خطاب من الملحقية الى جميع المرافقين من موظفي الحكومة‎ بخصوص الإجازة الإستثنائية

كيف يحول المرافق لمبتعث اساسي
وبعدين بفهم شي بعض القطاعات الحكوميه واللي ذكرتها فوق وبالاخص العسكريه مافي اجازة دراسيه ابد بالنظام مافي شي بهالمسمى
يعني لو نراسل الملحقية تتوقع بينظرون بوضعنا ¿

Sent from my GT-I9500 using مبتعث mobile app

للآن القرار اعوج !
لانه فيه ناس كثيره ماتقدر تسوي شي "مثل الموظف العسكري" ...

مسألة التحويل لمبتعث أاساسي , هذي بتكون شوي ملعوزة , لكن بتكون حل لو كان القرار ماينطبق على المبتعث الاساسي !

راجع هذا الموضوع :
http://www.mbt3th.us/vb/forum8/thread440165.html

هل يمكن دراسة مرحلة اللغة بالإجازة الإستثنائية أم لا ..

ﻷنه ممكن يستفيد المرافق من مرحلة اللغة على الأقل؟؟

ياليت أحد يجاوبني على سؤالي وشكراً

نعم ممكن ..
القرار مطبق فقط على المرحلة الأكاديمية !

اما مرحلة اللغة فيمكن انه يدرس بالاجازة الاستثنائية ..
وبعد الانتهاء من فترة اللغة .. وقبل إكمال الدراسة الجامعية ..
يحول اجازته إلى اجازة دراسية ويقدمها مع بقية الطلبات اللي راح يرفعها للملحقية حتى يلحقونه بالبعثة.

شكراً للأخ محمد فهد على التوضيح

جزاك الله خيرا

لا هنت اخوي كيف التحويل من المحلقية لاجازة دراسية ؟؟

او قصدك ارجع لجهة عملي واحولها


اذا ممكن صورة من القرار الرسمي حتى تقديمها لمرجعي لتوضيح ضرورة الاجازة الدراسية ..

وشكرا لك يامراقبنا ,

التحويل يتم عن طريق جهة العمل ,

اما القرار الرسمي , فماراح تحتاج توضح ضرورة الاجازة الدراسية ..
لان كل الجهات ا لحكومية عندها هالأمر من قبل إصدار هذا القرار ..

قرار مجحف ..

حسبي الله وهو نعم الوكيل بس ..

كتبت موضوع بهالقضية في نفس ذا المنتدى .. اللي يبي يطلع عليه يتصفح بروفايلي ..

اما بالنسبة لحلك يامحمد فهد .. مستحيل وغير قابل للتحقيق بوجهة نظري ..

تقولي ليش .. لانه عشان يحول مرافق المبتعث الاساسي .. من مرافق الى مبتعث اساسي .. معناته انه احد الامرين ..

اما انه يحصل على منحة دراسية من جهة عمله .. يعني يبتعثونه نفس جهة عمله على حسابهم .. وهذا الامر مستحيل لان اغلب الوزارات ماعندها نظام الابتعاث .. واللي عندها مثل وزارة الصحة موقف لبعض التخصصات ..

ولو كان هالحل سهل ويسير .. ماشفت الناس اتجهت لطلب اجازة دراسية او استثنائية .. وهن تدرس على حسابك الخاص او تتكفل الملحقية بالدفع عنك .. يعني الموضوع بسيط بس ابي منكم اجازة بدووووون راتب تخليني ادرس ..

فما بالك ان تبتعثك جهة عملك وتتكفل بالصرف عليك ..

ايهم اسهل ؟؟؟؟؟؟؟؟

والحل الثاني .. انه يلتحق بالبعثة وبعدين يطلب فصل بعثة عن المبتعث الاساسي .. ويصير مبتعث اساسي بلحاله ..

والحل هذا مقفل طريقه من البداية .. لانه ماراح يوافقون له يلتحق بالبعثة اساسا بدون اجازة دراسية من عمله ..

لكن ..

خلونا نفكر بحل هالمشكلة اللي احنا ونسبة كبيرة جدا جدا من مرافقين المبتعثين فيها ..

الحل الاول :
ترافق اهلك وتدرس لغة وبس .. وتجلس بقية السنوات بالبيت عاطل باطل .. لان عملك رفض يعطيك اجازة دراسية .. والاعذار كثيرة .. يحطون قدامك الف شرط وشرط ..
وطبعا راح تجلس بدون راتب من عملك .. وتستلم مكافاة مرافق فقط ..

الحل الثاني:
انك تقدم استقالتك من عملك وترجع تصير متسبب (للي غيروا مهنتهم بالاحوال المدنية من طالب او متسبب الى موظف) وبكذا تقدر تلتحق بالدراسة على حساب الملحقية ..

الحل الثالث:
انك تتلافى شروط الاجازة الدراسية من جهة عملك .. وتلعب عليها شوي .. يعني !!! تشوف اللي واقف بطريقك وتلف عليه ..

مثلا .. اذا الشرط اللي يعيقك .. اقل شي خدمة 3 سنوات .. اوكي اصبر لين يتم لك 3 سنوات .. وارفع طلب اجازة دراسية بعدها ..

اذا كان الشرط اللي يعيقك عدم احتياج تخصصك اللي جبت قبول منه .. غير التخصص .. غير الجامعة .. غير الدولة .. لين تلقى التخصص اللي يتماشى معهم ..

اذا كان الشرط .. احضار قبول غير مشروط .. اوكي .. ادرس لغة .. وخذ دورات في الGRE .. خلال هالسنوات اللي انت جالسهم عاطل باطل .. وبكذا تحصل على قبول غير مشروط من الجامعة .. وتقدر ترفعه لعملك ..

الحل الرابع:
انك تحاول تحصل على (منحة دراسية جاهزة مجهزة).. بس يقولون لك جب الشهادة وتعال داوم عندنا .. بدون شرط اجازة دراسية او استثنائية ..
طيب كيييييف !!!!؟؟؟؟
تقدم استقالتك من الحكومة .. وتروح لاحد الشركات الخاصة اللي تقدم ابتعاث مباشر للموظفين .. او تلتحق كمعيد او محاضر بالتعليم العالي .. او تقدم على جهات حكومية تبتعث على طوووول .. مثل مدينة الامير محمد بن عبدالعزيز الطبية .. واللي تبتعث الموظف على طووووول


الحل الخامس:
انه يصدر قرار اخر من معالي الوزير باستثناء شريحة معينة من المرافقين من هذا الشرط .. او حتى الغاء هذا القرار من اصله ..

وماراح يكون هالحل الاخير الا اذا كان فيه ضغط على الوزارة .. والناس ماسكتت واشتكت ورفعت برقيات ..


اللي يفكر بحل اخر غير هالحلول اعتقد يضيع وقته .. وجهده .. لانهم سكروا جميع الثغرات .. سكر الله عنهم ابواب رحمته ..

ونسمع التعليقات من الجميع

نبغى اخر حل مافي شي يحدنا نجرب الحلول اللي قبل ونعيش توتر نفسي فوق توترنا
من حق مرافقينا يدرسون وعلى حساب الملحقيه
اجل المليارات تروح للجيران بالساهل واحنا يالله يالله نمشي امورنا باللي عندنا
من ابسط حقوق المرافق انه يدرس وخصوصا ضحى باشياء كثير اكثر من المبتعث نفسه
يعني تخيل وراح اخص المرافق العسكري بالذكر لوجود الالاف العقبات في طريقه سواء بالداخل او الخارج
زي ماذكرت مافي بنظامهم اجازة دراسيه
اي انه بيضطر الى الاختيار بين ثلاثه امور
_عدم مرافقه المبتعث وبالتالي حرمان المبتعث من فرصته التي اعلم جيدا انها كانت حلم للكثير منا وامال بنينها منذو تم قبولنا في البعثه
_انه ياخذ اجازة استثنائيه وهذا الامر موقف حاليا للعسكري يقال انهم يدرسونه من سنه جالسين يدرسونه لو قضية فلسطين كان حلوها وانتهوا!
_نجي للامر الاخير اللطيف اللي مسوين انفسهم تكرموا على العسكري فيه وهو الالحاق
الالحاق صار لازم يتنازل العسكري فيه عن الترقيه ولازم يخدم بعد مايرجع بعدد سنوات الالحاق اللي قضاها هناك وراح يصرف له راتبه بدون مزايا ماليه وهالشي توهم حطوا له شروط وخاصه الترقيه باي حق يتنازل عنها وباي حق يتعهد انه يخدم عندهم بعدد سنوات الحاقه !

*بالنسبه للي صاير هم جالسين يصكوا ابواب الابتعاث لاكبر شريحة جابوا القرارات وحده ورى وحده
وانا برأيي شي ماينسكت عنه الوزارة بدأت تتمادى بحقنا وكننا جالسين نشحتها وهو اصلا حق لنا ومالهم اي كلام فيه
انا ارى اننا نكثف البرقيات للملك عبدالله وراح نلقى خير


Sent from my GT-I9500 using مبتعث mobile app