متحطمين يآئسين من القبول .. أورآقكم وعفشكم ماكملتوهـ ..تعآلو ابيكم بكلمة رآس

السلام عليكم ورحمة الله وبركآته

<< ياكثر ماتسلم هذا ثاني موضوع بنفس الساعه:sticktongue:

ياحلووين المكتوب مبين من عنوآنه .. يمكن كلامي موجديد على الكل ..

لكن مآخلاني اكتب هالموضوع إلا ضيقتي من الكلام اللي اقراه..

والناس اللي تتفنن في التحطيم سواء تحطيم نفسها او غيرها :wacko:

موضوعي هذا اعتبروه نصيحة لوجه الله ..نصيحة من اخت لأخوانها وخواتهآ ..:heart:

واول نصيحه لاتتركون اوراقكم ناقصه الى فتره التدقيق بحجة (( أخاف ماانقبل وجهدي يروح على الفاضي:sing2: ))

ياحلويين ابذلو الأسبااااب اللي عليكم سووه والباقي على الله

على الأقل لو ربي ماكتبها لك تكونين مرتاحه نفسيا انك سويتي اللي عليك بس الله ماكتبها لك

مو تتركون أوراقكم ناقصه وبعدين تقولون ماانقبلنا هذا اسمه اهمال مانقبلتو لانكم ماخذتو بالأسباب بغض النظر عن اي شي ثاني:g:

فيه فرق بين التوكل والتواكل .. لما اتوكل على الله واخذ بالأسباب .. ولما اتواكل واقول الله يسهل ويعيني وانا حاطه رجل على رجل وماسويت شي..:innocent:

أنا وفيه غيري كثيير معدلاتنا اقل من المطلوب صح خايفين بس مايأسنا صح أحيانا نتحطم بس نرجع نتفائل ..

تواجهنا مشاكل ماتخلص من محرم وجواز واوراق ناقصه وبيانات خطاء و و و و بس نحاول نسعى فيها..:help:

انا والله لي ثلاث ايام ماانام الا ثلاث ساعات بس عشان اروح الجامعه اخلص اوراقي ..:wounded2:

صح اني متأخره بس انا ماكنت ادري عن هالأوراق الا من المنتدى هنا وانا لي فتره بسيطه متعرفه عليه شوفو تاريخ التسجيل

هو نفسه اليوم اللي عرفت فيه المنتدى قبل هالتاريخ ماكنت ادري عن اي شي في البعثه غير الإستماره :blush:

ودخلته حايسه بس شوي شوي تعلمت والله ان كل واحد فينا يواجهه يوميا مشاكل الله اعلم فيها

بس مانيأس .. من عرفت حاولت اجمع كل شي ناقصني الأخوان والخوات هنا فادوني بنصايحهم وخبراتهم:heart:

ومثل مااستفدت حبيت افيد غيري .. الى الحين فيه مشاكل عندي معلقه والله ماانحلت بس الله كريم واللي فرج اللي راح يفرجهم بإذن الله ..:hands:

::

تذكــروا هذي فرصة تجي مرة في العمر يمكن ماترجع تتكرر بحياتك مره ثانيه:v:

حاولو تغتنمونها ان انقبلتو الحمد لله والشكر واسجدو سجود شكر لرب العالمين على هالنعمه:notworthy:

وإذا ماانقبلتو لاتكتئبون فكرو انها خيره والحمد لله على كل حال ( وعسى أن تكرهو شيئا وهو خير لكم ):rain:

والأهم بكل الحالتين ضميركم بيكون مرتاح لأنكم سويتوا اللي عليكم

ولو ماكسبنا من هالبعثه الا معرفتكم الطيبه ..:flower:
::

هالايام بداء العد التنازلي للمرحلة السادسه ومابقى على انتهاء فتره التسجيل الا 48 ساعه

وكلها كم يوم وتوصل رسائل الوزارة

في الهفتره ارجوكم مابي ادخل المنتدى واسمع اشاعات تحطم الناس:throw: النفسيات والله ماعادت تتحمل أكثر..

خلو إيمانكم وأملكم بالله كبييير .. ووآسطتكم رب العالمين فوق كل وسيط ..:hands::heart:

ولا تنسون حديث الرسول صلى الله عليه وسلم ..

قال النبي - صلى الله عليه وسلم - : يقول الله تعالى : ( أنا عند ظن عبدي بي )

رمضان قرب وحتى في غير رمضان اوقات الإجابه معروفه للكل ..

( ادعوا الله تعالى وأنتم موقنون بالإجابة )

أخيرآ اعتذر على الإطاله بس شي بخاطري ومن محبتكم قلته ..

أتمنى ان أثر فيكم لو شي بسيط ..

بالتوفيق للجميع والله يسهل لنا جميعا ويوفقنا دنيا وآخرهـ ..:balloon:

همسهـ ..

لآ تحطم لو تحطم لكـ أمل .. أعرف إن الله يحبك وإبتسم ..

لآ تقول الحظ عمرهـ ماكمل .. قول أنآ حاولت بس الله مآ قسم ..
:heart:

الله يوفقك الجميع يارب

و افرح بقبولي و قبولكم

امين يارب

اهم شي خلي ثقتك بربي كبييره

:)

يعطيكـِ العافية والله يحقق أمانيكـ

يعني الحين فيه أمل لو المعدل خطأ ,,, يعني مااستلمت الوثيقة بس متذكرة المعدل بس مو exactly

وخطأي في الرقم اللي بعد الفاصلة ,, تهقين أقدم وأتوكل ع الله

الله يوفقك يارب

والله بعض المواضيع تحطم حتى اللي الشروط فيه متوفرة كيف اللي ماتوفرت ..

اللي ربنا كاتب له بيروح لو سددوا جميع الناس الباب في وجهه ..

واللي الله مو كاتب له يروح ماراح يروح لو تجمعت واسطات العالم كلها له ..

سبحان الله وبحمده سبحان الله العظيم ..

اشهد ان لا اله الا الله ..

اقتباس:

---

المشاركة الأصلية كتبت بواسطة sma7er

يعطيكـِ العافية والله يحقق أمانيكـ

يعني الحين فيه أمل لو المعدل خطأ ,,, يعني مااستلمت الوثيقة بس متذكرة المعدل بس مو exactly

وخطأي في الرقم اللي بعد الفاصلة ,, تهقين أقدم وأتوكل ع الله

---

الله يعافيك يارب ويجزاك الجنه

كيف مااستلمتي الوثيقه !! يعني وثيقتك باقي في الجامعه !!

كيف عرفتي معدلك طيب ؟

قولي لي وان شاء الله نلقى حل سوا

اقتباس:

---

المشاركة الأصلية كتبت بواسطة ألمآسة

الله يوفقك يارب

والله بعض المواضيع تحطم حتى اللي الشروط فيه متوفرة كيف اللي ماتوفرت ..

اللي ربنا كاتب له بيروح لو سددوا جميع الناس الباب في وجهه ..

واللي الله مو كاتب له يروح ماراح يروح لو تجمعت واسطات العالم كلها له ..

سبحان الله وبحمده سبحان الله العظيم ..

اشهد ان لا اله الا الله ..

---

صدقتي ياعسل والله كلامك صح الله يهيدهم بس والمفروض الواحد مايستسلم لهالمواضيع

انا قررت احكم على الموضوع من العنوان اذا حسيت ان العنوان وراه كارثه ماني داخلته ولا معوره راسي

ولو لاسمح الله دخلت راح احاول انسى ولا كأني قريت شي

بعد ما قريت الموضوع انشرح صدري و تذكرت ما يجب ان اتذكرة و ما يجب ان يتذكرة كل مسلم
جزاك الله عني كل خير

الله يسسسسسسسعدك أختي
وجزاك الله خير على روحك الطيبة
موفقة :)

اقتباس:

---

المشاركة الأصلية كتبت بواسطة ce solo milan

بعد ما قريت الموضوع انشرح صدري و تذكرت ما يجب ان اتذكرة و ما يجب ان يتذكرة كل مسلم
جزاك الله عني كل خير

---

وياك يارب

وجزاك الله خير على كلامك لانه فعلا حسسني ان الموضوع وصلكم زي ماكنت ابغاه يوصل