طالبات سعوديات بالولايات المتحدة يعتدين على زميلتهن المبتعثة لارتدائها الحجاب

اعوذ بالله الى هالدرجة وصلت مرحلة الفساد
اللهم استر عوراتنا وعورات المسلمين

لاحول الله ولاقوه الى بالله
يعني انتم تفكرون اي بنت ماتلبس حجاب خلاص تلف وتدور وتسوي وتفعل بالعكس عشان ماتلفت كل الانظار
وانتم تعرفون ان اي سعودي خارج المملكه بيشفله سعوديه مايسيبها بحالها يطرد وراها ولى يطلاع اشاعه عنها فيها وفيها
وانا بالعكس عندي بنات سعوديات بجامعتي بس اشوفهم زي اخواتي وكاشفات عادي خليهم يرتاحون ويسعون لمستقبلهم
ولو الي عندي البنات يلفون ويدورون امحطهم بالعقال
الله يهديكم بس

لنأخذ من الموضوع عبرة....

أخواتي... أنا مؤمنه كل الايمان بوجود أقوال علماء قويه تبيح كشف الوجه...
ولا أنكر على أي مبتعثة كاشفة لوجهها... والحمد لله الكل على خير...
أما عن خياري أنا ... فأنا منقبة لقناعتي الذاتية بالنقاب ووجوبه ...
ولشدة حيائي من الرجال...
وأعيييييد وبالصووووت العالي.... يا بنات المسأله مسألة سلووووك وحشمة في العامل... ومراقبة الله في الأقوال والأفعال والنظراااات... ما هي مسألة غطيت وجهك أو كشفتيه...
للأسف شفت كم منقبة... السلوك والضحكات والسوالف شوهت فيها الحجااااب...
وشفت كم محجبه ماشية صح ما شاء الله...

وشفت منقبات جمعو بين مظهر الحشمة وأخلاق المسلمة
وشفت محجبات الله يسامحهم....أخذوا راحتهم بزيااادة...

لكن للاسف لاحظت شي....
الكثير من المحجبات نفروا مني لأني منقبة...
وكرهوني... وبدت التفاهات اللي توقعت اني تركتها في السعودية...
فالحقيقة أبعدت عنهم تفاديا للمشاكل...

وودي أسأل المحجبات ... هل يضايقك انك تشوفين سعودية منقبة؟

^^^
انا عن نفسي اتضايق اذا شفت سعوديه منقبه في امريكا

احسها شبح

الله يقويك يا أختِ والله أنتِ بـ فعلك هذا عن ١٠٠٠ رجال بعض الرجال يستحي يلبس الثوب والشماغ ويروح فيه صلاة العيد بأمريكا كيف أنتِ ماشاء الله عليك بالنقاب تروحين كل محل سوق ومعهد ومستشفى وكلش
لك الجنة وأنا أخوك والناس الي هنا ماعليك فيهم وصلوا أمريكا ويعنني أمريكية ويعنني أمريكي نقص في ذاتهم وضعف في شخصيتهم وحطي فـ بالك ياغالية ( أنتِ أشرف وأطهر منهم ) وارفعي راسك

الغريب انا نسبة كبيرة جدا من الردود ترد على العنوان فقط ولا تقراء المحتوى !!!!!

ردا على الموضوع الغلط الرئيسي من المحارم لازم جالسين مع بعض وتداركو الموضوع من بدايته قبل لا يتازم وقبل نقل المعتدية الي فصل

الملثمة لان من البديهي رح يكون في مشادة كلامة واستفزاز ولغط بالموضوع واكيد اي وحدة اذا سمعت نفس هل كلام ما رح تسكت ....

شكرا انك رديت لأني والله ودي أعرف ليه بعض الناس يتضايقون من الحجاب...
أنا شخصيا أعتذر عن مضايقة أي أحد بلباسي...
وودي أسال تتضايق يا أخوي اذا شفت التبرج؟

وأيضا ودي أسأل... أليس هذا بلد الحرية؟ كل له الحرية في لبس ما يشاااااء والا؟

أليست أمريكا وحقوق الانسان تنتقد السعودية لفرضها بعض القيود في اللباس؟

ويا ما يا أخوي شفنا ناس لابسين أشيااااء غريييبه هنا بأمريكا
وما أحد تضايق منهم والا؟

مشكوووور كلماااتك مشجعه....

أم وريف مدري وشسمه ولدك الله يحفظه لك هو وأبوه إن شاء الله
العفو وأنا أخوك ماقلت إلا الصحيح وأنا والله يشهد الله أحبكم فالله وأغار عليكم ودايم أشوف منقبات وماودي أي(ن) كان يتلفظ عليهن بأي كلمة
كلامك صحيح هم الأمريكان يلبسون ملابس خارجة عن حدود الأدب وخصوصاً بالهولداي ، وبرضه الإيمو ما الإيمو أو عبدة الشيطان وكثيررر وعادي لازم يفهم الكل وتفهمين يا أختي العزيزة هم مو مستهدفين النقاب لا هي مجرد حرب على الإسلام
ولو تفكرين فيها هي بالأخير ( قطعة قماش ) يعني والله عيب عليهم دولة كاملة تقوم على قطعة قماش هذي آخرة تفكيرهم!
وأبيك تشوفين على اليوتوب أميرات أوروبا زمان وحتى مو بعيد مرة تحديداً آخر مرة عام ١٩٨٦ ميلادي لابسين نقاب!
فقط الأميرات! هذا يعني إن النقاب له هيبته ووقاره ويعطي مكانة خاصة للمرأة ولا ماكانوا أميرات أوروبا يلبسونه
هذا شي ، الشي الثاني ياغالية أهم مايلزم المرئ راحته وفيه شيخ ما اذكر اسمه وبمعنى كلامه مايصلح الواحد يكره نفسه بالدين ويفعل شي فوق طاقته وهذا مكروه
يعني إذا منتي مرتاحة ياغالية وتعانين من ضغوط وهذا ممكن بل أكيد راح يأثر على دراستك وبعض العلماء أجازوا الحجاب وكشف الوجه بدون زينة فإذا مرة متضايقة أشوف تتحجبين أفضل والله يوفقك ويوفقنا جميع إن شاء الله

اخواني ترى ماهو كل متحجبه او منقبه في امريكا اوبريطانيا تكون سعوديه
فيه جاليات عربيه كثير وخاصه الي مستوطنين في امريكا ومواليد امريكا او بريطانيا
هذولا ما ادري كيف فاهمين الاسلام تجيك الوحده لابسه لبس اصلا ماتدري كيف جا عليها من كثر ماهو ضيق
وكل معالم جسمها باينه وبارزه ومحجبة ماتركب ((( جزء اسلامي وجزء غير اسلامي )))