مثلا ان تكلفة المعهد في الـ 12 شهر هي ( 7000$ كندي ) .
2- تقريبا السكن مع عائلة في الـ 12 شهر هي ( 10000$ كندي ) .
3- مصاريفك الشخصية والمواصلات وغيرها لمدة الـ 12 شهر خل نقول ( 10000 $ كندي ) .

اذا راح يكون المجموع حول الـ ( 30 الف دولار كندي ) هي مصاريفك لمدة سنة ،، فكشف الحساب عندك حاول تخليه اكثر من هالمبلغ عشان تثبت لهم قدرتك المادية ،، ومو معقولة تعطيهم كشف حساب راح يكون اقل من مصاريف دراستك لمدة سنة ،،، ان شاء الله فهمت قصدي .

و هل في مشكله تتوقعو لو اودعت مبلغ معين من شخص في رصيدي و طلعت كشف و شهاده بنكيه او انه بيشكو انه فجاه دخل مبلغ عالحساب؟ يعني ايش اساوي افضل شيء؟

مو هذا اللي اقولك عنه ،، هم يبون كشف حساب لمدة ست اشهر عشان يشوفون الحركة فيه ،، لان فيه ناس كثير يجمع دراهم من جماعته ويضعها في حسابه وثم يطلع كشف الحساب ويقدمه ،، وأول مايوصل كندا يرجع لهم فلوسهم ،،، فأنت لو فيه احد بيكفلك ومعاه كشف حساب متحرك يكون أفضل ،، أما ان كنت تبي تسوي هالطريقة ففيها مغامرة ولكن سوها وتوكل على الله اذا ماعندك حل ثاني وانت وحظك .
2- في طلبات الفيزا نزلتهم من موقع الهجره الكندية الخاصه في السعوديه و لكن في طلب منهم اللي بيكون مكتوب في
انت يالغالي تبي تدرس هناك فلازم تستخرج Study permit اللي هو تصريح دراسة وتفضل هالرابط راح يفيدك ان شاء الله :
http://www.mbt3th.us/vb/forum108/thr...ml#post2791849

بس ياليت تركز بالبيانات شوي لأنك ماراح تكتب نفس الشروحات اللي بالموضوع ،، لاننا وضعنا الشرح للسعودين ،، وتفضل هالرابط راح يفيدك ان شاء الله وهو من موقع الحكومة الكندية ودام لغتك جيدة مافيه خوف :
http://www.cic.gc.ca/english/pdf/kits/guides/5269E.PDF
Temporary Visit Visa

هل هذا لازم اعبي كمان؟ او انه فقط طللب فيزا الدراسه Study Permit Visa??
جاوبتك عليه في الاعلى .
3- كم تتوقعو المده اللازمه لصدور الفيزا(بالتقريب)؟
والله هالسؤال صعب وماحد يقدر يجاوبك عليه ابد ،، في موقعهم كاتبين بين الشهر والشهرين ،، لكن فيه ناس جاتهم خلال شهر وناس لهم ثلاث اشهر وللحين ماجاتهم ،، فانت و حظك للاسف .
4- هل ممكن بدل ما اقدم جوازي و ينحجز عندهم اقدملهم صور كامله عنه؟و عند صدور الفيزا ارسلهم الجواز لطباعتها؟ و هل اذا غيرت محل اقامتي(يعني انتقلت للعمل خارج السعودية مثلا) هل ممكن اقدر اتواصل معهم؟انصحوني الله يجزيكم الخير
لازم ترسل لهم الجواز الاصلي يالغالي ومعاهـ صورة وهذا ضروري ،،، والمشكلة انك ماراح تقدر تطلع من السعودية الا بجوازك ،، فاما انك تقدم لهم من السعودية ، او تقدم لهم من البلد اللي بتسافر له . فمثلا عندك السعودي بأمكانه يطلع لدول الخليج بدون جواز لذلك ماحد داري عنه ،، لكن انت ماراح تقدر .

5- انه كيف بعرف اذا طلعت الفيزا على خير؟يعني بيرسلوا على الايميل او الجوال؟
انت لمن تقدم على الفيزا راح تكون فيه جميع بياناتك ،، الايميل حقك ورقم الجوال حقك ،، فهم اما راح يرسلون لك رسالة على الجوال ويعطونك الجديد ،، واما يرسلونه لك على الايميل ،، وانت بامكانك تشيك على معاملتك من خلال الانترنت سواء اذا قدمتها عن طريق الارامكس او عن طريق مكتب الفيفا .
منتظر ردودكم بكل صبر ان شاء الله

تحياتي

وحياك الله يالغالي وان شاء الله اكون افدتك ولو بالقليل ،،،، ومثل ماقلت لك لاتنسى تشيك برابط المساعدة وراح يفيدك كثير .

بالتوفيق

قوطي فاضي

June 14th, 2011, 05:58 PM

رد مع اقتباس

7 "

آرائكم و مشورتكم مهمه جدا...تفضلو