دراسة اللغة عبر النت في الرياض على حساب الوزارة .. طريقة جديدة

في الملتقى أعلنو لنا ان من يرغب بأن يدرس فترة بسيطة من اللغة هنا بامكانه ذلك في الجامعة السعودية الإلكترونية على حساب الوزارة واستلم بروشور كامل للموضوع ولكن لا اعلم كيفية التسجيل .. دخلت رابط الموقع فوجده الصفحة الرئيسية للجامعة فتشت في الموقع عن اي شي يخص طلاب الابتعاث فلم اجد .. ممكن احد يفيدني ؟

وبالمناسبة هذه فكرة جميلة جداً بحيث ان الطالب بدلاً من ان ينتظر ثلاثة او اربعة اشهر قبل السفر يكون قد تعلم شي يسير في اللغة يفيده

انا كمان ابحث نفس الشي سجلت واختبرت تحديد مستوى وطلب مني الرخصه ولا ترفت ايش اسوي كمان

وانا بعد مااعرف وش سالفته حتى شرحهم عن موضوع الدورة في الملتقة كان كالتالي 1- في دوره 2- اللي يبي يسجل يروح للموظفه فلانه (نقطة انتهى )

انا للموظفة : ابي اسجل وش السالفه ؟؟

الموظفة : انتي تبين تسجلين ايه بس هو عبارة عن ايش ؟؟

الموظفة : اي قسم ؟

انا قانون
الموظفة : خذي عبي هذي الورقة وبعدين دخلتها واعطتني ملف

اليوم اللي بعده :

انا : لو سمحتي ماوصلني شى ؟؟

الموظفة وهي تضحك تونى يومين ويرسلون لك على الايميل الرقم السري

والى الان مافي شى حتى اني نسيت الموضوع ...

بعدين انا اتوقع يمكن اذا خلصوا من كل الملتقيات في كل المناطق يحصرون العدد وتبدا

انا نفسكم دخلت الموقع مافهمت شي وحتى الموظفه ماساعدت باي شي

أنا ما سجلت بالملتقى !!

يعني لازم أكون مسجلة بالملتقى ؟؟ علشان يرسلولي كلمة المرور ؟

انا سجلت وتخصصي حاسب ولا ارسلو لي شي الظاهر مايبون قسمي :(

اقتباس:

---

المشاركة الأصلية كتبت بواسطة A.A.Z1990

انا سجلت وتخصصي حاسب ولا ارسلو لي شي الظاهر مايبون قسمي :(

---

وشلون سجلت ؟ انا بس اخذت البروشور بدون تسجيل .. الي فهمته من الشرح الاولى بالقاعة ان التسجيل في الموقع حق الجامعة

عفواً اقصد استماره اعبيها لهم
الاسم ورقم السجل المدني. والقسم
..
التسجيل في الموقع ؟؟ اجل وش فايدة الاستمارة الي نعبيها ؟

هي الفكرهه مرره حلووه لكن ماا فهمتها صح ممكن احد يوضحها
من وين يبدا التسجيل

ثالثا:

شدد الدكتور ماجد الحربي بأن أي طالب يخطط للسفر في يناير أو قبلها بأن لايسجل بتاتا في الدورة الإلكترونية للغة الإنجليزية التي يقيمها البرنامج, ومن يسجل في الدورة ولا يحضر لها او يكون غير مهتم فإنه لن يصدر له قرار إبتعاث البته..

المصدر: http://www.mbt3th.us/vb/forum163/thr...#ixzz2ClSrLtxs