الأعضاء الإشتراك و التسجيل

الملتقيات
ADs

بسبب السرعه عندي محاكمه الشهر الجاي في ولاية إلينوي . شباب اللي عنده خبره يفيدني

بسبب السرعه عندي محاكمه الشهر الجاي في ولاية إلينوي . شباب اللي عنده خبره يفيدني


NOTICE

تنبيه: هذا الموضوع قديم. تم طرحه قبل 2594 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية !! ولد الامير !!
    !! ولد الامير !!

    مبتعث مجتهد Senior Member

    !! ولد الامير !! الولايات المتحدة الأمريكية

    !! ولد الامير !! , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى OPM , بجامعة تخرجت ولله الحمد :)
    • تخرجت ولله الحمد :)
    • OPM
    • ذكر
    • Manchester, NH
    • السعودية
    • Jan 2010
    المزيدl

    December 19th, 2010, 05:52 AM

    السلام عليكم ..

    شلونكم حبايبنا .؟

    السالفه ومافيها ان البوليس وقفني في أحد مُدن إلينوي بسبب السرعه

    اعطاني ثلاث مخالفات ابن اللذين كفروا , يقول سرعه , وتجاوزات متهوره بدون استخدام الاشاره , والمخالفه الثالثه عدم وجود ستكر اللوحه الخلفيه ...

    المهم انه قال لاتسدد المخالفات عندك محاكمه الشهر الجاي ويشوفون وضعك :
    > حسبي الله على هالابرص عكر علي الويك اند

    سؤال للشباب اللي مروا بالموقف هذا

    شلون وضع المحاكمه وهل اجيب معي احد او لا .؟

    وللمعلوميه : التأمين موقف من الشركه ماسددته وزين البوليس مادرأ عنه والا كان رحنا فيها
    واستمارة السياره ضايعه

    لازم اسدد التأمين قبل المحاكمه ؟ والاستماره لازم تكون موجوده ؟.


    ومعلومه اخرى : سبق واخذت خمس مخالفات بشيكاقو هل كثرتها تأثر على المحاكمه ؟؟

    مااقول الا ياحليل شرطتنا تقول من طرف العريف فلان قال سلملي عليه والله معك ماهوب هالقشران

    شباب انتظر ردودكم عسى الله يوفقكم ويبعد عنكم كل مكروه ..
  2. شوووف

    جيب استمارتك معك وسدد التأمين قبل لا تروح , واذا رحت راح يقلك انت مذنب تقول ايه ويصكك بمبالغ على كيفك

    خذ معك اقل شي 1500 دولار وسددها والباب , وكثره المخالفات تجمع لك نقاط على الرخصه اذا وصلت 12 نقطه في سنتين تسحب منك

    الرخصه . ولا تكلم احد لا محامي ولا غيره الوضع عادي . اهم شي خل فلوسك جاهزه .
    7 "
  3. الله يهديك بس.. لا في ديرتكـ تعرف تسوق ولا هناكـ تعرف تسوق

    الزبده خذ الهرج مني... دق على السفاره.. وفي رقم شغال 24 ساعه تقولهم على وضعك لان لازم يكون معك محامي.. وهم راح يوفرون لك محامي على حسابهم من ولايتك اللي انت فيها

    اهم شي لاتتكلم معهم ولا تقول شي.. لان كل كلمه محسوبه عليك..

    بس بلغ السفاره وهم يتصرفون.... السفارة.. مو تدق على الملحقية << لو تدق على الملحقيه والله يلغون بعتثك عاد العريني يدور للمتهورين اللي يسؤن لسمعة البلد ههههههههههه <<< على كلامه طبعا


    دق على السفارة وازهل ياخلفهم

    ربي يهدك
    7 "
  4. اللي يقول محامي وسفارة ومدري أيش أنا متأكد انهم مابعد طلعوا من السعودية
    أهم شي يكون الريجستريشن + التأمين ورخصتك معك وبتشوف أنواع الهواش عند القاضي
    يعني الوضع عادي. أعرف واحد زيك عطاه البوليس 3 مخالفات (رخصة + ركلس درايفنق + سرعة) بس القاضي قال له لاتدفع الا السرعة
    7 "
  5. شوف اخوي صار له زيك

    ونفس الوضع حولوه علي المحكمه

    المهم انوااع الوسوسه جاته ،، وكل واحد سعودي يقابله ويعلمه بقصته اللي يقول خذ محامي واللي يقول لازم سجن وكل واحد يفتي من راسه

    المهم يوم راح للمحكمه هو لغته ميح بس معه اختي ،،، قالت اختي انا ابتكلم عنه لانه هو مايعرف انجليزي قالو لا ،، نجيب له مترجم عربي من عند المحكمه وهذا طبعا ببلاش لانه من حقه انه يحصل علي محامي،، المهم المترجم مسكه علي جنب ووضح له نظام القضا في امريكا ،،، قاله هنا فيه ثلاث خيارات لك ،، اما تسوي ديل مع المدعي العام اللي اسمه prosecutor ويقولك مثلا خلاص ادفع هالمبلغ الفلاني لمخالفتك واوقف قدام القاضي وهو يسآلك القاضي ويقولك انت سويت كذا وكذا هل انت مذنب قول يس كبر قريح انا مذنب (اي ام قلتي خخ ) او تقول لا انا لست مذنب واشرح قضيتك للقاضي وهو يشوف وفي هالحاله يجيبون العسكري او الخيار الثالث انك تمتنع عن الحديث وهاذي ناادره وفي هالحاله القاضي بيحكم اللي يشوفه مناسب وغالبا بتكون قلتي ،،، بس احسسن شي قول انا مذنب وادفع المبلغ اللي حدده المدعي العام وفك عمرك وطبعا من تخلص بتطلع في مكتب برا وادفع المخالفه واخوي كان سواقه من غير رخصه لا سعوديه ولا امريكيه ولا دوليه ،،، وعطوه مخالفه بقيمه ٩٠ دولار فقط

    عاد انت ادخل علي موقع المرور في ولايتك وشوف القانون حق المخالفت وشوف كم الريت حقها وانشالله تتسهل
    7 "
  6. ياعزيزي موضع المحاكمه ترا مره عادي هنا انت بس وكل محامي هو يتفاهم لان را موضوع المحكمه مو زيك عندنا في السعوديه شي يخوووف هم هنا متعودين وشي عادي بس انت وكل محامي وهو راح يقول للقاضي انك جديد وراح يخرط عليهم بس لا تشيل هم بس اهم شي جيب محامي زشكرا وللمعلوميه ترا المحامي مايكلف شي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.