دليل مبسط للطلبة الجدد في Virginia
دليل الطالب المبتعث لولاية فرجينا
بسم الله الرحمن الرحيم
اخواني واخواتي الطلبة ، نظرا لكثر الاستفسارات حول مدن ولاية فرجينيا و المعيشه فيها قررت ان اقوم بعمل هذا الدليل الموجز راجيا من الله ان يكون ذو فائده لكل طالب جديد في ولاية فرجينيا.
قبل مغادرتك للسعوديه تاكد بان جميع المستندات والمتطلبات التاليه معك
1) I-20 ورقة قبول الجامعه ، مهمه جدا جدا. في حالة ضياعها او نسيانها لن يسمح لك بالدخول للولايات المتحده الامريكيه.
2) مبلغ نقدي حوالي ال 1000- 2000 دولار. يكفيك لمده اسبوعين تقريبا حتى تتمكن من فتح حسابات بنكيه.
3) ارقام مكتب الطلبة الاجانب التابع للجامعة حتى تتواصل معهم في حالة وجود اي مشكله لا سمح الله.
عند وصولك لمطار دالاس (واشنطن)
1) عند وصولك توجه على طول لمكتب الجمارك (Immigration office ) لانهاء اجراءات الوصول.
2) غالبا ما يصادف وقت وصولك وقت وصول كمية كبيره من الطلبه والسواح الاجانب ، يعني راح يكون وقت الانظار حوالي الساعتين.
3) لا تحاول تلف وتدور مع موظف الجمارك ، جاوب على جميع الاسئلة بشكل مباشر وراح تخلص امورك بسرعه وسلاسه باذن الله .
4) عند انتهائك من الجمارك راح يعطوك ورقه صغيره اسمها ( I-94) حافظ عليها ولا تضيعها لانك راح تسلمها لهم عند خروجك من امريكا. انا انصح بتدبيسها في صفحة الفيزا في الجواز.
السكن
انا انصح ان الطالب يكون على تواصل مع السكن قبل ان يسافر من السعوديه !! طبعا الولايه كبيره والمدن جدا كثيره فاضل طريقه لحجز السكن هي التواصل مع مكتب الطلبه الاجانب في الجامعه وهم راح يزودوك بجميع المعلومات اللي تحتاجها.
او انت تقدر تدخل على محركات البحث وابحث عن سكن تكون المسافه بينه وبين الجامعه اقل من 2 ميل .
لو كنت جديد وما عندك سكن جاهز ، خذ لك تكسي الى الحرم الجامعي ولما توصل هناك اطلب منه ينزلك عند اقرب فندق . في الحاله هذي تضمن انك قريب من مكاتب القبول المهمة بالجامعه. ومن هناك تقدر تروح مكتب الطلبه الاجانب وهم راح يدلوك على اقرب وافضل سكن بالمنطقه.
الجوال
افضل شركتين في ولايه فرجينيا T-mobile و AT&T
انت اختار شركتك على حسب نوعية الجهاز اللي عندك ، الاسعار ما اختلفت ولكن AT&T شبكتها افضل من الاولى .
الشريحه راح تكلفك حوالي $500 ضمان مقدم ، يرجع لك المبلغ بعد تقريبا سنة من العقد. و الفاتوره المفروض ان لا تزيد على 120$ شهريا.
البنك
افضل بنك في نظري Bank of America موجود في جميع مدن امريكا وسهل التعامل معه ومن اوائل البنوك اللي تنزل فيها المكافئات .
المستندات المطلوبه لفتح حساب بنكي.
1) جواز السفر.
2) بطاقة الجامعه.
3) نسخه من عقد السكن.
4) مبلغ لا يقـل عن 100$
طبعا هذي اتوقع الاساسايات اللي يحتاجها كل طالب مبتعث في اول اسبوع له بامريكا. واسمحوا لي على القصور
واي استفسار عن ولاية Virginia او احدى مدنها او جامعاتها انا بالخدمه !!
اخوكم مندوب ولاية فرجينيا
ماجد العيد
رد: دليل مبسط للطلبة الجدد في Virginia
يعطيك الف عافيه
انا حابة احول على فرجينا والله ييسرها يارب
رد: دليل مبسط للطلبة الجدد في Virginia
السلام عليكم ورحمة الله وبركاته
شكرا لك على هالمعلومات الله يسعدك دنيا واخره من جد مرررره مفيده
انا بالنسبه لي قبل اسبوعين جاني القبول من الوزاره بالرغم انهم ارسلوا لي ايميل بعدم القبول بشهر 8 وماحضرت اي ملتقى ولا اعرف وش الخطوات اللي المفروض اسويها بجد احس اني ضايعه وماادري يمديني اخلص اجراءاتي وايش بالضبط لازم اسوي الحين هذا شي الشي الثاني بليزززانا مقدمه دكتوراه على امريكا تخصص علوم صحيه ومااعرف وش الولايه او الجامعه او المعهد المناسب فياليت اللي عنده خبره يقولي ..الله يوووفق الجميع يارب
رد: دليل مبسط للطلبة الجدد في Virginia
أخوي ماجد جزاك الله خير
أحب أسألك أخوي عن مدينة نورفلك وجامعة أولد دومينيون أنا راح أدرس اللغة هناك بإذن الله وراح تبدأ دراستي عن قريب, ياليت إذا عندك معلومات عن المدينة والجامعة والمنطقة ككل من حيث الأمن وأسعار السكن تفيدنا وجزاك الله خير
تحياتي
رد: دليل مبسط للطلبة الجدد في Virginia
اقتباس:
المشاركة الأصلية كتبت بواسطة HANOSH
يعطيك الف عافيه
انا حابة احول على فرجينا والله ييسرها يارب
ويعافيك يا رب ، انشاءالله التحويل سهل وفرجينيا افضل لك بكثير ! يكفي بس قربها من الملحقية .
اقتباس:
المشاركة الأصلية كتبت بواسطة Nora A-Z
السلام عليكم ورحمة الله وبركاته
شكرا لك على هالمعلومات الله يسعدك دنيا واخره من جد مرررره مفيده
انا بالنسبه لي قبل اسبوعين جاني القبول من الوزاره بالرغم انهم ارسلوا لي ايميل بعدم القبول بشهر 8 وماحضرت اي ملتقى ولا اعرف وش الخطوات اللي المفروض اسويها بجد احس اني ضايعه وماادري يمديني اخلص اجراءاتي وايش بالضبط لازم اسوي الحين هذا شي الشي الثاني بليزززانا مقدمه دكتوراه على امريكا تخصص علوم صحيه ومااعرف وش الولايه او الجامعه او المعهد المناسب فياليت اللي عنده خبره يقولي ..الله يوووفق الجميع يارب
العفو اختي ، والله الخطوات اللي المفروض تسويها اتوقع لو تتواصلي مع وزارة التعليم العالي هم راح يفيدوك اكثر.
اما بالنسبه للجامعات ، دام جاك القبول ما عليك الا تاخذي الضمان المالي وتقدمي على الجامعات المقبوله من قبل الملحقيه. وانا راح اضيف موضوع عن الجامعات المقبوله في ولاية فرجينيا
اقتباس:
المشاركة الأصلية كتبت بواسطة MA student
أخوي ماجد جزاك الله خير
أحب أسألك أخوي عن مدينة نورفلك وجامعة أولد دومينيون أنا راح أدرس اللغة هناك بإذن الله وراح تبدأ دراستي عن قريب, ياليت إذا عندك معلومات عن المدينة والجامعة والمنطقة ككل من حيث الأمن وأسعار السكن تفيدنا وجزاك الله خير
تحياتي
هلا والله اخوي ، المدينه ما رحتها الا مره وحده بس وصراحة ما عندي اي فكره عنها . ولكن انشاءالله بسال لك عنها واي معلومات توصلني راح اقول لك عليها.
رد: دليل مبسط للطلبة الجدد في Virginia
حبيبنا مشكور على المعلومات الحلوة :)
عندك أي معلومات عن مدينة فايرفاكس وبالذات السكن ؟ وما رأيك بجامعة جورج ماسن ؟
رد: دليل مبسط للطلبة الجدد في Virginia
يعطيك العافية وماقصرت
بمسالة البنك
مايفتح حساب الا ببطاقة جامعة
لان لازم امر على الملحقية ثم اروح للجامعة
وشكرا
رد: دليل مبسط للطلبة الجدد في Virginia
اقتباس:
المشاركة الأصلية كتبت بواسطة slohe
يعطيك العافية وماقصرت
بمسالة البنك
مايفتح حساب الا ببطاقة جامعة
لان لازم امر على الملحقية ثم اروح للجامعة
وشكرا
هلا اخوي .. لا والله بطاقة الجامعه راح تفيدك في فتح حساب طلابي بدون فوائد
تقدر تفتح حسابك وتعطيهم بطاقة الجامعه بعدين
الله يوفقك حبيبي واي استفسارات ثانيه انا بالخدمة
رد: دليل مبسط للطلبة الجدد في Virginia
اقتباس:
المشاركة الأصلية كتبت بواسطة عبدالرحمن الطموح
حبيبنا مشكور على المعلومات الحلوة :)
عندك أي معلومات عن مدينة فايرفاكس وبالذات السكن ؟ وما رأيك بجامعة جورج ماسن ؟
والله اخوي فايرفاكس مره حلوة .. خطوتين وانت بالملحقيه وجورج مايسون جامعه حلوة
عندي معلومات بس يا ريت لو تعطيني كم يوم بس اخلص من اختباراتي وافيدك اكثر اخوي
رد: دليل مبسط للطلبة الجدد في Virginia
سلام عليك ....... انا لسا توي ومحتار بين ولايتين
فلوريدا .. فرجينيا ... اسعار المعاهد كيف .. نبي معهد رخيص
وكيف السكن حدود كم بالشهر
ولاهنت يالغالي