تجمع طلاب الدكتوراه - المرحلة التاسعة ( 9 )

السلام عليكم ورحمة الله وبركاته

ممكن اسهل الجامعات التي تعطي قبول دكتوراه تخصص احياء في بريطانيا او امريكا انا خريجة ماجستير من السعودية
وعضوة تدريس جامعية ممكن المساعدة لانه مسموح لي جميع الدول دون استثناء .

بالنسبه لامتداد التخصص ...قصدهم من البكالوريوس لين الماستر وانا ادرس تخصص واحد؟ ولا اذا الماستر حقي تسويق وقدمت دكتوراة تسويق كذا يعتبر امتداد تخصص خلاص وانا في السليم ؟ لاني بكالوريوس لغات وماستر تسويق ((:

Sent from my GT-N7100 using مبتعث mobile app

نفس الشئ اللي أبحث عن إجابه له

(تمت المشاركة بستخدام تطبيق مبتعث)

بس اتوقع كذا لوجكلي ...مدام يطلبو شهادة المرحله التي تسبق المرحله المراد دراستها معناتو امتداد التخصص فقط علي المرحله اللي تبغي تدريسها والمرحله اللي قبلها ...ياليت اللي يعرف يغيدنا اكثر ^^:

Sent from my GT-N7100 using مبتعث mobile app

توصلك رساله تروحي تدققي اول ايام ذي القعده .. وبعد التدقيق بشهر او عليها تتبلغي بالرساله ووتابعي وضع طلبك ع موقع الوزارة لأن وقتها الترشيح النهائي قدو تم واسمك حيطلع .. عموماً لو أنك مستوفيه الشروط فبعثتك مضمونة ان شاء الله[/QUOTE]


شكرا أ.عبد الروؤف على التواصل .... وبحق أنت مبتعث مبدع ...وفقك الله

الي يسأل عن التخصصات.. مبدئياً خذو هالنصيحه.. لاتسألو عن اختلاف وامتداد التخصصات لأنو مافي احد يقدر يفيدكم لأنو الوزارة ذاتها تتخبص وكلام ليلها يمحبه نهارها.. الي لازم تطمنو منه هو انكم بمشيئة الله مقبولين خصوصاً حضراتكم بتوع الدكتوراه.. راس مالكم كم ومية نفر ... الي تحت موضوع سابق كتبته بهذا الخصوص

- تخصصات الابتعاث في برنامج الملك عبداللة محدودة وفق " مزاعم" وزارة التعليم العالي بأنها حسب احتياج السوق والتغيير فيها كان بسيط ومحدود جداً طوال عمر البرنامج خصوصاً لطلاب الدراسات العليا.. وهنا نقول أن التخصصات الموجودة حالياً ماكانت امتداد تخصص لأكثر من 40% من طلاب المراحل السابقة (الماستر والدكتوره) وهذا أمر طبيعي كون أن الشروط الخاصة بالابتعاث كانت تخص بالتحديد 3 أمور مهمة فقط وهي العمر وتاريخ التخرج والنسبة وماجابت خبر للتخصص.

- زي ماحصل في جمــــــــــــــــــــــــيع المراحل السابقة وبغض النظر عن تخصصاتكم في البكالريوس,, البعثة حيحصل عليها كل من تنطبق عليه الشروط المذكورة أعلاه .. بمعنى لو انك مقدم ماجستير مثلاُ وعمرك ماتجاوز 27 سنة ومخلص الباتشلر في اخر خمس سنوات ومعدلك 2.75 فالبعثة لك مهما كان تخصصك..ولما الوزارة تقولك ماحنصدر لك قرار الابتعاث الا لما يكون تخصصك مناسب فهذا معناته أنهم على اي حال من الاحوال حيقبولك بشرط يكون تخصصك في الابتعاث يكون مناسب تماماً زي لما تكون خريج هندسة كيميائية وطالع للبعثة تخلص ماستر هندسة .. او في الحالة الثانية تحدد لك الوزارة التخصص المناسب لما مايكون تخصصك موجود ضمن تخصصات البعثة زي اجبارهم لطلاب الادب الانجليزي أو رياض الاطفال على القبول بتخصص التسويق.. لكن المحصلة أنو الجميع له حق الابتعاث بتوافر الشروط

- عملياً والي على الجميع يسوية أنو يخلص استمارة التسجيل ويتأكد من المعلومات خصوصاً لـ 3 شروط الي حددناها فوق ولما تجي للتخصص ولو تخصصك مش موجود ضمن التخصصات الموجودة في الاستمارة فالجدول الموجود في موضوع لأحد الاخوان يعتبر دليل للتحديد .. وهذا رابط الموضوع http://www.mbt3th.us/vb/forum172/thread425245.html

- الي حيصير أنكم حتختارو التخصص بناء ع الموجود بالجدول فوق وبعدها حيكون موعد التدقيق .. وهنا حاب اوضح نقطة أنو موضوع امتداد التخصص معني فيه بشكل أكبر(كشرط) الي تخصصاتهم بالبكالريوس موجودة ضمن تخصصات البعثة وخلينا نقول على سبيل المثال طلاب الادارة المالية (المالية) ..لو تخصصك كان مالية واخترت التسويق مثلاُ فهنا أنت تجاوزت الشرط وبيوم التدقيق حيعدلو لك ويخلوك مالية (اجبار) .. نفس الشي لو انت خريج هندسة وحاب تاخذ ماستر ادارة اعمال وسجلت تسويق فالي راح يصير أنهم حيجبروك ع الهندسة بحكم ( امتداد التخصص)

- الدور والباقي على الي تخصصاتهم مش موجودة بالمرة في تخصصات البعثة زي خريجي اللغة العربية او رياض الاطفال او اللغة الانجليزية .. الي حيصير أنكم واياً كان خياركم وقت التسجيل فالوزارة حتجبركم ع (التسويق) وبكل تأكيد ماحتفتح المجال أنو تطلعكم بقرارات ابتعاث في تخصصاتكم الاصلية..

- بعد السفر والوصول لبلد الابتعاث حتبدأ مساعيكم في تغيير التخصص الى تخصصاتكم الاصلية (حسب التوفيق والحظ والسعي) .. الي يسأل عن إمكانية وسهولة تغيير التخصص في بلد الابتعاث فالجواب هو .. مافي شئ مضمون صحيح ومش موجود في بنود ولوائح الابتعاث مايضمن التغيير ولكن, الكثيييييييييييييييير غيروا تخصصاتهم عن طريق الملحقيات واقدر أقول أنو ملحقية أمريكا متساهلة أكثر من غيرها في هذا الموضوع وتغيير التخصص ممكن خصوصاً لما يكون نادر وفي قله في اعداد حملة الشهادات العليا فيه.

- نجي للتسويق والدراسة في امريكا وكندا .. بحكم أنو الكثير منكم يحس أنو بينحد ع التسويق بحكم أنو تخصص من لا تخصص له في برنامج الملك حبيت اشاركم موضوع قديم يتكلم عن طبيعة الوضع والدراسة الي حتكون غالباً ماجستير ادارة اعمال ..تفضلو
المرجع في التسـويق والمــالية في أمريكا وكنـدا.. نصـائح وشـرح وافـي لكـل الجوانب

- القانون هو التخصص الوحيد الي شارطين فيه أنو البكالريوس يكون في تخصصات معينة وهي ( الانظمة والقانون وخريجين كليات الشريعة) .. فيما عدا ذلك لاتتعبوا انفسكم وحتى لو سجلتو في الاستمارة وانتو مش خريجين التخصصات السابقة فالوزارة حتجبركم على التغيير.


كلمة أخيرة .. لكل من تنطبق علية الشروط وبغض النظر عن التخصص في البكالريوس فالبعثة بعد أمر الله مضمونة .. وفرصة تغيير التخصص واردة بعد السفر ..فـ شدو حيلكم والله يوفقكم

السلام عليكم

جزى الله كل من ساهم في هذا الموضوع بمعلومة

والله يوفقنا ويسهل لنا مافيه الخير آمين

عندي استفسار إذا تكرمتوا :

ماهي المستندات التي تطلب عادة من الجامعات الأمريكية للمتقدمين لمرحلة الدكتوراه ؟؟

وهل يحتاج أيضا أترجم شهادة البكالوريوس والسجل الأكاديمي للبكالوريوس و شهادة حسن السيرة والسلوك ؟؟

وهل يوجد شروط معينة في التوصيات عند تقديمها للجامعات ؟؟

أتمنى تفيدونا حول هذا الموضوع لأنه مرة مهممم حتى مايسافر الواحد إلا مستنداته كاملة وبالشروط المطلوبة من قبل الجامعات

لا نضطر بعدين نرجع للسعودية عشان نكمل أوراق !

والله يعطيكم العافية ويوفقكم

الله يعطيكم العافية

لو حابة أقدم على معاهد اللغة من الآن وأحصل على قبول اللغة قبل أستلم الضمان المالي من الوزراة ..

كيف يكون تقديم الضمان المالي لمعهد اللغة المتقدمة لها ؟؟!

ماعندي خلفية أبدا عن هذي النقطة بالضبط ..

فأتمنى أحد يفهمني أيش معناها وكيف إجراءتها

هل هو مجرد شهادة بكشف المبلغ المالي بالحساب البنكي ؟ أو كشف حساب بنكي وتحويل فعلي للمبلغ المالي المطلوب للمعهد في نفس الوقت ؟

وهل لازم الحساب البنكي يكون خاص بي وباسمي عند تقديم الضمان المالي للمعهد ؟؟ أو ممكن من حساب ولي أمري تقديم الضمان المالي ؟

أتمنى تفيدوني وجزاكم الله خير

اختي الباحثه ... شهادة بنكيه تبين ان في حسابك موجود المبلغ الفلاني والصيغه وحدة عند جميع البنوك والخطاب يكون موجه للسفارة الامريكيه وممكن يكون باسمك او باسم والدك او اخوك وافضل طبعا لو كان باسمك.. وهو خطاب (شهادة بنكيه) وماتحولي ولا فلس للمعهد..لمن تقدمي في موقعهم تعملي تحميل للضمان البنكي وجواز سفرك وشهادتك الدراسيه واظن خطاب بسيط تتكلمي فيه عن نفسك وليه حابه تدرسي اللغه ..اتمني اكون فدتك وان شالله هنا الاخوان والاخوات ماحيقصروا جزاهم الله خير ...

Sent from my GT-N7100 using مبتعث mobile app

شهادة بنكية تبين كم في الحساب .. عادة المعاهد تطلب مبالغ معينة مايقل عنها الرصيد وكل معهد مختلف عن الثاني.. الحساب يابإسمك أو بإسم والدك مثلاً أو زوجك لأنو وقت تعبي الابلكيشن حتنسألي مين الي حيتكفل بالدراسة فحختاري شخصي او عائلة او بعثة فبالتالي اختيارك للعائلة او شخصي ومعاه الخطاب البنكي (ماحيأثر لما تواصلي معهم بعدين بضمان الوزارة).. التقديم للمعهد جداً سهل وكل المستندات الاساسبة المطلوبة هي .. تعبئة الابلكيشن+صورة جواز سفرك + خطاب البنك باالانجلش طبعاُ + شهادتك الاخيره (لمعرفة وضعك الاكاديمي فقط وفقط) واي مستندات ثانية تعتمد ع المعهد

بالتوفيق