هنا استفساراتكم عن طريقة التسجيل والإجراءات والمتطلبات (المرحلة التاسعة)

افهم من كذا انه ينفع اسوي هالشئ مو كلام خيالي ؟؟

وبالنسبة لسؤالك ..نعم على 5

الطامح.. انت سافر وادرس لغه وجب درجه بالايلتس او التوفل.. بعدها يحلها الف حلال..

اختي لمياء مدري والله انا اول مره اسمع هالكلام.. لكن الحل بيد جامعتك راجعيهم وشوفي وش ردهم عليك.. لاتستعجلين وتقدمين لين تراجعينهم.. سؤالي لك كيف سويتي المعادله!؟ بسوء الاحوال لو رفضوك..يمديك تدرسين ٤ شهور ع حسابك ويضمونك للبعثه

ان شاء الله بواصلهم
وبالنسبة للمعادلة ..ضربت نسبتي في 5 وقسمتها على 100


شكراً أخوي

أختنا لمياء انا سمعت بمثل الكلام اللي قلتيه ولكن صعب اجزم وانا ما تأكدت .. لذلك مثل ما قالك اخونا سعودي ماجيك ..

اخوي سعودي التحويل يكون مجهود شخصي .. بمعنى أنك تحسب ساعات كل ترم .. وتحسب المواد في الترم الواحد .. ثم تعطي كل مادة عدد نقاط اعلاها 5 مضروب بعدد الساعات واقلها 1 مضروب بعدد الساعات ..

بمعنى .. أنه لو عندي بوليمرات 4 ساعات .. وجبت درجة 70 من 100 .. يصير الـ 70 تعادل 3 نقاط .. عدد النقاط يضرب بعدد الساعات .. 3 × 4 = 12 نقطه ..

ومثلا ثيرمودايناميك جبت فيها 15 نقطه وهي عدد ساعاتها 3 .. ومادة ثالثة جبت فيها 20 نقطه وعدد ساعاتها 4 .. تحسب المعدل .. يصير مجموع النقاط مقسوم على مجموع الساعات ..

وبالتالي مجموع النقاط 47 ÷ 11 = 4.27 هذا معدل الترم .. وهكذا مع جميع المواد ..

لذلك اتمنى اختنا تحسبها بهذه الطريقة وتشوف ..

بالتوفيق ..

السلام عليم ورحمة الله
مع قرب فتح التسجيل عندي سؤالين ياريت تجاوبوني عليها :
1- ماذا اكتب في خانة ( تاريخ التخرج ) وانا لم استلم الوثيقه بعد ؟
2- انا من سكان المنطقه الشرقيه فماذا اكتب في خانة ( المركز ) ؟

وعليكم السلام ورحمة الله وبركاته ..

تكتبي التاريخ المتوقع لتسلمك الوثيقه .. أو تاريخ الافادة بالتخرج لو معك ..

مركزك الدمام ..

بالتوفيق ..

ممكن استفسر عن جواز السفر لازم الاسم اللي فيه واللي في الشهادة تكون متطابقه صح

انا اسمي في الشهاده مو صح وقلت بعدله لاني بكمل دراستي وماينفع كذا

قالو طلعي جواز سفر وارجعي عدله والجوازات الحين فوضى على ماسمعت ما يمدي الواحد يسوي شي

سؤالي الحين اقدر اطلع جواز سفر في هالاوقات وكم المده لين يطلع الجواز يسوونه بنفس اليوم ولا مشوار
لانه لازم الوالد هو اللي يروح ومسكين ماله حيل تعبان فيه اللي يكفيه ما ودي اتعبه

ولاتقولون يسوي وكاله ومدري وشو كلها مرمطه نفس الشغله

ردو علي تكفون لانها مررره هامتني هالشغله

لازم التطابق اختي ..

والجوازات فيها زحمه او فوضى بقسم الاجانب .. قسم السعوديين الوضع عادي ان شاء الله .. الجواز يطلع بنفس اليوم ..

وراجعي المشاركه هاذي .. 592 ..

بالتوفيق ..

اختي الجواز يطلع بنفس الييوم . سويه وارجعي عدلي الشهاده او الوثيقه , لانه تعديل الوثيقه هو الي ياخذ وقت . فالحقي اخلصي من الجواز وعدلي الوثيقه وسجلي بياناتك بالاسم الي راح تعدليه.. الله يسهل لك يارب