الأعضاء الإشتراك و التسجيل

الملتقيات
ADs

التجارب مع مراكز مطابقة الوثائق - [ المرحلة العاشرة ]

التجارب مع مراكز مطابقة الوثائق - [ المرحلة العاشرة ]


NOTICE

تنبيه: هذا الموضوع قديم. تم طرحه قبل 1166 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. السلام عليكم .. وأسعد الله جميع أوقاتكم

    تم ولله الحمد والمنة الإنتهاء من عملية المطابقة بكل يسر وسهولة .

    ملخص ما حدث منذ الدخول الى المقر لحين الانتهاء والخروج منه :


    أولاً:
    بس تدخلون للمقر بينطلب منكم صورة من الموعد عشان يتأكدون بس بعدين بيوجهونكم للي يوزعون النماذج وبتسألكم حقة النماذج ( بكالوريوس - ماجستير - دكتوراه )
    بعدين تاخذون النموذج اللي يناسبكم وتعبونه وتجلسون في الكراسي تنتظرون دوركم


    *ملاحظة :
    لقيت كثير من البنات مع الاسف ما يدرون حطوا عند الحاله انهم موظفات انتبهوا خلو هالخانه فاضيه اقصد اللي موظفين واللي مسجلين بالتأمينات الاجتماعيه اما اللي متأكدة انها مو مسجلة بالتامينات ولا موظفه تختار لا أعمل


    ثانياً:
    اذا جا دوركم في االتدقيق راح يسألونكم عن أوراقكم كاملة مع صور منها ويشيكون عليها ... في هذا الجزء ركزوا على الهويات

    *ملاحظة :

    نصيحه عشان ماتطولون بالانتظار هناك رتبو أوراقكم حسب ترتيبها بالنموذج لانهم بيستعرضونها بنفس الترتيب وحطوا كل أصل صورته معه أسهل لكم ولا تدبسون الأوراق ممنوع


    جهز وا أوراقكم على النحو التالي:
    - الهوية وصورة منها.
    - الجواز وصورة منه.
    - الوثيقة وصورة منها.
    - السجل الأكاديمي وصورة منه.
    - كرت العائلة وصورة منه
    - هوية المحرم وصورة منها أو صورة لحالها حسب ما قالوا لي البنات انه عادي بس يوم دخلت للتدقيق الثاني طلبوا الاصل حق المحرم يطابقونه
    - جواز المحرم وصوره منه طبعا انا جبت صورة بس لأن الأصل زوجي معطيه عمله يطلعون له فيزا


    في هالمرحله لما تأكدت الموظفة من أوراقي حطت الصور منها مع بطاقات الاثبات لي وللمحرم وكرت العائله والجواز حقي بزي الملف يتقفل وسلمتني اياه وقالت ادخلي للتدقيق (1)

    ثالثاً:
    في التدقيق (1) نفس طريقة الاول جلسنا عالكراسي وبالدور اللي يجي دورها للتدقيق اللي كانت وراها عالكراسي تتقدم و تجلس مكانها الين ما يجي دوركم راح تطلب منكم الموظفة تقدمون لها الملف بتشيك على النموذج اللي عبيتوه بعدها راح تبدأ تطابق الاصول حقة الاثباتات بالصور هنا طلبوا مني هوية المحرم الاصل والصورة للمطابقه وكذلك الجواز وصورته حقتي وحقة المحرم وكرت العايله وصورته ولما قلت لها جواز زوجي مع العمل بس معي صورة قالت مو مشكله هاتيها أخذت هي الصور كلها مني وحطتهم بالملف ورجعت لي الأصول

    رابعاً:
    الان معكم الاصول وبالملف حقهم الصور بتروحون للتدقيق (2) ونفس الشي يجي دوركم وتجلسون هنا ركزوا على الوثائق والسجل الاكاديمي والباقي شافوه عالسريع طبعا انا هنا اكتشفت انو سجلي الاكاديمي انجليزي كله يعني مو انجليزي عربي خفت مرا انو يقولون لي ليه مو مترجم عربي بس ابدا ما قالوا لي شي عليه بالعكس اسمعهم يقولون مو محتاج ترجمه لا بالتدقيق (1) ولا التدقيق (2) أخذوا الصور وقالوا لي خلاص خلصتي سألت الموظفه كيف أموري ان شاء الله بالسليم قالت لا ان شاء الله تمام

    الأصول راح ترجع للطالبة و هم راح يحتفظون بالصور فقط .


    لا تنسون هوية المحرم وصوره منها وجواز سفره وصوره منها



    * ملاحظة :

    طبعا بناء على طلب الجميع سألت عن موضوع تغيير المحرم والدولة واضافة مرافقين قالوا لي بالملتقيات ان شاء الله

    ياليت اللي عنده خبر إذا أكيد موضوع سجلي الأكاديمي ماراح يسوي لي مشاكل يطمني لأني مرا قلقانه من هالشي ومتوتره

    بالتوفيق لكم جميعاً
    7 "
  2. السلام عليكم ورحمة الله وبركاته
    نزلت علي تناحة وعدم تصديق ان الامور تحركت الحمدلله

    الحمدلله وبفضل من الله ومنته انتهيت من المطابقة .. الشكر موصول لكم اولًا واخيرًا على كل جهودكم المبذولة لطاقم اشراف العاشرة ، تعبكم في تنظيم هذا الملتقى محل تقدير والله
    ولكل من ساعدني حتى هذه اللحظة أنا شاكره ومقدره واسأل الله ان يجزيه \ ا عني وعن والدي خير الجزاء

    في 15 محرم - الساعة 10 كان موعدي مع المطابقة لمرحلة البكالوريوس

    وصلت الساعة 10:05 طلبت مني اللي عند الباب جواز السفر شافته وقالت لي اطبع الورقه حقت الموعد ، طبعتها ورجعت لوحده ثانيه عطتني استمارة اعبي بياناتي حقت المطابقه
    مطلوب اعبي ( الاسم - والرقم ورقم آخر - والدولة - والبريد الالكتروني - ورقم الطلب ) "اذا مانسيت شي" وباقي الورقه فيها قائمة بالمستندات المطلوبه تعبيها اللي تطابق اذا تأكدت ان كل شي موجود

    اوراقي كانت كاملة الاصول وكل وحدة وراها نسختها

    يوم جت 11:15 وصل دوري عند المطابقة الداخليه : )
    الشغل جدًا بطيء احسه وحولهم اجهزه كثير واشياء تشتت مافيه ترتيب في المكتب نفسه ..

    بعدها دخلت على مكتب المطابقة لكل مرحلة وماكان فيه احد قدامي جلست عندها على طول
    الله يهديها شغلها بطيييء وهي مشتته كل شوي تسألني سلمتيني اصل كذا ونسخته وارد عليها ايه .. وترجع بعد عشر دقايق تسأل عن نفس الشي واقول لها ايه، سألتني عن السجل الاكاديمي 4 مرات والمشكلة الاوراق عندها وهو كان أول شي قدامها على طول : )
    قعدت عندها ساعة الا ربع، المراحل الثانية جوا بعدي ثنتين وخلصوا والثالثة كانت في نص المطابقه وانا توني انتهي

    رحت للمطابقة الثانية عشان تستلم الشهادة الاصل مني ماكملت ربع ساعة الا وأنا مخلصه فتحت نفسي الله يسعدها كانت حتى اسلوبها محترم

    خلصت وصليت وطلعت على طول كانت الساعه 12:20 ما احسه وقت طبيعي!!

    عمومًا الحمدلله عديت أهم مراحل الابتعاث بالنسبة لي
    الله ييسر للباقين في مطابقتهم ويخلصون اسرع من كذا
    واعتذر اذا طولت بالرد
    7 "
  3. توني جايه من التدقيق الصراحه ما قصروووووووووو الموظفات بشاشه و هدوء و تعاون المكان هادي ورايق كل شي كان حلو الحمد لله
    طبعا الطابعات اسعفتنا كثيررررر في طباعه المواعيد و الالت التصوير ..صراحه شي يبشر بالخير ..
    الله يسهل امري يارب و امر هالمرافق

    اللهم لا سهل الا ماجعلته سهلا
    لا اله الا انت سبحانك اني كنت من الظالمين
    7 "


  4. - السلام عليكم ..
    أود أن اضيف قليلاً على ما سبق ، و ذلك لمن لم يكن أباها ولياً لأمرها
    و يرافقها محرم آخر غير ولي الأمر .. يجب احضار الموافقة و صك وكالة الابتعاث
    و هوية أحوال ولي الأمر .. + ( صك وكالة عامة لـ ولي الأمر )

    - في الثنتين الأخيرات استقعدوا لي علماً بأنه مو مطلوب أبداً بس الحمد لله
    ولي الأمر موجود في سجل الأسرة .. و الوكالة العامة بعدما أصرّيت انه مو مطلوب + لو
    ما كان مؤهل أنو يكون ولي أمري شرعاً ما كان وافقوا يصدرون له ( وكالة ابتعاث ) مشى الحال

    - الحاصل عشان ما تتوترون مثلي و تقولون في قلبكم : راحت البعثه عشان سبب تافه
    جيبوهم

    * بالتوفيق
    7 "
  5. السلام عليكم
    تمت المطابقة ولله الحمد بنجاح 😁
    مثل ماتفضلوا الاخوان المطابقة جداً سهله
    والموظفين جداً متعاونين

    بس حبيت اضيف نقطة
    اللي هي بخصوص الملتقيات
    ماعطاني جواب قلت له طيب متى تتوقع
    قال صعبه لأنه المرحله هذي تختلف عن المراحل السابقة فـ ما اقدر اتوقع

    رجعت وسألته سؤال فيه ذكاء 😌
    قلت طيب يعني اذا انتهت المطابقة في الرياض تبدأ الملتقيات والا لازم ينتهون جميع المدن اللي فيها مطابقة
    قال
    اذا انتهت المطابقة في الرياض بتفتح مثلاً في جدة وبعد ماتنهتي بجدة بتفتح مثلاً في الخبر
    وبعدها تطلع النتيجه النهائية
    ومن ثم الملتقيات
    لكن ترى كله توقع
    قلت يعطيك العافيه وطلعت
    عشان كذا اتوقع الملتقيات مافيه شي قبل ثلاث اسابيع
    هذا والله اعلم ☺️
    7 "
  6. السلام عليكم ورحمة الله وبركاته ..

    تمت المطابقة الحمدلله ... موعدي كان الساعه 4 ووصلت للمكان 3 ونص ..

    الموظفات تعاملهم جدا جميل .. والأمور مشت بكل بساطه وسهوله ..

    اهم شي تطبعون ورقة الموعد لان كثير من اللي حضروا ماطبعوها .. اختصار للوقت اطبعوها بالبيت ..

    بطاقة الأحوال يابنات لما تصورونها صوروها من غير تغليف انا كنت حاط بطاقتي بغلاف بلاستيك طلبت اني اصورها من جديد عشان الصورة تكون واضحه ..

    التدقيق اجراءاته بسيطه وسهله وسريعه .. لما تكون اوراقك كاملة ومرتبتها زي ماهو موجود بالورقه اللي بيعطونك إياها بالبداية بتمشي اموركم بسرعه ..

    شكرا .. وبالتوفيق للجميع يارب ..
    7 "
  7. الحمدلله.
    كان موعد المطابقة الساعة ١١ صباحاً. جيت بدري ٩ ونص، وسمحوا لي بالدخول، وتمت المطابقة. للأمانة تعامل الموظفين جميل جداً وخدومين لأبعد حد، ما قصّروا والله.
    وبخصوص الوثائق (طلاّب الماستر) تكفي صورة واحدة مع الأصل ويطلبون منك ترتبها كالتالي (أصل بطاقة الأحوال مع صورة لها- أصل الجواز مع صورة- أصل الوثيقة مع صورة- أصل السجلات الأكاديمية مع صورة).
    وحسب كلام الموظف يقول مو ضروري استمارة طلب البعثة إذا كانت معك نأخذها وإذا ما جبتها ما فيه أي مشكلة. بس احتياطاً خوذوها معكم.

    لا أحد يتوتر الأمر بسيط وسهل جداً
    ___

    فيه نقطة بالنموذج اللي يطلبون منك تعبئته أول ما تحضر ألا وهي "دولة الابتعاث" ترددت قبل ما أكتب "أمريكا" فقط. الكل يعرف إن وقت التسجيل متاح للطالب ثلاث دول فقط، بينما هم كاتبين بالنموذج دولة.

    أفيدونا جزاكم الله خير
    7 "
  8. المشاركة الأصلية كتبت بواسطة wal92
    الحمدلله.
    كان موعد المطابقة الساعة ١١ صباحاً. جيت بدري ٩ ونص، وسمحوا لي بالدخول، وتمت المطابقة. للأمانة تعامل الموظفين جميل جداً وخدومين لأبعد حد، ما قصّروا والله.
    وبخصوص الوثائق (طلاّب الماستر) تكفي صورة واحدة مع الأصل ويطلبون منك ترتبها كالتالي (أصل بطاقة الأحوال مع صورة لها- أصل الجواز مع صورة- أصل الوثيقة مع صورة- أصل السجلات الأكاديمية مع صورة).
    وحسب كلام الموظف يقول مو ضروري استمارة طلب البعثة إذا كانت معك نأخذها وإذا ما جبتها ما فيه أي مشكلة. بس احتياطاً خوذوها معكم.

    لا أحد يتوتر الأمر بسيط وسهل جداً
    ___

    فيه نقطة بالنموذج اللي يطلبون منك تعبئته أول ما تحضر ألا وهي "دولة الابتعاث" ترددت قبل ما أكتب "أمريكا" فقط. الكل يعرف إن وقت التسجيل متاح للطالب ثلاث دول فقط، بينما هم كاتبين بالنموذج دولة.

    أفيدونا جزاكم الله خير

    احنا قالوا لنا لا تكتبون شي بمكان الدولة .. وتركتها فاضيه
    7 "
  9. السلام عليكم ورحمة الله وبركاته
    أحب اشاركم تجربتي اليوم مع مركز المطابقة وان شاء الله افيدكم .. لأن انا استفدت منكم الكثير يا أعزائي
    وهذا أقل شيء اقدمه للخدومين المتواجدين بهذا الملتقى فديتكم.. الي فعلا شعارهم قول نبينا عليه السلام " خير الناس انفعهم للناس"

    المطلوب:

    1- الموعد(حالة الطلب):
    وهذا تاخذونه من نفس بوابة سفير لما ندخل رقم الطلب والرقم السري
    ثم اختارو ايقونة حالة الطلب
    والي راح تلاقون فيها موعد ومكان المطابقة..
    ثم اضغطوا بأي مكان فاضي بالصفحة كلك يمين
    ثم طباعة
    (أو الي قوقل كروم فيه طريقة ثانية .. من فوق فيه ايقونه اضغطي عليها ثم طباعة .. واذا ظهر لك بنافذه ثانيه .. قد لايطبع حتى تختارين حفظ ثمن اذا انحفظ افتحي المستند واطبعيه)

    2- استمارة الطلب :
    وهذي وحده الله يسعدها موضحه لكم الطريقه بالرابط:
    https://twitter.com/s1_km/status/530...409194496?s=09


    المهم الورقتين السابقة اذا ماقدرتي تجيبينهم لا تشيلين همهم عندهم هم لابتوبات تقدرين تطبيعناها من عندهم .. بس لازم يكون معك رقم الطلب والرقم السري حقك
    وإن شاء الله الأمور تساهيل بهذي الخطوتين ..
    ------------------------------------------------------------------------------------------------
    نجي للأشياء المهمة والي لازم تكون معك :
    (اولا بتكلم عن حالتي: انا مقدمة ماجستير - والدي متوفي اخي الاكبرهو ولي الامر والمرافق )

    وطبعاً يكون معك الأصل من التالي:
    1- بطاقة هويتك + بطاقة هوية المرافق- المحرم
    2- جواز سفرك + جواز سفر المحرم
    3- سجل الاسرة - حفيظة النفوس
    4- وثيقة التخرج من البكالوريوس
    5- السجل الأكاديمي
    6- إثبات صك الإعالة او الوكالة (لأن أبوي متوفي واخوي هو مرافقي ومحرمي
    انا بحالتي كان صك الإعالة
    7- صك حصر الورثة
    8- موافقة ولي الامر .. وافقوا على هذا النموذج :
    https://kas.mohe.gov.sa/kas10/conten...rentAccept.png

    طيب كل السابق لازم يكون معك منه صورة واحدة - بالاضافة للأصل طبعا -.. وليست صورة طبق الاصل .. فقط نسخة عادية تصوير
    لو ما مداك توفرينها قبل ماتروحين .. ترا موجود عندهم الات تصوير وتساهيل ان شاء الله .. انا صورت الوثيقة والسجل عندهم .. لان بالبيت لما صورت طلعت غير واضحة
    ولازم تكون نسخ جواز السفر واضحة ... ركزوا على هالشيء .. يعني اهم شيء الارقام الي موجودة فيه واضحة
    -----------------------------------------------------------------
    طيب نجي الحين للخطوات اول ماتروحين :
    1- عند البوابة تطلب منك الموعد - اذا مو طابعته تطبعينه عندهم
    وتطلب بطاقة الهوية - انا قالت لي مو انت الي بالهوية خخخ - تقول بالهوية مبينه كبيره- قلت شفتي كيف ظالميني بالتصوير خخ
    جلست شوي تدقق وتتأكد وطلعت بعد لها جواز السفر .. بس ماش حاسه انها مو انا الي بالهويه .. ضحكتن خخ

    2- تاخذين نموذج هم حاطينه تعبينه .. تختارين النموذج حسب مرحلتك الدراسية انتبهي لهالخطوة .. انه يكون مكتوب عليه للمرحلة الماجستير اذا انتي ماستر .. او بكالوريوس اذا انتي بكالوريوس .. او دكتوراه
    3- صوري الي ناقصك لو كان فيه شيء ماصورتيه
    4- اختاري مقعد واجلسي حتى يجي دورك - هنا كل المراحل الدراسيه مع بعض بالصالة الاولى
    خلصتي من مطابقة 1
    5- تروحين المطابقة2 بالصالة الي وراها باليمين اختاري سرا الماستر -- لان كل سرا راح يكون لمرحلة .. مو زي الي قبل
    6- نفس الشيء المطابقة 3 باليسار تروحين لخط الماستر .. وبس
    صلى اللهم وبارك على نبينا عليه افضل الصلاة واتم التسليم....

    ------------
    ملاحظاتي:
    *أول ملاحظة ..
    بنموذج الماجستير .. كانو حاطين خانه الحالة الوظيفية !!! طالب- موظف -لاتعمل
    صراحة انا ماعرفت وش اكتب هنا ؟؟؟ يعني هل اعتبر طالب بما اني مقدمة على الدراسة او كيف شكيت انه لايعمل ..
    المهم حتى بنات مثلي ماعرفوا وش يختارون .. وقالت لنا الي عند الاوراق اسئلوا قدام بالمطابقة ..

    وانا صراحة نسيت اسئل .. صورت الي ناقصني واهتميت بالسرا وكذا والاجراءات ونسيت اسئل عن هالشيء وتركته فاضي ..
    فهل هذا الشيء راح يؤثر على القبول ؟؟؟
    ؟

    الملاحظة الثانية:
    انا كان موعدي الساعة 1الظهر
    ولكن جيت بدري 11 لأن جديدة على الرياض فطلعت من بدري خفت اتأخر .. بس ماشاء الله طلع المكان واضح وربي يسرها و وصلت بدري
    الي ماعجبني ان الي يجون بدري وهي ماهي ساعتهم يجلسون يقومون فيهم بالسرا وارجعوا ورا .. طيب ليه كذا
    يعني خلاص دام انه بنفس اليوم وبحدود ال4 وال5 ساعات الي موجودة بالموعد .. يعتبر تمام
    لان فيه ناس تجي من خارج الرياض وممكن تجي بدري .. وممكن فيه ناس العكس ممكن توصل متأخر ..
    فالمفروض يعني مايدققون مرا على هالشيء .. بالذات انه ماشاء الله مافيه زحمه .. دام انه البنت يومها وبنفس الفتره تقريبا كله الصبح او كله الظهر او الليل ..
    يعني ماله داعي الازعاج .. حرام والله ماسكه سرا انا وبنات معي لين مابقي قدامنا الا وحده .. قاموا رجعونا ورا .. وجابوا الي جايين متأخر ... لان ساعتهم ..طيب مهو الي جايه متأخر راح تاخذ مكاني .. وانا اخذت مكانها .. يعني عادي تساهيل ..
    ماله داعي التكرنه على هالموقف .. ماعجبني هالشيء .. الصراحه الحق ينقال بس موظفه وحده مسويه قلق على هالشيء
    باقي الموظفات عادي ابد ماهتموا وكل وحده تمسك سرا خلاص مايقولون لها شيء ..


    ووبس سلامتكم
    اعذروني لو نسيت شيء
    7 "
3 من 10 صفحة 3 من 10 ... 2348 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.