مبتعث مجتهد Senior Member
الولايات المتحدة الأمريكية
دمعة يتيم , ذكر. مبتعث مجتهد Senior Member. من السعودية
, مبتعث فى الولايات المتحدة الأمريكية
, تخصصى BUSINESS ADMINISTRATION
, بجامعة not now
- not now
- BUSINESS ADMINISTRATION
- ذكر
- Akron, OH
- السعودية
- Jul 2011
المزيدl December 30th, 2011, 11:25 AM
December 30th, 2011, 11:25 AM
السلام عليكم ورحمة الله وبركاته
أنا والله محتار زوجتي حامل وتوها بالشهر الثالث
والآن ننتظر موافقة المعهد لبداية الدراسة في 31 مارس
وخايف علبها من السفروالروحه والجيه من المعهد
وبحكم انها حامل خائف ان التأمين الطبي مايشملها
مثل قوانين التأمين عندنا اذا زوجتك حامل مايشملها
لازم تأمن قبل الحمل
وش تنصحوني فيه الله يجزاكم خير
هل آجل البعثه واحس ان المده طويلة 7 شهور ؟
او
أسافر والله فلم
غير انه بعد الولادة ان شاءالله وراك اجراءات وجواز للبيبي وفيزا يعني ماهي بس ٦ اشهر وخلاص
فكر واستشير واستخير والله يكتبلك الي فيه الخير
ZooRoo December 30th, 2011, 12:55 PM
7 " والله فلم
غير انه بعد الولادة ان شاءالله وراك اجراءات وجواز للبيبي وفيزا يعني ماهي بس 6 اشهر وخلاص
فكر واستشير واستخير والله يكتبلك الي فيه الخير
ZooRoo December 30th, 2011, 12:57 PM
7 " ,
لآتوووقف روووح وتوووكل ع الله الأفضل إّذآ تقدر تتركها عند أهلها لكن مآآيمنع ,,
وهذي فرصه بالعمر ....
وأعرررف كثيررر تحملوووا وصبروووا في أشدد من ظرووفكك لكن كان الله بعونهم والله كررريم..
ووجدوا هنااك من عااونهم من أكثر من أسرة ....
وكثر الله من أمثالك إللي مثلك ينحط ع الرآآآس وآلله يكتب لك إللي فيه الخيرر...
جدتكك :-
dr.mac_cs
....
,
dr.mac_cs December 30th, 2011, 01:08 PM
7 " والله يااخوي بقولك الي عندي والرأي لك
انا نفس وضعك بالظبط لكن انا الحين موجود في بلد الابتعاث وانا المبتعث وزوجتي مرافقه واتفقت انا واياها انها ماتدرس الحين وتدرس بعدين بعد الولاده بكم من شهر ...
وبخصوص التأمين الطبي من الحين اقول لك لاتخاف تأمين الملحقيه مضمووون ويغطي جميع التكاليف سواء كانت ولادة طبيعيه ام قيصريه اي شي يشمله والدوله ماتعبتنا في هذا الموضوع ولله الحمد << انا سألت الملحقيه ومتأكد 100 % من كلامي...
فكر لو صار مع ابنك او بنتك جواز امريكي انك راح ترتاح في امووور كثيره من وجع الرأس ...
لكن في شي مهم جدا لازم تحطه في بالك وهو ... هل انت قادر على مساعدت زوجتك بعد الولاده ؟؟؟ << يعني بالعربي الفصيح مستعد تطبخ وتنفخ وتحط لها العلوم الزينه من لحم وحلب وهالكلام ؟؟
اذا كان ايه فسافر وتوكل ع ربك اذا لا فخلها عند امها تنفعها ازين وانت سافر وهي تلحقك او انتظر وسافرو سوا ...
بالتوفيق يااخوي لكن ارجع اعيد واكرر ان الموضوع يعتمد عليك انت شخصيا تقدر تساعدها او لا والشي الثاني هي تقدر تساعدك وتساعد نفسها في الغربه ولالا << بعض البنات كل ماجاتها كحه بس قالت ودني لاهلي ...
هذا رايي والقرار لك ...
تقبل تحياتي
الـقـلـب الـكـبـيـر December 30th, 2011, 01:11 PM
7 " نصيحة لك هذي فرصه لك ولها وللجنين
لك تكمل دراستك او اقلها تكتسب اللغة الانجليزية
لها تكمل دراستها او اقلها تكتسب اللغة الانجليزية
للجنين انه يحمل الجواز الامريكي
وترى الامور صحيح حتكون متعبه ولكن تعبها نتائجه حلوه
وبخصوص التأمين تواصل مع الملحقيه واستفسر منهم واتوقع انه يغطونها
موفق لكل خير
وجعله الله من مواليد البركة والسعاده
أحمد المبدع December 30th, 2011, 01:14 PM
7 " جزاكم الله خير علي تفاعلكم
أنا مرافق وزوجتي هي المبتعثه
دمعة يتيم December 30th, 2011, 01:57 PM
7 " السلام عليكم ورحمة الله
انا من زمان ليس لي مشاركات ولكن اخي الكريم اردت افادتك من تجربتي الشخصية
تستطيع زوجتك السفر من بعد الشهر الخامس اذا كان حملها مستقر وامن
اذا زوجتك المبتعثة هذا يعني انها لايمكن ان تحصل على اجازة ممكن يسمح لها بالغياب اسبوع اسبوعين
التامين الطبي جيد ويشمل كل شي
اذا قررت السفر فاحجز لها مقعد مريح ع البزنس او الاولى
استخر وادع الله السداد
انا تيسرت كل اموري ولكن الشعور بالغربة صعب وخصوصا فترة مابعد الولادة
محاضرة December 30th, 2011, 04:03 PM
7 " توكل على الله اخوي واطلع بلد الابتعاث ولا تخاف من ناحيه التأمين
لاتولد هنا والله انها سالفه
لازم تطلع له شهادة ميلاد ولازم تضيفه في البطاقه ولازم تصوره حق الجواز (صورة الجواز هذي فلم لحاله من كثر ماتعقدت مع ولدي)
وبعدين بتزيد المصاريف وحق الولد لحاله بعد الولاده 4000 ريال اقل شي
توكل على الله ولا تخاف
powlud December 30th, 2011, 04:19 PM
7 " توكل على الله وسافر انت وهي وفكر في الامور المستقبلية الايجابية
انا مثل وضعك زوجتي في الشهر الثالث داخلة الشهر الرابع راجعت الدكتوره وقالت ممكن تسافر وطبيعي جدا
وبعدين كل شي ميسر وسهل ان شاء الله على كلام واحد من الاخوان هناك اساله عن وضع المستشفيات قال لي تعالي مستشفياتهم ابرك من مستشفياتنا مليون مره
انا بسافر يوم الاحد الجاي ومتوكل على الله
توكل على الله واستخر والله يوفقك ان شاء الله
الله يوفق الجميع
مجروح ويكابر December 30th, 2011, 04:26 PM
7 "
December 30th, 2011, 11:25 AM
السلام عليكم ورحمة الله وبركاتهأنا والله محتار زوجتي حامل وتوها بالشهر الثالث
والآن ننتظر موافقة المعهد لبداية الدراسة في 31 مارس
وخايف علبها من السفروالروحه والجيه من المعهد
وبحكم انها حامل خائف ان التأمين الطبي مايشملها
مثل قوانين التأمين عندنا اذا زوجتك حامل مايشملها
لازم تأمن قبل الحمل
وش تنصحوني فيه الله يجزاكم خير
هل آجل البعثه واحس ان المده طويلة 7 شهور ؟
او
أسافر