الأعضاء الإشتراك و التسجيل

الملتقيات
ADs

شرح طريقة البحث عن معاهد اللغة والتقديم عليها - [ المرحلة العاشرة ] ( 10 )

شرح طريقة البحث عن معاهد اللغة والتقديم عليها - [ المرحلة العاشرة ] ( 10 )


NOTICE

تنبيه: هذا الموضوع قديم. تم طرحه قبل 809 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية BASSAM1190
    BASSAM1190

    مبتعث مستجد Freshman Member

    BASSAM1190 الولايات المتحدة الأمريكية

    BASSAM1190 , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى علاقات عامه , بجامعة --------------
    • --------------
    • علاقات عامه
    • ذكر
    • san diego (إن شاء الله ), CA
    • السعودية
    • May 2014
    المزيدl

    September 22nd, 2014, 10:16 PM

    السلام عليكم ورحمة الله وبركاته



    حبيت اقدم لكم طريقة البحث عن المعاهد وطريقة التقديم عليها وأمور اخرى اتمنى تستفيدون منها طبعا الموضوع يخص المبتعثين لأمريكا :



    الموضوع راح ينقسم لـ :


    1- طريقة البحث عن المعاهد .
    2- طريقة التقديم على المعاهد .
    3- ايش معنى السمستر والكوارتر .
    4- ايش معنى القبول المشروط والقبول الغير مشروط .
    5- ايش الـ TOEFL , LITE .
    6- تعلم اللغة قبل السفر .





    بسم الله نبدأ :





    1- طريقة البحث عن المعاهد:



    الطريقة سهلة جدا وما يحتاج إنكم تروحون لمكاتب قبول وياخذون فلوسكم و يتأخرون في الرد على شي إنت تقدر تسويه بسهولة .
    أول شي لازم تدخل على هذا الرابط :

    هذا رابط المعاهد المعترف فيها لدى الملحقية السعوديه في أمريكا :

    http://esllist.sacm.org/



    وهذي واجهة الصفحة :









    لنفرض إني ببحث في معاهد مدينة بوسطن في ولاية ماساتشوستس , نحط اسم الولاية + المدينة وتطلعلنا المعاهد كلها :






    انا خترت معهد :

    EMBASSY CES - BOSTON DOWNTOWN



    راح نرجعله ونشوف المعلومات الي فيه وطريقه التقديم لكن في واحد يقولي طلعلي قدام اسم بعض المعاهد كلمة ( oversaturated ) مثل كذا :









    كلمة ( oversaturated ) معناها ان المعهد متكدس يعني مليان طلاب , وكلمة ( Allowed for batch ) معناها إن العدد المتاح للتسجيل في هذا المعهد .

    الحين بيجي واحد ويقول كيف اعرف إن هذا المعهد ممتاز ؟ الحل سهل تدخل محرك بحث منتدى مبتعث على هذا الرابط :

    البحث المتقدم - ملتقيات مبتعث


    وتبحث في كل المواضيع وتاخذ نظره عامه وإيجابيات وسلبيات المعهد + تبحث في مواقع أخرى + تتصل في المعهد إما عن طرق الشات أو الإيميل أو التليفون وتستفسر عن كل شي في بالك .





    2- طريقة التقديم على المعاهد :


    , هذي واجهه المعهد :





    نضغط على الكورسات ونختار اللغة الاكاديمية ( هي اللغه الي تأهلك للدراسه في الجامعات لكن ما يصلح تدخل اللغة الأكاديمية وانت مبتدئ فعشان كذا يفضل انك تدخل لغة انجليزية عامة مكثفه بعدين تدخل الكورس الأكاديمي ) لكن الحين خلونا نشوف كيف طريقة التقديم على الكورس الاكاديمي ( للي لغتهم متوسطة ) وبنرجع على الكورس العام المكثف .






    هنا يعلمك إن المعهد متعاقد مع 60 جامعة في امريكا وكندا واستراليا وبريطانيا بحيث إنك تدخلها من غير توفل ولا ايلتس
    و يساعدونك في جلب قبول جامعة , الحين نضغط على الي تحت عشان نروح نشوف وش نظام اللغه الاكاديمية عندهم .







    من هالقائمه إلي على اليمين فيها معلومات عن الكورس :

    1- الفصل الواحد مدته 11 أسبوع .
    2- الكلاس ( الفصل ) فيه 16 طالب .
    3- مدة الدرس 50 دقيقه .
    4- 28 درس في الأسبوع .


    ننزل تحت ويطلعلنا نفس الي بالصورة :




    1- معلومات تفصيلية عن الدورة ومواعد التسجيل .
    2- وين تبي تدرس ( المعهد عنده عده فروع في أمريكا وكندا وأستراليا وبريطانيا) .
    3- مده الدورات والمستويات .
    4- اجرائات الفيزا .



    ندخل على معلومات الكورس :




    هنا يقولك مواعيد التسجيل في المعهد والمستوى الأول (B1) متوسط ,
    ويعلمك إن الدراسه 4 فصول كل فصل 11 أسبوع يعني المجموع 44 اسبوع في السنه ,

    وبعدها تروح تحدد المدينه الي تبي تدرس فيها . وتشوف مدة الدورة والمستويات , بعدها تروح لإجرائات الفيزا :





    هنا معلومات عن الفيزا والـ I-20 والــ SEVIS ( السيفيس ) والضمان المالي







    I-20 : الوثيقة التي يصدرها المعهد أو الجامعة للطلاب الذين يريدون الدراسة بنظام الدوام الكامل. هذه الوثيقة تمكّن الطلاب من التقدم بطلب الحصول على تأشيرة دخول دراسية للطلاب (F1) لدى السفارة الأمريكية

    SEVIS( السيفيس ) والضمان المالي تحصلونها هنا بالتفصيل :

    ( الضمان المالي )
    ما هو الضمان المالي


    SEVIS( السيفيس ) وأمور اخرى مهمه أنصح بقرائه الموضوع كامل :
    الناس اللي مو فاهمة ايش الهرجة وتتسأل ايش هو الضمان المالي وايش الاي توني والسيفيس



    عرفنا كل شي عن المعهد الحين نروح للتقديم على المعهد :


    طبعا الاوراق المطلوبه للتقديم ( للمبتعثين على حساب الوزارة ) هي كالتالي :

    1- ضمان مالي من الوزارة ( راح ترسله لك بعد المتلقيات ).
    2- صورة من الجوواز .
    3- مبلغ 150$ دولار .






    هنا اكتشفت إن الموقع يدعم اللغة العربية






    بعدين تحط التالي وتعبي بياناتك والإيميل وترسل لهم الضمان المالي وصورة من الجواز وتدفع 150$ قيمه التقديم + I-20 وبعدها يجيك ال I-20 وألف مبروك ^_^ .



    الحين نروح للي يبي لغة انجليزية عامة مكثفه ( للمبتدئين) :






    بعدها نقرا ونشوف وش نظام الكورس :



    يا زين لغتنا كل شي واضح ^_^




    وبعدها نروح للتسجيل وتعبي بياناتك والإيميل وترسل لهم الضمان المالي وصورة من الجواز وتدفع 150$ قيمه التقديم + I-20 وبعدها يجيك ال I-20 وألف مبروك ^_^ .






    3- ايش معنى السمستر والكوارتر .




    نظام المعاهد والجامعات في أمريكا ينقسم إلى قسمين أو اكثر لكن المتعارف عليه هما قسمين :

    الأول : semester السمستر :

    الي هو فصلين دراسسين ويضاف عليها صيفي نفس نظام الجامعات الحكوميه عندنا ومدت الفصل الواحد تقريبا 15-17 أسبوع يعني من 30-34 أسبوع في السنه غير الصيفي والي يميز هذا النظام إن الطالب إذا نزل ماده بيدرسها من كل جوانبها وبيتعمق فيها على حسب الدكتور لكن سلبيتها إذا نزلت مادة وطلعت ثقيله وومله هنا انت مجبر إنك تدرسها على مدار 15-17 أسبوع .

    الثاني : quarter الكوارتر :

    الي هو 4 فصول دراسيه في السنة أي 2 كوارتر = فصل درسي ( سمستر واحد) ومده الكوارتر الواحد من 7-11 أسبوع يعني تقريبا من 28 – 44 أسبوع على حسب الجامعات . الي يميز هذا النظام إنك تخلص الماده بسرعه يعني ما تجلس على قلبك كثير ( فيه بعض المواد تدرسه على كوارترين ) لكن سلبيتها إنها ظغط كبيرر عليك .





    4- ايش معنى القبول المشروط والقبول الغير مشروط .




    * القبول المشروط : معناها إنك مقبول عندنا لكن بشرط إنك تجيب درجه معينه في التوفيل أو الايلتس ولا الجيمات على حسب تخصصك .

    * القبول الغير مشروط : معناها إنك تم قبولك قبول نهائي .




    5- ايش الـ TOEFL , IELTS .




    1- TOEFL : اختبار لتقييم مهارات اللغة الإنجليزية لغير الناطقين بها ( أمريكي ) والمستويات من 1 إلى 9

    2- IELTS : اختبار لتقييم مهارات اللغة الإنجليزية لغير الناطقين بها ( بريطاني ) المتسويات من 0 إلى 120


    وهذي بعض المواضيع المهمه في الاختبارين :

    تجربتي مع التوفل TOEFL توفل ,,, روابط ونصائح ومعلومات قد تفيد من يحضر للإختبار

    الدليل المبسط لاختبار التوفل والايلتس والفرق بينهما + الاختبارات المطلوبه الاخرى






    6- تعلم اللغة قبل السفر :




    الكل يعرف إن اللغة شي أساسي ومفصلي في الدراسه في الخارج والبدايات في تعلم اللغة لازم تكون قويه فعشان كذا يفضل إنك تدرس في معهد قبل السفر عشان إذا رحت هناك ما تتحطم في البدايات وتقول لنفسك باقيلي كثير ومن هالكلام , طيب بتقولي إن أصلا رايح اتعلم لغه ليش ادرس هنا واضيع وقت راح اقولك لازم تتعلم عشان تمشي امورك على الأقل اول أسبوعين , لازم تهيئ نفسك قبل السفر بمخزون من الكلمات ولوبشي بسيط يريحك اول أسبوعين وبعدها تنطلق في تعلم اللغة والممارسة . ومن هذا الباب حبيت اشارككم بعض المواقع والكتب الصغيرة الي إن شاء الله راح تفيدك :



    1- انجلش تاون

    Learn English Online - Englishtown


    هذا الموقع عندهم اشتراك لمده شهر ب1$ فقط للشهر الأول , الموقع جدا مميز تقدر تدخل المستوى الي انت فيه وبعدها يعطيك بعض الجمل وطريقه تركيبها وبعض الألعاب ( كلمة و4صور وانت تختار الصورة الي تعبر عن الكلمة ) وعندهم شات مع مدرسة + طلاب بنفس المستوى عن موضوع معين مثلا تعريف بنفسك أو المكتبه طبعا المدرسة تعطي كل شخص مده قصيرة عشان يتكلم ( مهمه جدا لكسر حاجز الخوف ) ( ضروري جداً تلغي التجديد التلقائي في الموقع)



    2- RONG-CHANG

    ESL - English as a Second Language


    هذا الموقع موسوعة كبيررة كل شي تبيه موجوود , تدخل الموقع وتحط الي تبيه سواء قواعد او كتابة أو قرائه أو العاب وبعدها تحدد المجال مثلا مجال الأغذية وبعدها مجال الفواكه وتطلعلك اشهر الفواكه وطريقه نطقها وكل شي الموقع مفيد جدا .




    3- الكتب:





    دكشنري لكن بالصور ومفصل ( التحادث - الناس - السكن - الطعام - الملابس - المواصلات)

    كتاب بطل .




    سلسله :










    هذي سلسله من الكتب لكل مستوى مثلا الكتاب هذا مكتوب عليه ( starter) للمبتدئين ويوضحلك من خلف الكتاب كم كلمه موجوده فيه وفي نهاية الكتاب فيه اسئله على القصه .


    انصح فيه بقوووة .




    4 - الأفلام - المسلسلات :


    الافلام والمسلسلات والأغاني الأجنبيه أدوات مساعده لتطوير لغتنا الانجليزيه بشكل كبيررر لكن مشكله البعض إنه يشوف افلام ومسلسلات وما يلاحظ تطور في لغته
    والسبب يرجع لنوعيه الافلام أو المسلسلات الي تشوفها مثلاً انت شخص مبتدئ وتشوف فيلم رعب ولا فيلم يتكلم عن البحوث الكيميائية والفيزيائيه ومثل هالأمور أنت كيف تبي تفهمها ؟
    انصح أي شخص يبي يتعلم من الأفلام والمسلسلات يبداْ بأفلام الدراما والي تعتمد على المحادثات داخل الفيلم , جرب اختر اي فيلم درامي مشهور وشفه مره ومرتين وثلاث صدقني الرابعه راح تعرف كلمات كثيره تلقائياً .










    في النهايه هذي بعض الروابط لمواضيع استفدت منها اتمنى إنها تفيدكم :


    كيف أبحث عن التخصص , الجامعه وَ المعهد ؟!


    (شرح) قبول اللغة + قبول الجامعة المشروط دون الحاجة للمكاتب التجارية


    تجربتي وطريقتي في البحث عن السكن المناسب - المرحلة التاسعة ( 9 )






    في النهاية : إن أحسنت فمن الله، وإن أسأت فمن نفسي والشيطان .
  2. ابغى استفسر لو تكرمتم عن الفرق بين نظام السمستر (15 أسبوع) والا نظام الليفل أبو شهرين (8 أسابيع) وكذلك الكوارتر..
    ايش الفرق من ناحية تعلم اللغة وطريقة الدراسة.. وأيهم أفضل من وجهة نظركم مع الأسباب

    الإشكالية اني محصل جامعات معتمدة مناسبة جدأ وتدعم تخصصي.. لكن المعهد عندهم بنظام السمستر وحسب نصائح
    بعض الزملاء اللي أعرفهم انه كلما قلت فترة الليفل كلما كان أفضل لك (مدري كلامهم عن علم والا حمبلوش )

    +سؤال اضافي ع الطاير: اذا سجلت بمعهد جامعة.. هل يسوون لك اختبار لغة لتحديد المستوى؟ يعني ممكن تتجاوز ليفل لو كانت
    لغتك ممتازة


    وشاكر لكم,,
    7 "
  3. ^^^

    آتمنى فعلا إنكم استفدتو من الموضوع وشكرا على الكلمات الطيبه .




    المشاركة الأصلية كتبت بواسطة Eng.Olaiyan
    موضوع جميل و الله يعطيك العافيه ..

    بس للتأكيد الايلتس مستوياته من 1 الى 9 و التوفل له اكثر من نوع و واحد من الانواع من 0 الى 120

    اتمنى تتأكد من هالمعلومه



    صحيح كلامك التوفل له 3 أنواع وانا أرفقت هذا الموضوع تحت فقره التوفل لأنه يوضح أنواع اختبار التوفل بالتفصيل :



    الدليل المبسط لاختبار التوفل والايلتس والفرق بينهما + الاختبارات المطلوبه الاخرى




    المشاركة الأصلية كتبت بواسطة mushary77
    ابغى استفسر لو تكرمتم عن الفرق بين نظام السمستر (15 أسبوع) والا نظام الليفل أبو شهرين (8 أسابيع) وكذلك الكوارتر..
    ايش الفرق من ناحية تعلم اللغة وطريقة الدراسة.. وأيهم أفضل من وجهة نظركم مع الأسباب

    الإشكالية اني محصل جامعات معتمدة مناسبة جدأ وتدعم تخصصي.. لكن المعهد عندهم بنظام السمستر وحسب نصائح
    بعض الزملاء اللي أعرفهم انه كلما قلت فترة الليفل كلما كان أفضل لك (مدري كلامهم عن علم والا حمبلوش )

    +سؤال اضافي ع الطاير: اذا سجلت بمعهد جامعة.. هل يسوون لك اختبار لغة لتحديد المستوى؟ يعني ممكن تتجاوز ليفل لو كانت
    لغتك ممتازة


    وشاكر لكم,,


    على حسب ما قرأت إن نظام السمستر في اللغة نظام ممل ولو سمح الله رسبت في الأختبار راح تعيد ال15 اسبوع كامله أما الكوارتر راح تعيد 7 أو 8 على حسب المعهد , انا شخصيا أفضل نظام الليفل .

    وآتمنى من الي جرب اي نوع يعطينا معلومات عنها .


    بالنسبه للسؤال الثاني أيه الجامعات تجري اختبار تحديد المستوى للطالب المستجد وبعدها يختبر كل 3 شهور أو كل ليفل على حسب نظام المعهد .
    7 "
  4. المشاركة الأصلية كتبت بواسطة its Abdul
    كل الشكر لصاحب الموضوع على الطرح الرائع

    ميزة قبول اللغة في اكثر معاهد اللغة انه يتم خلال يوم او يومين واحيانا خلال ساعة عمل ( ما يصل الى ان يكون قبول اكاديمي يتطلب لجنة ومراجعة وغيرها ) طبعا قبول للغة فقط
    الطريقة في اكثر المعاهد
    1- قم بتعبئة النموذج وتعبئة بيانات الدفع والدفع اونلاين.
    2- ارسال النموذج مع باقي الاوراق بالايميل لمسؤول القبول بالمعهد
    3- اتصل بالمعهد هاتفيا او ارسل لهم ايميل تطلب فيه سرعة الحصول على القبول والاي توني

    وهنا اذا كان الموظف متفرغ فراح يصدرلك قبول المعهد في وقت بسيط ساعه او ساعتين

    بالتوفيق للجميع


    كلامك 100%

    وشي غريب لما شخص يجيب قبول معهد من مكاتب القبول .
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.