الأعضاء الإشتراك و التسجيل

الملتقيات
ADs

.. | اسئله ~

.. | اسئله ~


NOTICE

تنبيه: هذا الموضوع قديم. تم طرحه قبل 2704 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية aw6an
    aw6an

    مبتعث مستجد Freshman Member

    aw6an كندا

    aw6an , أنثى. مبتعث مستجد Freshman Member. من السعودية , مبتعث فى كندا , تخصصى ثانوي , بجامعة السعد
    • السعد
    • ثانوي
    • أنثى
    • الخبر, الشرقيه
    • السعودية
    • Nov 2009
    المزيدl

    July 25th, 2010, 05:04 PM

    الـسلام عليكم ,

    كيف الحال ؟
    ألحين انا قدمت على الإبتعاث وحسب ماسمعت قبولهم مضمون بإذن الله مدري هالكلام صح ولا لا ؟؟
    وهل من الممكن يحطوني في الرغبه 3 ؟


    عالعموم حبيت اسأل عن افضل جامعات الهندسه في امريكا
    وبأي الولايات
    واختيار الولايه رح يكوني بكيفي ولابكيفهم ؟

    لأني ناويه اروح بتخصص طبي واحول لـهندسي !
    وياليت تعلموني كيف طريقه التحويل ؟


    وبسأل عن كيف دراسه هندسه البترول وهل هي صعبه ولاممتعه وكيف المواد وو الخ
    وهل لها مستقبل كبير ام ضعيف بالنسبه للبنات


    وشكرا
  2. ايه القبول مضمون بإذن الله ,, ولم يتم رفض اي حالة مطابقة للشروط في السنين الاخيره ومن لا يظهر اسمه له حق الاعتراض ويتم قبوله فورا ,,

    ونعم يتم اختيار الولاية عى حسب قبول المكتب الذي استخرج لكــ قبول اللغه وعند وصولك لكــ حق التغيير ,,,

    وان شاء الله يفيدك الاخرين في بقية الاسئلة
    7 "
  3. أختي إذا الشروط تنطبق عليك كاملة راح يقبلونك هذي توجيهات الملك لهم وماسمعت أحد انطبقت عليه الشروط ورفضوه إلا ناس محدودين وقدموا تظلم وابتعثوهم
    ودائماً يودونك للرغبة الأولى
    نصيحة من الحين حددي المكان من الحين الي تبين تدرسين فيه والجامعة الي تبينها لأنك اذا طلبتي اي شي وحاولتي تغييره راح يبهذلونك لين يوافقون وتدخلين في دوامة انتي في غنى عنها
    بالنسبة للتحويل لتخصص غير موجود في القائمة لاتشيلين همه لسبب بسيط وهو إنك ماراح تدخلين مباشرة للتخصص الي تبيه قدامك تقريباً سنة كاملة تدرسين فيها لغة قبل دخولك للتخصص الي طلبتيه لذلك بعد ماتاخذين اللغة وتصير شهادتها بيدك حاولي تغيرين لتخصص الي تبينه ماتدرين وش يصير في هالسنة ممكن تتغير نظرتك وقناعاتك ويمكن الوزارة تغير شروطها .. يعني خلي البكاء ليومه
    الله يوفقك
    7 "
  4. الي عرفته من الاعضاء والمواضيع الي بالمنتدى للماجستير انه الوزارة تجيب قبول اللغة والجامعة على الطالب
    وتغيير المعهد اتوقع انو نكلم المكتب المسؤل عن احضار قبولات اللغة عشان التغيير

    ليه الوزارة ماتخلينا نجيب قبول للمعهد في الولاية الي نبيها وتفكنا من التغيير والحوسة؟!!

    وبعد كم نبتعث شهرين 3 ,4 شهور , سنه ؟
    نفس التساؤل عندي ! اتمنى احد من الي راحو يعطينا معلومة
    7 "
  5. الوزارة هي الي تجيب قبولاتكم بالنسبة للماجستير هي تجيب لغة فقط لكم وبيني وبينكم أنا مااشوفها ميزة أنا اشوفها عيب
    لان الوزارة كلفت مكتب مادي بحت مايهمه الا الكيف يعني يجيب سعوديين ويردمهم في اماكن محددة وفي معاهد احيانا مشي حالك
    وسبق وحطوني في نيويورك وبهذلوني واضطريت اجيب قبول بنفسي في المكان الي شفت اني بأرتاح فيه وماقبلوه الوزارة الا بطلوع الروح قالوا التزم بالقبول الي جبناه لك وكانوا بيجبروني اغير فيزتي عشان ارجع للمعهد الخايس الي جايبه لي المكتب الي متعاقد مع الوزارة
    عموما نصيحة اذا تقدرون تجيبون ( قبول مشروط ) بيكون افضل لكم واريح بس الصعوبة تكمن هل الوزارة بتمشيه لكم وتعطيكم قرار الابتعاث وامر الإركاب ولالا !

    بالنسبة متى تبتعثون تاخذ وقت ترى
    المرحلة الخامسة تقريباً بعد الحج بشهرين بدأو الطلاب يسافرون
    بعد مايقبلونكم قبول مبدأي عن طريق النت
    يسوون تدقيق للأوراق ويسوون لكم مقابلات بعدها يمكن بشهر
    وبعدين يردون عليكم بعد فترة ويسوون لكم دورة لغة انجليزية تستمر ممكن ثلاثة اشهر
    وبعدها تبدا تتوزع عليكم القبولات
    بالقبولات هذي تروحون تقدمون على السفارات عشان تطلعون فيز وبعض الفيز تاخذ اكثر من شهر عشان تطلع لكن المعدل بين اسبوعين الى ثلاثة اسابيع
    واخيرا الملتقيات النهائية يسوونها بعد ماتخلصون كلش يجتمعون فيكم ويعطونكم محاضرات توعوية دراسية وحضارية وغيرها عن طرق التعامل في الابتعاث وهذي قالوا انها اجبارية
    في المرحلة الخامسة قالوا ان حضور دورة الانجليزي اجباري والي مابيحضر ماراح يعطون القرار النهائي للابتعاث بس طلع كلامهم خرطي
    وفيه ناس ماانتظروا الدورة طلعوا من قبل ماتبدا واختصروا على انفسهم ثلاثة اشهر !
    ترى التعامل مع الوزارة يعتمد على ثلاثة اشياء
    1- معرفتك بالنظام عشان تختصر على نفسك الوقت
    2- الواسطة اذا عندك عشان تخلص من المشاوير الطويلة
    3- الزنة عليهم .. كثرة الإلحاح ترى يجيب نتيجة

    الله يوفقكم يارب
    7 "
  6. 3- الزنة عليهم .. كثرة الإلحاح ترى يجيب نتيجة

    المصدر: .. | اسئله ~
    حفاظاً على حقوق الكاتب نرجو عدم حذف المصدر مبتعث


    ^

    ههههههههه اييييييه شاطره بها ذي انا

    :

    يعني حتى الإبتعاث حاجه موب سهله اجل وفيها حوسه
    الله يكون بالعون بس
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.