العوده من التاجيل

يعطيكم العافية على التوضيح

فيه نقطة حاب اضيفها..

اولاً انا سويت تأجيل بعثة بتاريخ 6/10/2013 بحيث ان دراستي تبدا بتاريخ 11/1/2014

المهم الان انا وصلت لامريكا و سويت طلب عودة من التاجيل و انقبل الحمدلله ثم سويت طلب اعادة صرف، وحطيته من تاريخ دخولي امريكا و هو 15/12/2013 .. الملاحظة هي ان المشرف الدراسي غير تاريخ اعادة الصرف و حطة 11/1/2014 وهو تاريخ بداية الدراسة، كلمته بشوف ليش قال لي يا محمد من اول يوم تبدا فيه دراسة بالجامعة يبدا عداد الصرف يحسب.. قلت طيب انا دخلت بتاريخ 15/12/2013 ليش ما تحسب لي من هالتاريخ قال هذا النضام! المهم انه وهقني توهيقه حسبي الله عليه يعني الان اذا صرفو لي بيصرفون بتاريخ 20/1/2014 مبلغ حق 20 يوم !! هذا اللي فهمته منه..

عموما انا لما يجي تاريخ 11/1/2014 على خير بطلب طلب صرف فروقات من تاريخ 15/12/2013 الى تاريخ نفس اليوم وبشوف وعل وعسى يصرفونه لي ..


بهذي النقطة اتمنى توضحونها لي للي جرب وشكراً

لا كلامه صحيح ,
لما تأجل البعثة .. النظام يمسك تاريخ بداية ونهاية التأجيل وتصير محجوزة تلقائياً ..
فبالتالي لو جيت قبل بداية الدراسة حتى لو بيوم .. الموظف مايقدر يحط تاريخ بداية الصرف من تاريخ دخولك لامريكا ..
لان النظام يحسب تاريخ بداية الصرف تلقائياً من تاريخ بداية الدراسة .. او التاريخ اللي انت حطيته في تاريخ نهاية التأجيل !
ومجرد الموظف يعيد الصرف فيها تلقائياً فترة التأجيل هذي تضاف إلى البعثة ..
فبالتالي الموظف مايقدر يعدل في التواريخ اللي انت حطيتها خلاص تمسك بالنظام ..

هذا هو النظام اللي ماشين عليه في التأجيل ومانقدر نعدل فيه .. لان اي تعديل فيه يعتبر تعديل في تواريخ البعثة .. وهذي تكون موافقتها من الوزارة نفسها !

المبلغ راح يكون محجوز ماتقدر تصرفه على هذي الطريقة ..
فبالتالي , اللي تسويه انك تعديل تاريخ نهاية البعثة وتضيف مدة التأجيل فيها .. (هذا لو ما ما انضافت) ..

على كذا اباكلها الين يحلها ربك .. اللي وهقتني مشرفتي القديمة قالت لي عادي من تدخل امريكا يبدا الصرف عليك وينشال التأجيل .. الله يعين , بحاول فيهم لين الله يحلها

ماضيع الطلبه الا هالمشرفين وضبابية الانظمة في الملحقية !
مافيه شي واضح ولا فيه شي مشروح ولا تعرف وش السالفه والا وش يبون بالضبط !

بس فالحين بالهولدات والطلبات ! سو كذا وارسلنا كذا .. طيب وشلون ! يقولك ارفع الطلب الفلاني ..
ترفعه على اساس انه هو اللي يبيه .. يقولك , هذا الطلب خلصنا منه ولازم ترفع طلب كذا وكذا !
ويقعد كل شوي يعطيك طلب .. اقساط مو طلبات !

الله يعين بس !

راجع هذي الصفحه ..

الملحقية الثقافية السعودية في أستراليا

راح تستفيد منها !

ماقصرت اخوي محمد بن فهد .. جزاك الله خير

اخي العزيز محمد كيف تصرف الفروقات في هذه الحاله؟

نظامياً مايحق لك تصرفها ..

اذا عدلت تاريخ نهاية البعثه .. يعني اضفت الفترة المحجوزه للبعثه .. هنا مايحق لك تصرفها !
لان الفتره خلاص اضيفت للبعثه ... !
وهذي بسبب انك تاخذ شهور التأجيل الفائته وتستبدلها بشهور مستقبلية جديدة من البعثة ..
ويصير كأنك باقي مابعد درستها !

ولا يصرف على الطالب اي مبالغ في فتره هو مادرس فيها مثل فترة التأجيل او انسحاب من فصل او ماشابهه ذلك ..

مايحتاج تروح للوزارة
فيه في البواب خيار اسمه العودة من التأجيل
طبعاً راح يطلبون منك ختم الدخول يثبت انك رجعت لبلد البعثة

بالنسبة لتجديد الجواز انتبه يخرمون الفيزا
قولوا لموظف الجوازات ان جوازك فيه فيزا وانتبه يخرم صفحة الفيزا
واتوقع بعد ماتجدد الجواز لازم تعدل بياناتك الشخصية في البوابة الألكترونية
لان في الحال هذي رقم الجواز بيختلف ..

بالتوفيق

يحق للطالب طلب تاجيل بعثه خلال فتره اللغه ؟؟

انا هذا الكواتر راح اخلص السنه بس ابي اعمل تاجيل لفترة التمديد اللي هي 6 شهور علشان انقل لولايه ثانيه اللي فيها قبول المرافق للمرحلة الجامعيه و بس تترتب امورة اقدر انزل عنه في أي وقت
هل يسمح النظام و لا فيها حوسه كمان ؟؟