يا شباب ويا بنات بما أن التساؤلات كثرت فأنا حاولت أجمعها وأرسلها لصديقة من المرحلة الخامسة الله يوفقها وهذا نص الرسالة . فأتمنى تلاقوا الأجوبة الشافية .
بما أن الوزارة قللت عدد المبتعثين للمرحلة السادسة والكل خايف إنه ما ينقبل فراح نسجل بالجامعات وبالبرنامج ووقت تدقبق البيانات نستعير ملفاتنا من الجامعة ونعطي البرنامج إذا ضمن لنا الابتعاث . هل تؤيدين ذلك أم لديك رأي آخر وبالله خبرينا؟
بالتأكيد أؤيد ، الدراسة برا من ناحية اللغة والدراسة أفضل بكثير من هنا ،
العام الماضي ، صرحت الوزارة بأن أي طالب يجيب الشهادة الاصلية راح يضمنون قبوله في البعثة ، على العموم ، أي طالب متطابق فيه الشروط إن شاء الله راح ينقبل ويبتعث . وإذا على تقليل الكراسي فـ بصراحة ممكن يكون الكلام مو أكيد ، لأن لو قللوا الاعداد ما راح يقللوا الشروط بالعكس ، راح يزيدون الشروط للابتعاث حتى يقل الطلاب ، ولا راح يفتحون الدول العربية للابتعاث .
نقطة مهمة أحب أوضحها ، بعض الجامعات السعودية ترفض استعارة الملف
وبعضها الاخر يسمح بذالك . فإذا رفضت الجامعات الاستعارة ، ما الكم الا سحب الملف .
بما أن دول الابتعاث لهذ المرحلة لم يعلن عنها بعد ، وإنتي من طلاب المرحلة الخامسة فما أظن أن دولنا ماراح تتغير عن دولكم كثير . فياليت تعطينا نبذة عن دولكم من ناحية دراسة الطب هناك (أفضل الجامعات - سنوات الدراسة - أفضل معاهد اللغة)؟
سمعت عن اختبار تحديد المستوى الذي تقدمه الوزارة للمبتعثين قبل لا يروحوا بلدانهم .مانوع هذا الاختبار ومتى يكون وما فائدته؟
فيه اختبار تحديد مستويات للغة الانجليزية ، لأن بعد الاختبار راح يدخلوكم على دورة تتعلمون فيها الانجلش ومهارات الحاسب ،
فـ يوزعوكم على حسب مستوياتكم للاستفادة اكثر ، وفيه البعض تم اعفاءه من هذه الدورة لأن مستوياتهم عالية .
ويكون بعد اعلان اسماء المقبولين ، برسلون لكم رسايل على الجوالات والايميلات
عن المكان والزمان للاختبار .
في المرحلة الخامسة بعد ما سجلتوا وانقبلتوا قبول نهائي تم تغيير بلدان ابتعاثكم و تم نقل بعظكم إلى دول جديدة مثل كوريا الجنوبية .فهل تم نقلك وعلى أي أساس ينقل الطلاب؟
ايوة تم نقلي ، بس أنا اللي طلبت التحويل .
الطلاب ينقلوهم على حسب الدرجات ، الثانوية والقياس .
إذا صار الضغط على دولة معينة ، يشوفون من الاعلى على حسب عدد كراسي الدولة ، والبقية يرسلونهم إلى رغبتهم الثانية .
عند كتابتنا لمواضيع نستشير فيها أعضاء المنتدى عن دراسة الطب بالخارج رد البعض بأن الدراسة هنا أفضل وما في فرق بين شهادة جامة الملك سعود وشهادة هارفارد بالنسبة للبكالوريوس لكن الدراسات العليا قالوا لنا الخارج أفضل << تحطيم >>يعني تزيد علينا عدد السنوات وتصعب الدراسة وآخرتها مافيه فايدة. ما هو رأيك وماهي مميزات دراسة الطب بالخارج وهل واجهت مثل هذه العقبات عند تسجيلك في المرحلة الخامسة؟
ممكن تكون الشهادة وحدة ، لكن الأكيد أن الخبرة تختلف تماماً ، واللغة راح تكون أقوى للخريجين من البعثات ، والقاعدة والاساس للطب قوي جدا وإن شاء عدد اخطاء التشخيص تقل بزيادة الخبرة ،
فأول المزاايا واقواها ،
أن السعودية تخلينا سنة وحدة نداوم في المستشفيات وهي سنة الامتياز
لكن الجامعات اللي برا ، أقل شي 3 سنوات اللي هم أثناء الدراسة في الجامعة غير سنة الامتياز ،
بذالك بتصير خبرتنا للتعامل مع المرضى والتشخيص المرض و السرعة عامل فارق كبير بين الدراسين هنا والخارج .
عموما خدها قاعدة ، لا تسمع كلام الناس في التحطيم أبدا ، الناس ما عندهم الا التحطيم للأسف ، واستشير اهلك دائما واستخير أحسن الحلول .
الدراسة في الخارج متعة × متعة سواء داخل الكلاس أو في المولات أو السينما أو او او ، تمارس لغتك مع كل الناس تحس أنك في اليوم تطور ألف مرة .
تحس ثقة في الكلام وتشوف اللغة كأنها لغتك الأم مافي فرق بينهم ،
واهم شي أن الدراسة في الكلاس مو بس نظري وبس ، يعطونا اشياء ممتعة فعلا لتعلم اللغة .
الله يوفقكم جميعاً وان شاء الله نسمع عنكم الاخبار الطيبة وعقبال التخرج والوظيفة ...
يا شباب إلي عنده أي استفسار يطرحه هنا وحنا بإذن الله سنجيبه وإللي ما عندنا خلفية نرسله لطلاب المراحل السابقة . دمتم بكل الود ...
LinkBack URL
About LinkBacks
وانا معاكم باذن الله ,,