المبتعثين لكندا من المدينه بلييز ساعدون بخصوص الفيزا
السلام عليكم ورحمه الله وبركاته
الى من المدينه وطالعبن كندا كيف طلعتو الفيزا ومن اي مكتب
انا جدا محتاااسه وربي احس راسي بينفجر مو عارفه ايش اعمل :(
ياريت تساعدوني باسم مكتب او طريقه الحصول على الفيزا الكنديه
شاكره لكم
رد: المبتعثين لكندا من المدينه بلييز ساعدون بخصوص الفيزا
بليييز ساعدوني لحد يطنش :(
رد: المبتعثين لكندا من المدينه بلييز ساعدون بخصوص الفيزا
لاا تبكي ولا تخافي ياعسسل الموضوع جدا سهل
اذا تبغي مكتب يسويلك هيا ويعبلك الابلكشن وكل شيء بس راح تدفعي مبلغ شويا كبير700 ريال
واذا انتي تبغي ترسلي اوراقك عن طريق السفارة الكندية من مكتب ارمكس راح تدفعي روحة وجاية 225 ريال ...
وانتي تعبي الابلكشن ترى مرا سهل وفي موضيع كثيرة تشرحلك وعادي لو تبغي انا اشرحلك خطوة بخطوة ان شاءالله اقدر افيدك بس انتي حددي تبغي المكتب ولا انتي ترسلها ع طول من ارمكس ..؟
استنى ردك ..الله يوفقك ^^
رد: المبتعثين لكندا من المدينه بلييز ساعدون بخصوص الفيزا
شوفي شرح الأبلكيشن هنا في الموقع وعبيه على دا الأساس وارسليه عن طريق أرامكس. كل شئ مشروح هنا
أو زي ماقالت لك روحي فيفا وهما يعبوا لك الاوراق وترسليها
وأنا احس الموضوع مرا سهل تقدري تعمليه بنفسك
وبالتوفيق
رد: المبتعثين لكندا من المدينه بلييز ساعدون بخصوص الفيزا
اوك انا رح ارسلها بنفسي قررت كدا
بس كيف احصل على الابلكيشن وكيف اعبيه
وبالنسبه لمرافقي ابا اطلعلو فيزه سياحيه هل تفرق او كيف
رد: المبتعثين لكندا من المدينه بلييز ساعدون بخصوص الفيزا
اوكي ياعسولة ...اروول خطوة تسويها اي احد من اهلك ولا انتي عندو حساب في ساب او الاهلي ...تروحي تطلعي شيك مصدق للسفارة الكندية وكل شيك منفصل لوحدو انتي 125 دولار كندي ..
مرافقك 150 دولار كندي ....ثاني شيء تجهزي اوراقك كلها ...انتي تحتاجي الوثيقة +كشف الدرجات + شهادة حسن وسلوك + القبول حق المعهد +كرت العائلة مترجم + صورة من الجواز + الجواز الاصلي +3 صور شخصية نفس مقاس صورة الجواز وخلفية بيضاء وتكون صور جديدة + الابلكشن الي من موقعهم والي بحطلك الرابط تحت يتكون من 9 صفحات 4 معلومات عنك وتعبية كمبيوتر لازم تكوني شابكة بالطابعة و2 عن العائلة 2 بخط يدك ويكون واضح ..
المرافق اذا كان والدك طبعا ..تبعي الابلكشن 9 ورقات 4 معلومات عنو 2 بالكمبيوتر عن ابوكي واخوانك وعماتك 2 بخط اليد + الجواز وصورة من الجواز + صورتين شخصية ويكون فيها الاسم وتاريخ الميلاد من وراء حتى صورك انتي + ورقة من العمل او السجل التجاري لو كان يشغل شغل خاص فيه ..
تحطيها كلها بظرف واحد وتروحي ارمكس تدفعي 100 روحة 125 وجية وقبل ماترسلي كلمني اراجع معاكي الاوراق علشان ان شاءالله تكون كلها سليمة ومايرجعولك هيا ^_^
ودا رابط الموضوع
http://www.mbt3th.us/vb/forum108/thread278776.html
شوفي في صفحة رقم 3 تلاقي الابلكشن حق الولد الي هيا سياحية بس انتبهي الله يرضي عليكي في ورقتين بخط اليد نفس حقك الي طبعتها من الصفحة الاولى ..
انا رجعولي اوراقي علشان ماحطوها في الموضوع وانا كملتهاا
واي شيء تحتاجية كلمني :o وان شاءالله مايكون نقصت شيء ...
الله يوفقك
رد: المبتعثين لكندا من المدينه بلييز ساعدون بخصوص الفيزا
مررررررررررررررره يسلمو الله يوفقك يارب
يعطيكي الف عافيه ياعسوله
:o
رد: المبتعثين لكندا من المدينه بلييز ساعدون بخصوص الفيزا
الله يخليكي ويسلمك حبيبي ..
طمنيني اول باول ...
واي احد يحتاج شيء انا موجودة ان شاءالله ...^_^
رد: المبتعثين لكندا من المدينه بلييز ساعدون بخصوص الفيزا
ماشاء الله عليك يعطيك العافيه