بكل صراحه يااهل شيكاغو

لا تخافي الحياة هنا جدا امنة وممتعة وكل اللي يقلوا أن شيكاغو غير امنه ما زاروها ولكن حكمو من خلال الافلام. وطبيعي الافلام لن تنقل الواقع والا تسير مملة لازم من الاكشن .انا قبل ما اجي هنا تعرضت لنفس الارجاف. في ناس مادري كيف تحب التهويل وتسوي من الحبة قبه مادري اللي يسوي كذا على باله مسوي مهم والا ايش ؟
هنا في بنات يروحو ويجو لوحدهم وكل شئ تمام وشيكاغو فيها شبكة موصلات جدا ممتازة خصوصا للبنات. عموما اي احد يخوفك من شيكاغو ياليت تسأليه هل عاش فيها ؟ كل من درس لغة نفسه يكمل دراسة الجامعة في شيكاغو ولكن القبول فيه صعوبة لشدة التنافس خصوصا في الدراسات العليا وهذا دليل على ان شيكاغو خيار جيد.

الللللللللللللله يطمنك ...ويوفقك في دراستك ... شكررررا لك ..ايوا والله صادق بس يسمعوا شيكاغو يبدؤا يبؤا التهاويل حقتهم ههههه

انا مارحت شيكاغو للحين دراستي تبدى ف يناير ..
لكن اعرف ناس عايشين فيها واخوي زميلة في الجامعة من اهل شيكاغو ..

كلهم يقولون في اماكن خطرة جداً حتى الداون تاون في مناطق خطرة
ويقولون الخروج بعدالساعة ثمان في الليل في الداون تاون غير امن

يعني يفضل ان الواحد في الليل مايمشي لوحده ومايكون كاشخ ولابس اكسسوارات وساعات غالية ..
ويتجنب المناطق المشبوهة واللي الناس تحذر منها عشان يسلم من الشر ..

والله هو الحافظ ..

انا توني جاي من شيكاغو قبل 3 ايام ( سياحه وقت الأجازه من المعهد )
المدينه روووعه بس فعلا الداون تاون بالليل ماينطب مخيف وحسب كلام اللي ساكنين فيها
يعني بالنسبه للحياه العامه عاديه جدآ اللهم بالليل

يازين الاوك بارك بس

شكرررررررررررررا
على البند
what can I say
bandar
elembratoor

الله يحفظنا ان شاء الله يارب لا ماااخرج في الليل اكيد بس فكره الواحد يعيش طول فترة الدراسه في قلق مشكله وما افضلها مع ان اتمنى ادرس هناك الجامعات جدا عجبتني ... الله يسهل
طيب الامبراطور ايش الاوك بارك حسب مادورت في طبعا سكن بس كيف الاسعار وهل هوا يبعد عن ديبول ولا كيف

اتمنى من الااعضاء اذا كان عندهم معرفه بشيكاغو يقولولي ايش اماكن السكن الامان وهل المنطقه حول ديبول امان

واللي يقول لكم انه توه راجع من الدوان تاون , وكل انسان يقول انه مو امان كذاب في وجهه

الداون تاون الناس والحكومة ما توقف فيه ، فقولوا للي عندكم بلاش كذب

لا تهايط محد بيجيك ، وزي ما قال الذيب اللي فوق ، يا زين الاوك بارك

جنوب شيكاغو خطير ، زيه زي جنوب جدة وزي جنوب الرياض وجنوب اي بلد في العالم

الدوان تاون اللي فيه شارع الميتشغان آمن جدا جدا ولا عليكي من احد وكل من يقول شيكاغو مو امنه او لا تطلع برا بيتك بعد الساعه 8 كذااااااااااااااااااااااااب اشر في وجهه

انا عايش ومستانس وانزل انصاص الليالي امشي واكلم اهلي ولا احد عندي ولا سألوا عن وجهي

اعوذ بالله من اللي يكذبوا ويكبروا الامور مثل الناس اللي سألتوهم وتلاقيهم ولا طبوا شيكاغو

اذا كنتي بتدرسين اللغة في ديبول يعني راح تكونين في حرم الجامعة اللي في الداون تاون ..
في اماكن سكن كثيرة امنه في الداون تاون مثل البرزدنتال تاور والفورنت سيتي ..
كلها ابراج سكنيه فيا سكيورتي ونظيفة وفيها كل الفاسيلتيز اللي تحتاجينها غالبا..
والاستوديو تقريبا سعره 1200 دولار ..
وقريبة من معهد ديبول ..

بالنسبة للاوك بارك فيها عرب ومريحة امنطقة على ماسمعت ..
اكثر العرب يحبونها لانها هاادية وامنة على ماسمعت بس بعيدة تقريبا نص ساعة او اكثر عن الداون تاون ..
ووسائل المواصلات على ماسمعت في شيكاغو سهلة وكثيرة ومتنوعة ورخيصة ..

بس نصيحتي تسكنين في الداون تاون احسن لك واحلى .. لكن السعر غالي ..

medo-chan شكرررررا انك طمنتني وارتحت لكلامك من ناحية الامان الله يحفظك ويحفظ الجميع ان شاء الله جزاك الله الف خير
what can I say المشكله ان السكن غالي في الداون غالي مع انو افضل يكون قريب من المعهد اللهيسهل
وشكررررررررا للك مررا اخرى على المعلومات ويعطيك العافيه