مممم ..
لو تخلي زوجك يكلم شؤون الموظفين
انه بيطلع يدرس في الخارج
وآكيد ارامكو محتاجه لتخصصات متعددة
من الممكن ان ارامكو تطلب منه دراسة هذا التخصص والعودة الى العمل به
وآكيد بيترقى فيه
تمنياتي لكم بالتوفيق والنجاح
عرض للطباعة
مممم ..
لو تخلي زوجك يكلم شؤون الموظفين
انه بيطلع يدرس في الخارج
وآكيد ارامكو محتاجه لتخصصات متعددة
من الممكن ان ارامكو تطلب منه دراسة هذا التخصص والعودة الى العمل به
وآكيد بيترقى فيه
تمنياتي لكم بالتوفيق والنجاح
شيخة البنات العفو وترا انا وزوجتي نفس الحاله بس قولي لزوجك اذا بتدخل تخصص هندسه وعندك طموح ومتحمس توكل على الله لان مستحيل يرجع مايحصل وظيفه قريبه من طموحاته ومجال التطوير وترقيه فيها سريع المملكه محتاجه مهندسين اكثر من اي تخصص عندنا ثوره صناعيه غير عاديه وبعد فتره ترا بتفتح الجبيل الصناعيه 2 بتجي شريكات تبي مهندسين وبتعطيهم رواتب ومناصب قويه تخليك ماتفكر في ارامكو وترا العلم مافيه احسن منه ,, انا من ناحيتي انشالله بطلع امريكا اذا الله راد والله يكنب لنا ولكم اللي فيه الخير .. بس زي ماقلتلك اذا عمره كبير وقريده زين ومجال التطوير في الدائره اللي هو فيها مفتوح يجلس هنا أفضله ويحاوال يكمل جامعه انتساب هذا رايي واسف على الاطاله ,, انتي قولي في كل سجده ( اذا الابتعاث فيه خير لنا في ديننا ودنيانا وعاقبة امرنا فيسره لنا وارضنا به واذا فيه شر في ديننا ودنيانا وعاقبة امرنا فصرفه عنا وعوضنا بالذي احسن منه وأرضنا به انك علام الغيوب) ونسأل الله التوفيق.
طيب اخي راعي طموح
عندي لك سؤال:
انه انا زوجي نفس الحاله بس بغير ارمكو وقريد عالي وراتب حلو بس الدوام مو حلو
المهم سؤالي يعني بحكم انك تكلمت عن العمر
زوجي عمره هالحين 31
هل هالعمر كبير بالنسبه للشركات انها توظفه بعد دراسه سنتين بالاضافه الى سنه اللغه؟
فعلا الوظيفة مأمن لكم لأن الانسان ما يعرف مجرى الأيام
الله يخليه لكم ويخليكم الله
لكن اكثروا الاستخارة والدعاء وان شاء الله ما يكون لكم الا كل خير
ماعندي شي اضيفة غير الدعاء لكم بالتوفيق والتيسير
تحياتي
انا مرافق لزوجتي موظف في الخطوط وراتبي فوق العشره ووضعي الوظيفي ممتاز
بس عندي طموح اكمل دراستي في الهندسة خصوصاً اني مادخلت الثلاثين وفرصه بعد لزوجتي تكمل تعليمها
والاستقال مجهزها لاني استخرت وفكرت كثير
والعلم الاسلام حثنا عليه والله يوفقنا ويوفقكم
اولا يسلمو على اسلوبك الراقي
شغل زوجي حليو في قسم تشغيل المعامل
وراتبه يعني زين والحلو انه فيه زياده سنويه
بس المشكله الدوام طوييل وشفتات
ويكددددددددددونه في الدوام حيل
وايام كثيره يداوم اوفر تايم اوقات يداوم 12 ساعه واوقات 16 ساعه بالله اي حقوق انسان تقول يداومون 16 ساعه شنو باقي للراحه
وخاصه ان الطريق يبي له ساعه رايح ساعه جاي
يعني 18 ساعه باقي 6 ساعات ويخلص اليوم يعني مايحتاج ياكل ولا يشوف عياله ولا امه وابوه
ولا اي شي يادوبهم للنوم
لان وراه يوم ثاني
ولووو
حياك عزيزي
بلعكس انا احب اسمع اللي يشور علي او يعطيني راي
بس حنا مانبي بالجبيل
احنا من الاحساء ونبي استقرار
وعندنا بيت ينبني حاليا
وقت نرجع نبي وظيفه قريبه مريحه مدينا وجسديا
عمر زوجي 30
قريد8
دائرته اوبريت تشغيل
وشفتات
ومافي مجال يتطور شغله
يعني حتى لو صار سوبر فايزر
نفس الشي شفتات
شكر لكم كلكم
السلام عليكم\
بخصوص الاخت شيخه وسويت بسألكم كم خدمة ازواجكم؟ وسويت وش تخصص زوجك؟
شيخة انتي وسويت انا اشوف ان تقولون لزواجكم توكلوا على الله ويرافقونكم ويكملون دراسه أفضل لهم لاأكثر من سبب
زوجك ياشيخة تخصص مطلوب بقوه يعني لا سمح الله ماتوفق في امريكا يقدر بالخبره اللي عنده صدقيني بيتهاوشون الشركات عليه ممكن حتى يرجع ارامكو بنفس قريده لان مدرب عندهم وفاهم الشغل مايحتاج يأهلونه من جديد الخبره بتخصصه مطلوووووووووووبه صدقيني وهو يدري اكيد يعني ماهو خسران شي بيروح هناك بيدرس على حساب الحكومه ان نجح وجاب هندسه اي وتخصص حلو بيكون جاب شهاده من امريكا قويه وفوقها خبرة مشغل في ارامكو وش يبي احسن من كذا وان مانجح بيتوظف بخبرته ويمكن مايجلس في البيت يوم واحد صدقيني خبرة زوجك توظفه واذا مره مره جنبكم قطر وانا يوم اقول الجبيل اضرب مثل بس المصانع كثيره شوري يروح امريكا وماراح يندم ابداّ بأذن الله لا تضيعون فرصة الابتعااث من يدينكم وطبعاً كل شي بعد الاستخاره والدعاء وتسأل الله التوفيق
ابراهيم .. عين العقل الله يوفقك انشالله وانصار شي لا سمح الله عندك خبرتك بالخطوط موفق انشالله
وسويت نفس الكلام موجهلك انتي بعد والله يوفقنا جميع
مشكووور اخوي راعي طموح على تشجيعك على الرغم اني طرحت موضوعي قبل الاخت شيخه
و في البعثه لي موضوع في هالمنتدى يتكلم عن راي الاعضاء
والله ماتصدق اش كثر الاعضاء اللي رفضوا اني اروح البعثه
ثاني شي
زوجي خبره 5سنوات ونصف في مجال هندسه ميكانييكه
يعني يسمونه بالعمل فني
وعنده شهاده دبلوم هندسه كهروميكانيكه
ونطمح للبعثه ومحتارين ماندري ايش القرار السليم
وطبعا بنستخير
والله يكتب اللي فيه الخير
زوجي خبرة 9 سنوات
وقريد 8 السنه هذه توه ماخذه
ومانتوقع انه بياخذ قريد قبل 4 سنين
يعنني ردد ياليل
والله اني محتااره
وزوجي يبي البعثه
بس رافض انه يستقيل