وش تنصحوني : زوجتي حامل وانا خايف عليها من الابتعاث

^^^
لا يكلف الله نفسا إلا وسعها.
إمر الله من سعة وكل تأخيره فيها خيره!
عذركم رسمي للتأجيل وأنت خلك على وظيفتك بفترة الحمل أجمع لك كم قرش ينفعك مستقبلا بالغربة!!
وفي التأني السلامة وفي العجلة الندامة!!! وفقكم الى ما فيه الخير لمستقبلكم العلمي والعملي،، ودمتم بخير.

والله انا اقول .. ماهي طايره البعثه ..

اهم شي سلامة ام العيال .. والعجله وانا اخوك مابه خير ..

انا مثل حالتك زوجتي توها داخله بالرابع .. والوزاره مثل ماقالو بالنسبه للحمل لاتوجد مشاكل في تأجيل دراستكم .. " بس اهم شي تقرير من المستشفى "

وتراها خيره يمديك تضبط امورك وتحوش تحويشة العمر .. ترى برضو الغربه يبيلها مصاريف ..

وتراها وجهة نظري .. ماادري عن ظروفك .. استخير وادرس وضعك .. والله يوفقكم ..

نفس رأي بوديقارد
الله يقومها بالسلامه

اخوي الغالي انا مثلك تمام زوجتي حامل وراح تولد هناك
ولكن اخذت احتياطتي سجلتها في معهد بنظام الشهر عشان في وقت الوالدة نسحب شهر ونرجع مرة ثانية للدراسة
الشي الثاني حاول تاخذ بعض الدروس في كيفية التعامل مع المراة بعد الولادة واحتياجات الطفل من جميع النواحي
والله يعيننا جميعاً

والله يأخوي خلها تولد هناك بصراحه قمة الاهتمام

صديقتي تقول احلى شي استفدته بالغربة هو الولاده ..

بذكر لك من خدماتهم :

عناية اهتمام تتنوم ثلاث ايام مع مراجعة الدكتورة لها

ودورات للام اذاكانت مبتدئه يعني ياخذونها لغرفة الندوات او شي زي كدا

ويعلمونها كيف تسوي الحليب وتعقم الزجاجات وشلون تروش البيبي وتلبسه

كل شي تعليمي وشنطه هدية من حفايظ لمدة شهرين مع حليب لمدة شهرين

انا طلعت من المشفى ماعرفت احمم البنت


ياخي بالله قولي باي مستشفى عندنا ذا الحمد الله ..

والراي الاخير لكم واستخيرو والله يسر امركم ..ويقومها بالسلامة ..

هيا فيها ايجابيه الحصول على الجواز الامريكي

وسلبية ان البنت حتكون بعيده عن اهلها في اكثر وقت هيا تحتاجهم فيه



لكن من ناحية التامين ... حسب ماهو مذكور في كتيب دليل الطالب الارشادي للابتعاث الخارجي وفي صفحه ٦٧ بالتحديد ((تتحمل الدولة تكاليف علاج الحالات الطارئة التي يتم ادخالها الى المستشفى لكل من المبتعث واسرته وعلاج حالات الحمل والولادة وماتتطلبه من اجراء عمليات ونحوها))


وانت فكر واستخير واستشير والله ييسر امرك *

من ناحية التامين لا تخاف

انصحك بالسفر خصوصا ان الاشهر من 3 الى 6 امنه باذن الله

وكذلك حصول مولودك على الجنسية اذا انت مبتعث لامريكا شي جيد

نصيحة : اذا عزمت على السفر احجز درجة اولى حاول عن طريق الوزارة بان تحصل على درجة اولى لو على مقعد واحد لزوجتك وانت تدفع لنفسك الفرق

واذا رفضوا حاول ان تقدم على طلب للخطوط السعودية بالحصول على التخفيض

مع العلم اذا اضطريت انك تدفع راح تدفع الفرق وليس كامل المبلغ

مثال اذا كان سعر السياحي 5000 والاولى 8000 تدفع 3000

والله اراء تختلف

ناس تقول روح وناس تقول لا

والله يبيلها تفكير

خلها تولد في امريكا ، اذا الطفل ولد في امريكا يحق له اعانه حليب وحفائظ من الحكومه الامريكيه ويعطى جواز امريكي .