الأعضاء الإشتراك و التسجيل

الملتقيات
ADs

::.كل مايتعلق بدراسة الماستر تخصصي التسويق والماليه في امريكا وكندا..خارطة الطريـق.::

::.كل مايتعلق بدراسة الماستر تخصصي التسويق والماليه في امريكا وكندا..خارطة الطريـق.::


NOTICE

تنبيه: هذا الموضوع قديم. تم طرحه قبل 2325 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية AbDuLrAoOf
    AbDuLrAoOf

    مبتعث مبدع Amazing Member

    AbDuLrAoOf الولايات المتحدة الأمريكية

    AbDuLrAoOf , ذكر. مبتعث مبدع Amazing Member. من الولايات المتحدة الأمريكية , مبتعث فى الولايات المتحدة الأمريكية , تخصصى Business , بجامعة Portland State University
    • Portland State University
    • Business
    • ذكر
    • Portland/Dammam, OR
    • الولايات المتحدة الأمريكية
    • Sep 2007
    المزيدl

    August 7th, 2011, 09:23 PM

    مسا / صباح الخير كلن حسب ديرته

    طلاب المرحلة السابعة اللي داخلين في معمعة الابتعاث من تسجيل واختيار التخصص زحمـــــــــة والسبب لأن الاغلب جاي من خلفية وتخصص أكاديمي يختلف عن التخصصات الموجوده لبرنامج الابتعاث .. ولأن الكثير منكم تخصصه نظري-إداري-شرعي فالتخصصات حتصير مرررره محدوده هذا إن أعتبارنا انو فيه اصلاً تخصصات غير (التسويق والمالية) حتناسبكم على الاقل لمرحلة التسجيل والحصول على ترشيح نهائي للبعثة.

    نفس الشي الدول .. السنه هذي الله كتب عليكم أن دول زي أستراليا وبريطانيا مقفلات مع انها كانت حتفك ازمة بالنسبة لكم إن كانت موجوده لأسباب حنجي على ذكرها لاحقاً .. الزبده هي ان الدول الناطقة والدراسة فيها بالانجلش فقــــط 3 .. أمريكا وكندا وإيرلندا ( موضوع الدراسة بالانجليزية في جامعات دول اخرى الله أعلم فيه وماعندي خبره) .. المحدودية في التخصصات المتاحة والدول خلا من الوضع اكثر تأزم وغير واضح في تحديد اوضاعكم بعد السفر لبلد الابتعاث..

    المصيبة الاكبر من اللي ذكرناه هو انو الطلاب اللي حيتحدوو على تخصصات التسويق او المالية هم انفسهم ماعندهم خلفية عن التخصصات وبعضهم (ميــــــــــــح ) وكل اللي يعرفوه انهم حيختارو تسويق اومالية وبعدين ربك يسهل ..

    الموضوع انا حجتهد اولاً فيه لتوضيح الصورة عن تخصصات البزنس (التسويق والمالية بتركيز اكثر) وطبيعة دراستها في امريكا وكندا .. لأن الدولتين تقريباً لهم نفس المعايير الاكاديمية من شروط قبول ومتطلباته وبرضك طريقة التدريس والستركشر والمواد وووو ..

    النقطة الثانية حتكون عن تغيير التخصص بعد الوصول لبلد البعثة ..لأن اغلبكم حاب يكمل في تخصص الباتشلر ولأن وجود فرصة تغيير التخصص وارده فياليت تحطو في اعتباركم ضمن خططكم قبل وبعد السفر.

    أول هام ... ياريت تاخدو لكم طله على شروط ومعايير معادلة الشهادات الجامعية بموقع الوزارة علشان تعرفو وضعكم وتكونو على دراية ببعض الامور الي الكثير ممكن يغفل عنها ..



    التسويق كتخصص مستقل تعطى فية الدرجه العلميه كـ ماستر في التسويق موجود في الجامعات الامريكية والكندية ولكن بشح تحت مسميات عامه زي .. MS in Marketing .. او يكون التخصص الدقيق زي Master of International Marketing or Master of Integrated Marketing Communication or Master of Marketing Research

    ولـــــــكن .. التسويق وغيرو من مسارات البزنس في الاغلب الاعم حتكون ضمن برامج MBA Master of Bisiness Administration.. يعني الماستر الي انتو طالعين له في الواقع هو ماجستير ادارة الاعمال والتسويق والمالية وغيره من التخصصات ماهي الا مسارات داخل هدا البرنامج .. السؤال اللي ممكن ينطرح هو : وضعنا مع الملحقية لما حندرس ماستر ادارة الاعمال وحنا طالعين على اساس التسويق او المالية .. الملحقية في امريكا على دراية و(خابصه) بهالنقطة لأنو من الطبيعي مادام هدا حال البرامج الاكاديمية وهدي هي المعايير في امريكا فماهي مستغربه انها (ماخده على الوضع) لأن بكل بساطة مالهم الا انهم يمشو معو وغير كدا كان حتحصلو كل طلاب التسويق الي قبلكم رجعوو وجابو العيد ..

    اللنكات الجايه هي لبرامج ام بي اي وحتحصلو كيف حيكون وضع تخصص التسويق وغيرو .. لاحظو بنفس الوقت تفاصيل البرامج والمواد وشروط القبول .. سووري للي انجليزيتهم مش ولا بد .

    MBA

    Krannert School of Management - MBA Program

    Fordham Graduate School of Business :: Fordham University

    USD: Business: Full-Time MBA

    التالي هو اضافة من موقع ويكيبيديا .. فيها بشئ من البساطة وصف الدرجة العلمية (ماستر ادارة الاعمال) ..

    ماجستير إدارة الاعمال (بالإنجليزية: MBA‏) أو Master of Business Administration هي شهادة تهدف إلى إعطاء الدارس القدرة فهم عام لأساسيات إدارة الأعمال فيما عدا الجانب الفنى. وتشتمل الدراسة عادة على دراسة مجموعة من المواد الأساسية واختيار بعض المواد الاختيارية. المواد الأساسية تغطي الادوات التي يحتاجها المدير في أي قطاع من قطاعات العمل، أما المواد الاختيارية فتُغطي تفاصيل خاصة بأحد قطاعات العمل (عمليات، تسويق، تخطيط استراتيجي، تموبل، موارد بشرية، صناعات صغيرة). المواد الأساسية في معظم الأحيان تغطي الآتي:

    دراسة الإحصاء وتطبيقاتها في الإدارة: يحتاج إي مدير لجمع الأرقام والمعلومات والتعامل معها وتحليلها وعرض النتائج على آخرين. تعتبر الإحصاء أحد الوسائل الأساسية لتجميع المعلومات وتحليلها. هذا العلم يتعرض لامور مثل نوع المعلومات، كيفية الحصول عليها، طرق تحليل المعلومات المخنلفة، كيفية عرض النتائج، كيفية معرفة العوامل المؤثرة في متغير معين.
    دراسة مبادئ التسويق: كيفية التفكير في تطوير المنتج أو استحداث منتج جديد، كيفية تحديد سعر المنتج، كيفية تحديد وسائل توزيع المنتج واستخدام وسائط من عدمه، كيفية الدعايا للمنتج.
    دراسة مبادئ المحاسبة: مبادئ تسجيل دفاتر المحاسبة لكافة الأنشطة، كيفية إعداد القوائم المالية، تفهم تأثير قرارات معينة على القوائم المالية.
    دراسة مبادئ التمويل وتقييم الشركات: كيفية تحديد قيمة شركة ما أو قيمة أسهمها، استخدام النسب المالية، طرق تمويل الشركات، العلاقة بين إدارة الشركة والمستثمرين
    دراسة مبادئ تنظيم الشركات: كيفية تحديد الهيكل التنظيمي المناسب، عيوب ومميزات الهياكل التنظيمية المختلفة، المركزية واللامركزية، تحفيز العاملين، القيادة، نقييم أداء الشركة
    دراسة مبادئ الموارد البشرية: كيفية اختيار موظيفين جدد، كيفية تقييم الموظفين، تحديد الاحتياجات التدريبية وتلبيتها، التعامل مع خلافات الموظفين، مع استعراض الأمور القانونية ذات العلاقة بكل موضوع
    دراسة مبادئ إدارة العمليات: كيفية تحديد تخطيط المعدات في المصنع، إدارة عمليات الشراء، إدارة المخزون، تخطيط المشروعات، الأهداف العامة للعمليات وتحديدها. العمليات هي جميع العمليات التي تحول أو تساعد على تحويل الماد الأولية إلى منتج أو خدمة- بأسلوب آخر هي كل ما سوى التسويق والموارد البشرية والتمويل
    التخطيط الاستراتيجي: كيفية أعداد خطة استراتيجية للمؤسسة في الخمس سنوات القادمة وكيفية تحويلها إلى خطط سنوية، إعداد دراسات الجدوى
    علم الإدارة أو بحوث العمليات: طرق حسابية للوصول إلى الحل الأمثل أو القرار الأمثل في أي مجال مثل القرارات الاستثمارية، تحديد حجم الإنتاج من كل منتج، الطريقة المثلى لإدارة مراكز توزيع متعددة
    المسئولية الاجتماعية للشركات: أخلاقيات الإدارة، مسئولية المؤسسة تجاه المجتمع، بعض الأمر القانونية

    أما المواد الاختيارية فتتناول أحد الموضوعات الأساسية بشكل مفصل.

    ما هي أهمية ماجستير إدارة الأعمال؟
    ماجستير إدارة الأعمال يساعد على تنمية المهارات والمعرفة الإدارية للدارس بحيث أنه يمكنه أن يعمل كمدير أو كمحلل أو استشاري إداري أو مالي. فكثيرا ما نحتاج مهندسا ليدير مصنع وطبيبا ليدير مستشفى وأستاذا ليدير جامعة ومعلما ليدير مدرسة، ونجد انه من السهل أن نجد شخص خبير في مهنته ولكنه لا يعرف الكثير عن التسويق والنواحي المالية والنواحي التنظيمية وكيفية اتخاذ القرارات وكيفية التخطيط للمؤسسة أو للقطاع الذي يديره. ماجستير إدارة الأعمال يجعل هذا الشخص قادرا على الإدارة بالإضافة لقدرته -المسبقة- على تفهم النواحي الفنية للمؤسسة التي يديرها. هذه الدراسة تمكن الدارس من تحليل أداء المؤسسات وتحديد نقاط الضعف واقتراح الحلول ولذلك فقد يعمل كمحلل أو استشاري إداري أو مالي. بالطبع يعمل بعض الخريجين كمديرين ماليين أو مديري تسويق أو مديري إنتاج أو مشتريات وهكذا

    ما هي شروط التقديم ومدة الدراسة؟

    مدة الدراسة تكون في أغلب الأحيان عامين دراسيين للدارسين المتفرغين وبعض الجامعات لديها برنامج مدته عام واحد. شروط التقديم تختلف من جامعة لأخرى ولكنها غالبا ما تشمل الحصول على شهادة بكالوريوس أو ما يعادلها ولا يشترط أي تخصص، وخبرة عمل لمدة عامين أو أكثر، وقد يطلب اختباري TOEFL GMAT وكذلك يطلب تقديم مقالة أو مقالات توضح الهدف من الدراسة والخطط المستقبلية، وتقديم خطابات توصية من أساتذة سابقين ومديرين في العمل بالإضافة إلى تقديم طلب التحاق.

    للأخوان الي انجليزتهم اوكي فيكم تدخلو على هد الرابط .. المعلومات الي فيه جداً مفيده
    Master of Business Administration - Wikipedia, the free encyclopedia


    نجي لحاجة جداً مهمة والـــــــــــكل لازم يعرفها وهي انو مادامكم طالعين لدراسة البزنس في أمريكا وكندا .. فيه حاجه اسمها (جيمات) ..
    Graduate Management Admission Test

    Graduate Management Admission Test - Wikipedia, the free encyclopedia

    الرابط اعلاه حيعطيكم صورة كامــــــــله عن الاختبار وماحشرح كثير لأن الموضوع شامل لكل حاجه يحتاج تعرفوها .. بس من واقع بحث ولقاء زملاء والكلام عن خبرتهم في البلد حعطيكم بعض النقاط اللي حتفيد (عملياً) علشان تكونو مهيأين وفي الصوره

    اما الرابط أدناه فهو للموقع الرسمي للأختبار
    The GMAT

    اختبار الجيمات مطلوب في أغلب الجرادويت سكولز كشرط اساس للقبول في برامج الام بي اي .. بجانب الخبرة العملية حيكون هو برضك من اهم المتطلبات الي حتواجهو صعوبة في تحقيقها كشرط لدخول البرنامج .. الاختبار من 800 درجه والجامعات تختلف في طلبها لسكور معين مابين ال500 و 700 حسب تعقيد الجامعة .. اهم نقطه هنا احب اضيفها هي انو بعض الجامعات (قد) تتجاوز عن هدا الشرط او (قد) تخفض من السكور المطلوب بناء على اعتبارات تختلف من طالب للثاني .. وزبدة كلامي عن هالجزئية هي انو فيكـــــم وبالتفاوض مع اقسام القبول في الجامعات من التوصل لصيغة قبول يمكن من خلالها الطالب انو يبدأ البروجرام .. يعني حتى وإن صار وشفتو بمواقعهم ع الانترنيت انو المطلوب كدا وكدا ففيكم تتواصلو معهم ووتفاوضو لأن في بعض الجامعات مرنه في هالخصوص ..هدا خلاف انو بعض الجامعات تتنازل عن الاختبار بمجرد مايكون معدلك للباتشلرعالي اياً كان تخصصك وحتى انو بعضهم يحدد لك انو لو كان معدلك عالي في (اخر سنتين) >> يعني تحسب معدلك لأخر سنتين وماتعتمد على نفس المعدل الي بوثيقتك ..وقتها يمكن انهم يتنازلو عنه .. وان شاء الله مستقبلاُ حنتكلم عن قوائم الجامعات الي ماتتطلب الجيمات من الاساس ..


    هنا بعض النصايح للي حيبدو بحث عن الجامعات من الان بحيث اني حزودكم بمواقع في نظري جداُ جيده وتسهل عملية البحث عن برامج الام بي اي بناء على معايير وتفضيلات ممكن انكم حاطينها ببالكم .. للأسف انو البعض من الطلاب يعتقد انو بمجرد خروجة من السعودية ولحد ما (تطأ) قدمه المباركة ارض دولة الابتعاث (أياً كانت المدينة) فهو بخير .. هدي سلبيه والمفروض من الاخوان ينتبهو أن الموضوع مو مجرد ( كل أمريكا وكل كندا) تناسبهم .. على العكس, المفروض انهم يحددو لهم (مفضلة) بالمناطق والولايات والمدن علشان تكون تجربتهم التعليمية ماشيه براحة نفسيه (لأن المكان حيكون على علاقه ايجابيه مع الراحه النفسية وبالتالي الدراسة والنتائج) ..

    المواقع التالية حتكون متخصصة للبحث عن برامج الماستر اللي تتسمى برضك graduate وفي منها الي متخصص بالتحديد لبرامج MBA .. وترتيبهم حيكون تصاعدي ان شاء الله حسب (ماأعتقد) انو الأفضل .. طبعاُ الأفضلية حتكون بناء على الموقع وأدوات البحث والنتائج والـ إمكانية الوصول لصفحات البرامج (في مواقع الجامعات) مباشرة..
    طبعاً قبل اي حاجة لازم تخلو موقع الوزراة وصفحة الجامعات الموصى بها في نافذه مستقلة كخطوة اولى واهم اعتبار والي يحدد وضع الجامعة من الاساس ..

    Graduate School & Graduate, MBA, PhD Programs & Degrees - GradSchools.com

    American Graduate Education

    MBA Programs in United States - FIND MBA

    Grad Schools Programs Resources

    MBA, MSc, Best Masters Degree, Business Schools and Universities

    US Master's and PhD Degree by State

    Study in the USA - Learn English here! ESL schools, English courses, universities, colleges, boarding schools, TOEFL info, and more!

    الاعتماد الاكاديمي ::

    للاخوان الي يحس انه فيه خطة دكتوراه بعد الماستر سواء بالماركتينج او الماليه الجزئيه هدي حتكون مفيده
    البزنس سكولز وبرامج الام بي اي حتكون معترف بها في امريكا وتعطى (Accreditation) من جهات خارجية ومحايده تعطي رأيها واعترافها بناء على معايير جوده معينه منها على سبيل المثال لاالحصر المناهج والمخرجات والبحوث. في امريكا فيه 3 من اهم الجهات الي متى ماكانت البزنس سكول او برنامج الام بي اي معترف بجودته منهم فمعناته شهادة بتصير اقوى وفرصة اكمال الدكتوراه من حيث الاعتراف بشهادتك وبالتالي قبولك حتكون اقوى .. >> بس مومعناته انو السكولز الي ماعندها هدا الاعتراف انها تقشر بصل ..لا.. بس زي مايقولك كلن يمد لحالفه على قده وبالاخر كلهم عيال تسعه .. المهم .. هيئات الاعتراف الاكاديمي لبرامج الام بي اي وعموم البزنس سكولز هي :

    Association to Advance Collegiate Schools of Business - AACSB
    وهي الهيئة جداُ موصى بالانضمام للسكولز الي تعترف فيها بالذات في المجال البحثي >> للي ناوي دكتوراه وعنده اهمامات بحثية. الكليه الوحيده بالسعودية المعترف بها من هالهيئة هي كلية الادارة الصناعية بجامعة الملك فهد للبترول والمعادن.

    Accreditation Council for Business Schools and Programs -ACBSP

    International Assembly for Collegiate Business Education - IACBE
  2. المشاركة الأصلية كتبت بواسطة manal alyoube
    اهلا باستاذنا الكريم
    ويعطيك العافيه يارب على الموضوع الاكثر من رائع وذو فائدة

    انا راح احيكي لكم قصتي واتوقع انا في دي الدائرة وليس احدا مثلي

    >>> ليه ؟؟؟

    لكثرة ؤالي في هدا المنتدى لم اجد اجابة او اي احد مثلي

    وياريت الان الاقي من اي احد اجابة او مشكلة مثلي

    المهم والاهم نبدا فيه هو تخصصي في الماجتستير جغرافيا ونظم معلومات جغرافية

    وحابة ان اكمل دكتوراة في نظم المعلومات الجغرافية

    بعض الجامعات تدرسها في كلية الحاسب والبعض من الجامعات يتبع كلية الهندسة كما في كندا

    راسلت الوزارة الله يعطيهم العافية

    وشرحت لهم انو تخصصي كدا

    واريد ادرس كدا

    الحين في التسجيل شو اختار من الرغبات بيكون صعب عليا

    اذا اخترت هندسة وين اختار الدولة

    واذا اخترت الدولة شو اختار هندسةة ولا حاسب

    كان الرد ان في التسجيل ليس امامك الا التسويق

    وفي فترة التدقيق او تسليم الوثائق كلمي الاستشارين هنا بموضوعك

    هل ياترى فيه احد مثلي

    لاني لسع في بداية الطاسة ما وصلت لنهايتها

    والي عنده نفس مشكلي الله يسعده لا يبخل عليا

    والله يوفقكم ويسعدكم ويحقق امانيكم واحلامكم يارب

    دمتم بخير جميعا وكل عام وانتم بخير
    حتى لو طلعتي تسويق .. اطلعي لأمريكا لأن اهم حاجتين حيساعدوك هناك هم
    ١- عدد الجامعات الزحـــــــــــــــمه مقارنة بكندا
    ٢- الملحقية هناك متعاونة اكثر من ملحقية كندا
    فلو انا مكانك حختار امريكا .. ولما توصلي هناك تأكدي انو حتنحل المشكلة لأنو اعتقد انو مادامك طالعة للدكتوراه ومراعاة لدلك حيتعاونو معاك .. غيرك طلعو ماستر بتخصصات وغيروها لهم مع انو التخصصات الي غيرو عليها تخصصات مش موجووده ضمن تخصصات البعثة فمن باب اولى انتي حيتعاونو معك
    حالياُ امشـــي على شور الوزراة وقولي لهم( إن شاء الله والغنيمه) تسويق ..تسويق ... ولما تطلعي هناك وتبدي تأسسي للغتك ابدي بإجراءات التغيير
    7 "
  3. تغيير التخصص

    النقطة الثانيه الي حتكلم عنها حتكون للطلاب الي حاط خيار تغيير التخصص ضمن الخيارات المطروحه (لفك الزنقات) لما تطلعو لأمريكا او كندا ..
    لكل من يسأل عن تغيير التخصص بعد الوصول لبلد الابتعاث .. Click

    هدا الرابط لموضوع بالمنتدى تكلمنا فيه مع بعض الاخوان عن تغيير التخصص في كندا وامريكا وحتشوفو بنفسكم الفرق مابين ملحقيتي كندا وامريكا ( حتشوفو واحد قال عني دجال وراعي هجوله)>> سوو نفسكم ماشفتوه

    النقطة الي ابغا (اثيرها) >> بدا يزحــــف .. هي انو ومادام انو كثير منكم قد يكون حاب يكمل دراسته في نفس تخصص الباتشلر ولكن شروط الحصول على البعثه وقفت بطريقو فأنا اشوف انو فكرة الشغل على خطين حار/بارد بتنفعكم .. اسألوني كيف !!

    وحده من الاخوات الله يذكرها بالخير (ام عطا الله ) كانت خريجة تخصص social work وحتطلع امريكا مبدئياُ لدراسة التسويق >> (ادارة الاعمال) ولكن بنفس الوقت حاطه ببالها انها لما ماتوصل أمريكا تغير التخصص للتخصص السالف ذكره .. عملياُ اللي حيصير انها حتدرس لغه لحد مايجي الوقت الي لازم تحدد فيه طريقها مابين التسويق (اللي اوردي هيا جايه علشانه) او ( السوشول وورك) التخصص الي حابه تغير له .. حتحاول بيدها ورجولها علشان توفر قبول نهائي (كشرط لتغيير التخصص) وبعدين تطلب التغيير.. إن حصل التغيير كان بها وإن ماحصل حيتعين عليها الشغل على تحقيق متطلبات الدخول لبرامج الام بي اي واللي اهمها الجيمات ..

    المواد والكورسات التكميلية

    المواد التكميليه او كورسات التحضير الي تتسمى Pre MBA .. انا لما طلبت منكم انو تطلعو على شروط ومعايير معادلة الشهادات فكان للتركيز على هدي النقطه ( دراسة المواد التكميليه) .. طبعاً كلام الوزارة يقــــــــول انو في حالة دراسة تخصص عير امتداد لتخصص الباتشلر يتعين على الطالب دراسة مواد تكميلية .. انا شخصياُ مريت بالتجربه ولكن ولأني من الاساس خريج ادارة اعمال فماأظطريت اني ادرس اكثر من 3 مواد من اصل 12 مادة كانو في البري ام بي اي (لأني جايب العيد فيهم ايام الباتشلر) .. هدا كان في كندا بجامعة TRU.. وشخصياُ اعرف شباب الان متخرجين درسو اللغه لمدة سنه ونص+ بري ام بي اي لمدة سنه +برنامج الماستر لمدة سنه .. كل اللي ابغا اوصلو انو لو احد منكم حاب فعلاً يدرس الام بي اي ومو مجبور عليه ففيه من الجامعات اللي تطلب الدخول في هدي البرامج وهي في الاصل مواد حتسهل عليك شغل الام بي اي ..
    7 "
  4. المشاركة الأصلية كتبت بواسطة Pink Ice
    :
    .

    انا مالي في التسويق صرآحه
    لكن حابه اشكرك على الموضوع الشامل والمعلومات القيمه 3>

    و شدتني هالنقطه


    هل الجامعات توضح هالشيء صريحاً من خلال المتطلبات لكل كورس ؟
    او من خلال التفاوض ..؟ واذا كان من خلال الاخير ذكره كييف يتم " ياليت تفصل لي ادق التفاصيل " لأن هالنقطه مهمه لي ..!
    بما انو دايم يطلبون منا معدلات عاليه في الايليتز والجي ار وهالشغلات لطلاب التخصصات العمليه فَ القبول مو بالساهل نجيبه :‘(

    الله يوفقك وترجع بالدرجات العُليآا = )
    يبببببببب يدكرو صراحة .. وأخر مثال انا شخصياً كنت شفته يوم كنت ادور لواحد من الاخوان برامج ام بي اي بكندا .. وكان من ضمن الشروط درجه معينه في الجيمات .. وبعدها مباشرة داكرين انو في حالات معينة ممكن يتغاضو عنه .. حتى ادكر كانو طالبين معدل عام ٣ لأخر سنتين دراسيتين في الباتشلر ..
    وبعدين على طاري الايلتس تراه اختبار لغة ومش اختبار قبول .. والفرق ان اختبار اللغة حيكون لتحقيق شرط قدرتك اللغوية كطالب انترناشيونال ولغتك الام مش انجلش وهدا عادة الجامعات تكون صارمه فيه .. بينما اختبارات القبول زي جي ار اي والجيمات الاخد والعطا معها يتغير.

    خل يكون ببالك انو حتى وإن حددتي جامعه وحققتي الشروط ودخلتي الاختبارات, الجامعة ماحتضمن لك مقعد بمجرد تحقيق الشروط الا ادا سبقه قبول مشروط يوضح انو متى ماحققت الشرط حنقبلك (صراحة كدا) .. مع انو لبعض التخصصات صعب تحصل قبول مشروط للماستر
    7 "
  5. مرحبا .. للشباب االي حيطلعو لكندا .. مع اني ودي يراجعو حساباتهم خصوصاُ الي تخصصة ماكان بزنس اوتخصص قريب زي الادارة ( ادارة الاعمال تخصص لحال والادارة تخصص لحال ) .. Business Administration -Management .. المهم انو ياريت تقرو اكثر عن وضع القبولات في كندا وفي هدي المشاركة حتشوفو مواضيع مجمعها من ملتقى كندا للأخ الفاضل عبدالله بسيوني .. الرجل يحضر الدكتوراه (او يمكن تخرج) وقضى لو سنين عجاف في كندا .. ولو خبره مو بسيطه بموضوع القبولات بكندا .. اتمنى الاستفاده

    نداء لطلاب تخصصات الإدارة: محاسبة، إقتصاد، مالية، نظم معلومات، تسويق

    القائمة النقية للجامعات الكندية بدون جيمات وأذيّة -تجارة الكترونية تسويق محاسبة مالية

    الجامعات الكندية التي تعطي قبول مشروط باللغة

    كل التوفيق ..
    7 "
  6. نقلاً عن الاخ ابوهبة الله .. للأخوان والاخوات الي >> طالعين لكندا علشان سمعو انها بلد حلووووو وشعبو حلووو ومتناسين اهم اولوية وهي الدراسة

    ماهي مشكلة الجامعات الكندية مع التخصصات الإدارية + التجارة الألكترونية؟



    إذا جبنا (الطالب/ة ... + نفس الكفائات + الدرجات + المعدل العام + التخصص + المرحلة + ..الخ) فستكون لدينا مشكلتين عن التقديم لطلب قبول في كندا:

    المشكلة1: الصعوبة في القبول للجامعات الكندية ... يكاد يكون محصورا في التخصصات الإدارية (بكل فروعها) والتجارة الألكترونية والطب (بكل فروعه).... المسألة أسهل بكثير للهندسة عموما والحاسب الآلي .. الخ
    الحل: لا تأتي لكندا إلا بقبول للغة والدراسة الأكاديمية وأنت في السعودية

    المشكلة2: محدودية المقاعد المتاحة لمرحلة الماستر والدكتوراة.
    الحل: هل الطلوب برنامج ببحث أو كورسات (الكورسات خيار للماستر فقط):
    1- التقديم لأكبر عدد ممكن من الجامعات بغض النظر عن المدينة والجو والضريبة وأي شيء آخر ...
    2- إاذ كان المطلوب (بحث) ... فيجب مراجعة أكبر عدد من الجامعات والتخصصات والدكاترة للبحث عن المناسب منهم ... ومن ثم التقديم (لكل) الدكاترة المناسبين منهم ...


    نفس الطالب السابق وبنفس المؤهلات السابقة ... قدم على أمريكا أو نيوزيلاند أو أستراليا

    1- لن يحتاج أن تضمن القبول المشروط قبل الوصول لبلد البعثة ... لأن القبول أسهل من كندا ويمكن الحصول عليه بسهولة أكثر من كندا ... وكذا تسقط المشكلة الأولى...

    2- وكذلك لن تحتاج أن تراسل (كل) الجامعات أو الدكاترة أنهم لديهم الكثير من الجامعات والدكاترة ... وكذا تسقط المشكلة الثانية

    3- في كندا حوالي 60 جامعة منهم تقريبا 10 جامعة أو أقل تقدم برامج إدارية عليا و 2 جامعة تقدم برنامج ماستر التجارة اللكترونية ... بينما في أمريكا وغيرها من الدول السابقة الذكر يوجد مئات بل ألوف الجامعات والدكاترة ... فتزيد نسبة حصول الشخص على قبول ....


    أتمنى أني قدرت أوصل المعلومة ....


    المصدر: القائمة النقية للجامعات الكندية بدون جيمات وأذيّة -تجارة الكترونية تسويق محاسبة مالية
    حفاظاً على حقوق الكاتب نرجو عدم حذف المصدر مبتعث
    7 "
  7. السلام عليكم وحمه الله و بركاته
    اول شي ثانكس ع التوبيك يديك العافيه
    سو بما انو كتبت الموضوع فاحابه اسال عن كم حاجه واكون شاكره ليك ازا افدتني لانو صراحه اتلخبطت الدينا عندي مرا

    اول شي الحمدالله انا عندي باك جرواند مرا تمام عن التسويق لانو ال ريدي كان من ضمن المواد الي في البلان حقتي ايام الباتشلر
    وانا من اول ماتخرجت كنت مفكره في ماستر تسويق ولا اتش ار

    الي ابغا اعرفو دحين زي ماقولت انو الماستر في التسويق كماستر مستقل مو موجود في اي جامعه وصح انا ايام ماكنت اعمل سيرش
    ماكنت الاقيه بسهوله

    سؤالي دحين لو لقيت جامعه فيها ماستر تسويق مستقل زي الي كتبتها فوق كدا اكون انا برضو اداره اعمال ولا لا ؟
    وكمان بالنسبه لاختبار GMAT
    لو كان الماستر حقي تسويق مستقل برضو لازم اختبرو يعني سواء كنت ماستر تسويق ولا MBA
    لازم اختبرو ولاهو بس للبزنس ؟؟

    وصح سؤال شويا خارج الموضوع بالنسبه للغه انا الحمدالله لغتي كويسه لانو دراستي كانت بالانقلش
    لو دخلت معهد هل في اختبار تحديد مستوى ولا لا يعني ممكن اقلل الفتره بدل ماتكون سنه ونص تكون مده اشهر ؟
    ومعليش استفسار اخير

    لو ربي كتب وماقدرت اخد ماستر تسويق مستقل و دخلت MBA
    لازم يكون عندي خبره عمل ؟؟؟ دا شرط في كل الجامعات يعني
    7 "
  8. المشاركة الأصلية كتبت بواسطة ms.me
    السلام عليكم وحمه الله و بركاته
    اول شي ثانكس ع التوبيك يديك العافيه
    سو بما انو كتبت الموضوع فاحابه اسال عن كم حاجه واكون شاكره ليك ازا افدتني لانو صراحه اتلخبطت الدينا عندي مرا

    اول شي الحمدالله انا عندي باك جرواند مرا تمام عن التسويق لانو ال ريدي كان من ضمن المواد الي في البلان حقتي ايام الباتشلر
    وانا من اول ماتخرجت كنت مفكره في ماستر تسويق ولا اتش ار

    الي ابغا اعرفو دحين زي ماقولت انو الماستر في التسويق كماستر مستقل مو موجود في اي جامعه وصح انا ايام ماكنت اعمل سيرش
    ماكنت الاقيه بسهوله

    سؤالي دحين لو لقيت جامعه فيها ماستر تسويق مستقل زي الي كتبتها فوق كدا اكون انا برضو اداره اعمال ولا لا ؟
    وكمان بالنسبه لاختبار GMAT
    لو كان الماستر حقي تسويق مستقل برضو لازم اختبرو يعني سواء كنت ماستر تسويق ولا MBA
    لازم اختبرو ولاهو بس للبزنس ؟؟

    وصح سؤال شويا خارج الموضوع بالنسبه للغه انا الحمدالله لغتي كويسه لانو دراستي كانت بالانقلش
    لو دخلت معهد هل في اختبار تحديد مستوى ولا لا يعني ممكن اقلل الفتره بدل ماتكون سنه ونص تكون مده اشهر ؟
    ومعليش استفسار اخير

    لو ربي كتب وماقدرت اخد ماستر تسويق مستقل و دخلت MBA
    لازم يكون عندي خبره عمل ؟؟؟ دا شرط في كل الجامعات يعني
    ستي .. التسويق طلع ولا نزل .. احذتية في برنامج مستقل ولا ضمن الام بي اي .. هو هو حيبقى من تخصصات البزنس (إدارة الاعمال) ويدرس في البزنس سكولز في كل هالعالم .. ممــــــــكن وزي ماهو حاصل في الجامعة الي ادرس فيها حالياً انو يكون برنامج زي : Master of Marketing Communication يدرس في سكول ثاني زي الـ Art and Design .

    بالنسبة للجيمات فهو اختبار لعموم التخصصات الادارية والبزنس وإن كان فيه استثناء لبرامج دون برامج فهو حيعتمد ع الجامعة .. سوو الطريقه الوحيده علشان تعرفي هي موقع الجامعة والشروط الخاصة بكل برنامج... ومرا ثانيه نقول التسويق لسا (بزنس) ..

    باالنسبة للغه فهذا رابط لموضوع قديم لي عن دراسة اللغه حتفهمي ايش الي لك والي عليك
    شحطات لغويه ,, لكل المقبلين على شحطة اللغه خصوصا المرحلة السادسة

    خبرة العمل شرط في اغلب الجاريويت سكولز .. بس يمكن تشوفي لك سكولز تتغاضى مع المعدل العالي مثلاُ ..
    بالتوفيق
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.