الاي توني ع البريد العادي هل من المعقول يكمل 45 يوم ماوصل ؟

مستحييييييل يقعد أكثر من 10 أيام وماشاء الله عليك صابرة
رديت عليك في الموضوع تبع المتأخرين
بس بجاوبك هنا أرسلي للمعهد وبلغيهم إن الأي تونتي ماوصل وأطلبي منهم يرسلونه فيديكس وإذا طلبوا مبلغ الشحن ارسليه لهم وكلها 5 أيام بالكثير وهو عندك .

مره رحمت نفسي كل يوم افزفز من نومي محلمه ان ديسمبر جا وراح وهو ماجاني الاي توني
طيب كيف يرسلون لي فيدكس؟؟ ماعندي بريد مدري انا ماعرف ذا الاشيا
وش اعطيهم بالضبط ؟ بس مدينتي ؟

حتى أنا رحمتس
مايحتاج يكون عندك بريد في فيديكس أنا ماعندي ووصلني عادي
كل اللي عليك ترسلين للمعهد ( طبعا راسلي الشخص اللي راسلتيه قبل وقولي ياذا اللحية الغانمة الاي تونتي ماوصلني وياليت ترسله لي بالبريد السريع فيديكس وبيطلب منك سعر الشحن وغالباَ يكون الدفع عن طريق موقعم وبالفيزا وادفعي وبلغيه إنك دفعتي وأطلبي رقم الشحنة وكل 3-5 أيام وبيكون عندك

معليش جاريني بدباشتي
"وغالباَ يكون الدفع عن طريق موقعم وبالفيزا " قصدك اي موقع فيدكس؟
وصدق ٣-٥ ايام ويكون عندي ؟؟؟ وانا مخدوعه وانتظرررررررررر ٤٦ يوم ؟؟؟؟؟؟؟؟؟ يالله شقد انا صبوره وغبيه بنفس الوقت
طيب انا دفعت ٥٥ دولار للمعهد عشان يرسلونه ادفع ثانيه نفس القيمه ؟؟

بجاريتس الشكوئ لله أمزح أمزح
الدفع يكون عن طريق موقع المعهد زي مادفعتي لهم 55 أدفعي الحين مرة ثانية وقولي لهم أرسلوه لي عن طريق البريد السريع ( فيديكس ) وعندك حل ثاني تسألين البريد العادي عن الشحنة وهاذي أحسها سالفة طويلة ومرمطة إنتي في غنى عنها ....
نعيد أشرح خخخخ
1- التواصل مع المعهد وطلب إعادة أرسال الاي تونتي عن طريق فيديكس .
2- الدفع للمعهد قيمة الشحن .
3- طلب رقم الشحنة وتتبعها عن طريق موقع فيديكس .
4- النوم 5 أيام من دون أحلام مفززة
5-الاي تونتي بيد nor90

ههههههههههههه انتي وينك عني من شهر ؟؟
ذكريني اهديك هديه قيمه اذا وصلني الاي توني ع خيرررر

تبين رقم حسابي السعودي
وإلا حسابي الامريكي اذا سافرت