الاخوه الأعزاء
السلام عليكم ورحمة الله وبركاته....
وبعد ان استقرت الامور ولله الحمد ، حان الوقت للشرح بالتفصيل عن تجربتي لكم مم حين وصولي الى مطار جون كيندي الى ان استقريت في فيلادلفيا شاكرا لكم اخواني الذي شاركتوني وساعدتوني ولعل ان يكون فيه الفايده للاخوان القادمين الى فيلادلفيا انشاء الله سبحانه وتعالى.
اولا
وصلنا مطار جون كيندي/نيويورك على الخطوط السعوديه ولا يخفى على كل من وصل على الخطوط السعوديه الى هذا المطار من طول فترة الانتظار وذلك لان اغلب الركاب سعوديين فتاخذ اجاراءات الدخول من ثلاث الى خمس او ست ساعات.
فلذلك الوصول على اي خطوط اخرى سواء اوروبيه او امريكيه افضل من حيث عدد الركاب الذين تطبق عليهم اجراءات الدخول الدقيقه فيكون وقت الانتظار اقل.
ثانيا
بعد ما انهيت الإجراءات واخذت العفش وختمت الجوازات كانت الساعه تقريبا 5 مساء علما ان موعد وصول الطياره من السعوديه كان 12 ظهرا وكان من المفروظ انه يكون الساعه 8 ولكن الطياره تاخر اقلاعها من السعوديه تقريبا اربع ساعات فلذلك معظم الركاب اللي مواصلين رحلاتتهم على ولايات ثانبه اظطروا الى تغيير حجوزاتهم من المطار.
طبعا انا ما حجزت على فيلادلفيا بالطياره لاني مخطط اني اطلع بالسياره من نيويورك سواء بالتاكسي او باستئجار سياره من نيويورك من المطار وتسليمها في فيلادلفيا.
المهم بما اني كنت منهك وقتها استخرت الله وهداني وقلت يا ولد خلني الليله ابت في اي فندق والصباح رباح. رحت للمكتب اللي في المطار حق حجوزات الفنادق وقال عندك فندق هولدي ان وهامبتن ان وكلها تقريبا تابعه لنفس الشركه وقريبه للمطار وكان سعرها تقريبا 200 دولار فقلت امسينا وامسى الملك لله وحاسبته وشوي جاء الباص حق الفندق واخذني من عند الباب.
طبعا كنت حاجز فندق في فيلادلفيا من الرياض فكلمت الفندق واخرت الحجز لليوم الثاني.
اللي ابي اقوله في هذا السياق:
1- اذا كنت مواصل الرحله على ولايه ثانيه احسب حساب التاخير في اجراءات الدخول في المطار واحسب حساب انك راح تنتقل من مطار الى مطار اخر واحسب حساب التعب.
2- انصح جميع الاخوان وخصوصا القادمين على الخطوط السعوديه انهم ياخرون حجوزاتهم اذا كانو مواصلين على ولايات ثانبه او انهم يحجزون على اليوم التالي ويقضون ليلة الوصول في احد الفنادق المحيطه بالمطار.
ثالثا
في اليوم التالي ذهبت الى مكاتب تاجير السيارات في المطار وطبعا كان هناك الكثير منها على سبيل المثال Avis/budget/dollar وكنت وقتها مستعجل شوي ودخلت على مكتب dollar وقلت ابي سياره فل سايز لمدة اسبوع وابي اسلمها فرعكم في فيلادلفيا فقالوا لي 1750 دولار فصراحه استغربت لاني كنت محصل اسعارهم ارخص اسعار عن طريق الانترنت وتفاجات باسعارهم الخياليه.
وطلعت من عندهم واخل على مكتب Avis وكان جنبهم على طول ولقيت نفس اسعاهم اللي على الانترنت بالضبط وقلت يالله لا يهونون وكان سعرهم 566 تقريبا. المهم حاسبتهم وطلبت منهم خريطه للطريق وعطوني ورقه صغيره مكتوب فيها وصف الطريق وكانت مفيده الى حد ما ولكن اللي ما قد ساق في امريكا بتكون معقده عليه شوي. المهم اخذت سياره جيب شيروكي صغير وتوكلت على الله وكان بيني وبين الفندق شارع سريع وكنت اشوفه قدامي واخذ لي تقريبا ساعه يالله وصلت له كثر المخارج واللفات.
اللي ابي اقوله هنا:
1- شركة Avis لتاجير السيارات شركه كبيره جدا وفروعها كثيره في المطارات وكذلك في المدن لذلك ما كل شركه عندها هذه الميزه اللي هي تستلم السياره في مدينه وتسلمها في مدينه اخرى.
2- عند تسليم السياره احرص ان يكون البنزين نفسه عند استلام السياره والا بتظطر تدفع الفرق وطبعا راح يكون غالي جدا جدا فاللي حصل معي اني استلمت السياره فل وجيت اسلمه تقريباه الثلث فحسبوا على 125 دولار او اني اعبيها واجيبها فكان جنبنا محطة بنزين فطلعت وفللتها ب 30 دولار تقريبا.
3- شروط التاجير ان يكون معك رخصه امريكيه(لا اعلم بخصوص الرخصه الدوليه هل هي مقبوله ام لا) وبطاقة فيزا واعتقد في شرط ثالث بعد بس ما يحضرني الان
رابعا
طلعت من نيويورك الساعه الواحده ظهرا واتبعت التعليمات اللي في الورقه وفي الطريق وقفت في محطه وشريت خريطه والحمد لله هداني الله للطريق بعد ما ضيعت شوي وبعد ما سالت كذا واحد في محطات البنزين ووصلت الساعه اربع او خمس وطبعا كنت امشي على راحتي في الطريق السريع وكان فيه رسوم تدفعها على الطريق. المهم ما حسيت بالتعب ابدا وكان الطريق ممتع والجو كان حلو.
احب اقول في هذا السياق:
1- السفر في النهار اامن من الليل واسهل حيث ترى علامات الطريق
2- ما كل واحد يكون ثقه حينما تساله عن الطريق فلذلك حاول تسال الموظفين في المحطات واسال اكثر من واحد حتى لا تكون ضحية .
3- الحصول على الخرائط سواء عن طريق الانترنت او غيره مسبقا افضل واليك هذا الموقع الذي يشرح لك الطريق كتابة ورسما على الخريطه.
http://www.sa.map24.com/
خامسا
وصلت الى فيلادلفيا وكنت قد قرات كثيرا عنها عبر مواقع كثيره على الانترنت وكان الفندق في وسط المدينه فاتبعت الافتات الى وسط المدينه وهناك كان الوصول سهلا الى الفندق. وفي اليوم التلي بدات البحث عن سكن في شقق مفروشه مؤقته وباءت محاولاتي بالفشل لان اكثر اصحاب الاماكن المرموقه تكون اسعارهم غاليه وبعقود اقصرها ثلاثة اشهر على الاقل. لا اعلم اذا كان هناك امكن جيده لتاجير الشقق المفروشه او بالاحرى تكون مريحه للي معه عائله وفي حال حصولي او معرفتي بشقق مناسبه سوف اقوم باضافتها هنا.
المهم اتصلت باخونا مبتعث ولكن وجيت عنده في المجمع السكني والحقيقه كان له الفضل بعد الله في حصولي على سكن مناسب في مكان مناسب فجزاه الله عني كل خير وكذلك زملاءه الاعزاء الذين ساعدوني ايضا. طبعا اغلب الشقق تكون غير مؤثثه ويكون فيه الاشياء الاساسيه ويتقى على المستاجر تاثيثها ويكون فيه دفعه للتامين وعقد طويل الاجل وفي حالة انك طلعت قبل انتهاء العقد تظطر الى دفع رسوم فسخ العقد الى اخره لذلك قرار اختيار السكن يكون صعب من حيث الامان وقرب السكن من الجامعه ومن حيث المواصلات والخدمات.
1- الكلام بشكل عام ينطبق على اللي معه عايله والا العزوبي فالخيارات امامه كثيره من حيث المواصلات ومن حيث السكن.
2- الى اخواني السعوديين القادمين لا تنسوا ان تامين السكن اهم شي فلذلك لا بد من البحث عن سكن قبل الوصول حتى الفنادق لان في اوقات الذروه تكون الفنادق وغيرها من شركات تاجير السيارات فل.
اخيرا: 1-تمت كتابة الموضوع بدون مراجعه لمحتوياته ولكن في حال تبين ان هناك خطا فارجو المعذره ولي عوده ايضا اذا فاتني بعض المعلومات
2- خاصية ارسال الرسائل الخاصه لم تفعل لدي وفي حال تم تفعيلها سوف اقوم بمراسلة اخواني الذين اعتذر عن عدم مقدرتي على الرد على رسائلهم.
تحياتي للجميع
بندر95 September 17th, 2006, 09:05 AM
LinkBack URL
About LinkBacks
انا من طلاب جامعة تمبل
وساكن في Academia Suites
سكن حلو بس مادري
تقريب المتوسط للغرف مو الشقق
600-700 دولار
بس إذا بجي مع عائلة افضل انك تدور على سكن في منطقة اسمها Germantown
أظن انها مناسبة لك تقريبا تلاقي على 1200$