نصائح للاخوان المبتعثين الجدد للمملكة السويد

السلام عليكم ورحمة الله وبركاتة

كل عام وانتم بالف صحة وسلامة .. ومن العايدين قبل الزحمة

بما اني من سكان العاصمة السويدية استوكهولم ..

حبيت اعطي بعض النصائح للاخوان المبتعين الجدد .. بما ان الوزارة ماقصرت فتحت الابتعاث لهذه الدولة ..

اولاً : الدولة من ارقى الدول في العالم وهذا من كلام الناس الي سافرت ما خلت ولا ديرة .

قبل ما تفكر تجي ..

روح على قوقل ايرث وتفحص وشف الدولة .. وشف مكان الجامعة تمام ..
من ناحية السكن .. انا انصحكم نصيحة اخوية .. لا احد يفكر يسكن لحاله مهما كانت الظروف ..

لأن بجد خلال شهر 10 و 11 و12 و1 و2 ...

يغلب على الديرة الظلام الدامس ..
يكون النهار قصير جدا بمعدل 6 ساعات فقط .. والباقي ليل ..
تلاحظ الناس لما تفكر تطلع تتمشى .. ما تحصل احد .. اغلبهم يكونو في المولات وفي السينما ..

تحس الديرة فاضية .. من جد

لذلك راح تحس بالملل والطفش .. عشان كذا اقول لا احد يفكر يسكن لحاله ..

حلووو ..

وش غيرررره .. اممممممممم

اها .. قبل ما تجي حاول تضبط لك حجز في احدى الفنادق القريبة من الجامعة الي انت رايح لها ..

طبعا .. المواصلات في قمة الرووعه
لا تشيل هم ..

القطارات موجودة والباصات موجودة ..
كل ما عليك تروح السنتر ..

وتطلب بطاقة مواصلات طالب .. طبعا راح تاخها بنص السعر يعني في حدود 350 كرونه سويدي .. يعني 150 ريال سعودي ..

وتركب جميع المواصلات .. بهذه البطاقة ..

من ناحية الاجواء .. فالبرد هنا بارد جدا ..
يعني احتص بالملابس ..

وانا انصحكم لا تشترون واجد من السعودية بحكم الجودة ما حولك احد ... غسلة او غسلتين
تحصلها راحت في خبر كان ..

الغسيل هنا .. تغسل ملابسك بنفسك .. مافي شي اسمه صديق مستعجل بالله ..

الحلاقة .. للي يحبون السكسوكة والعارض .. ويحبون يتفنون ..
اقولهم .. خذو عدتكم .. من عندكم .. احسن لكم ..

وصدقوني لما راح ترجعون ما راح تفكرون بش اسمه حلاق تركي .. ولا مغربي ..

نسيت اقول شي ..

لا تخبر احد انك سعودي خاصة للعرب الموجودين هنا ..
لانهم يفكرون .. معاك برميل نفط في جيبك .. ما يدرون انا رايحن في عين امهاااا .. ولك الحمد



هذا الي كان في بالي .. حبيت اوضحه لكم ..

اذا في استفسار ولا شي .. لا يردكم الا الكيبورد ..

وتوصلون بالسلامة يارب ..

محبكم )