ابتعاث بالشكل هذا مالة داعي

أعجبني ردك أخي oska88


وخصوصا لما قلت < شايف امريكا كيف خلتني "> أنا كتبت ردي بالأول قبل لا أقرأ الردود لأني أنزعجت كثيرا " من طريقة عرض الموضوع

لكني سعدت جدا" جدا" برؤية فكرك الراقي والكثير من الأخواان والأخوات اللذين ناقشوا وبينوا وجهات نظرهم

كما قلت أنا بطلنا نردد مايقال كالببغاء من غير تفكير حتى .. وبقول مثلـــــــــــــــــك كذا خلتني أستراليا من أنا وبالمعهد أتعلمت كيف أشغل مخي وأنو أنا أكون مو طبيعيه لوتقبلت كل شي ومانقدته وقبلتع كما هو هع هع


وبجد خليهم يشوفوا جانب من الجوانب الإيجابيه للإبتعاث

بدينا نشغل مخنا

تحياتي لك

جوري انتي ف استراليا يالله برى ع قسم استراليا























امزح معك هههههههههههههههههههه لي عودة للموضوع .. برب جيم

ههههههههههههههههههههههههه من الطفش قلت بسير عليكم بيونيتد ستيت خخخخخ




بس أسمك مو غريب علي مو كنـــا تهاوشنا بحدا هالمواضيع ,,

إذا بتكمل الهوشه خلها بينا بلافضايح بين الناس عيب هع

هذا الكلام لاتقولينه لنا احنا مابيدنا شيء؟!؟!

مهما كانت اهداف الابتعاث سوا للعلم او التغريب كما يدعي البعض

فالانسان المتعلم و الفهم لا تفرض عليه اي اجنده او افكر لاتتوافق مع قيمة واهدافه

فأنا لي اهدافي وطموحي التي لا تستطيع كل مؤامرات الدنيا ان تثنيني عنها ان شاء الله

فكل شخص قادر ان يستفيد من برنامج الابتعاث 100%

او ان يضيع نفسه في شياء لا تعود عليه بنفع و ولا على بلده


حكمة للمتفائلين

أعظم هندسة في العالم أن تبني جسراً من الامال فوق بحرٍ من اليأس

اتفق معك بكل ماذكرت

للاسف الشديد الحكومه تبتعث وهي ماهي جالسه تحرك شي ولاتهيئه للخريجين الوظائف ولا الشركات!! الا زياده الاجانب واكل خيراتنا من الاجانب اللي في البلد

كل ماله وتزيد البطاله وتزيد الفواحش والزنى بسبب الشهوه والناس تبي تتوظف علشان تعف نفسها بالحلال لكن للاسف اذا ماشفنا حلول راح نشوف السرقات والفواحش وغيرها ..

واتفق بكلامك الابتعاث منظم بانه تغريبي فقط وليس له منهج ابد!! اجل في احد يبتعث على الحاسب الألي الحاسب الالي في السعوديه ياخذونه من اقرب معهد

الله يعين علشان كذا انا ماودي اواصل ابتعاثي امسك لي وظيفة احسن لي واضمن نفسي قبل لا اتورط الخريجيين بزدياد واللي عندنا مهتمين بالاجانب بس

قالوا يا حمد ليش ما تروح البحر ,, قال فيه ناس غرقوا فيه

الحمد لله على نعمة العقل
أنا جاي أقول شيئين وأطلع

الغبي اللي يتكلم عن الطلاب اللي على حسابهم ما أدري إيش عنده ؟؟
يعني عشان المصري يرفع لك وانت تكبس وجبت الثانويه ما عاليه والتحصيلي بالبركه تجي تسوي فيه اهنا واللي على حسابهم
أنا أحد طلاب جامعة تبوك سنه تحضيريه لهذه السنه
وسحبت منها لأني راح أخرج بعثه على حسابي
والله عرفت ناس معاي في الكلاسات أقسم باللي خلقها سبع الثانويه 99% والتحصيلي في 70% والقدرات في 80% والله أسألهم عن القدرات يقولون ما ندري كيف جبنيها الثانويه جبناها بدق المصاريه وتشبيكهم
أقسم بالله نسبتي الثانويه أقل منهم بعشر نسب والقردات والتحصيلي أعلى منهم كلهم ,, وسبب الثانوي هكانت لظروف
وأطلع وأدرس على حسابي وأخسر حول 40ألف ريال في 4 شهور ويجيني واحد يقول ليش تجيهم بارده مبرده ,, حنا اللي جاتني بارده مبرده ولا انتم ؟؟!
أنا ما أحسد أحد والله يشهد وبالعكس اتمنى للكل الخير زي ما اتمنى لنفسي وأخوياي وأقربائي في بعثات الملك مستحيل أحسدهم أأبد ,, بس بعض الناس يجيك برد طاااير ويخرجك عن طبعك
والله مو أسلوبي أرد زي كذا بس لما دخلت مبتعث عرفت إنه لازم تخاطب كل شخص بنفس مخاطبته للناس عشان يفهم
أنا قلتها قبل وأقولها هالحين وراح أقولها فيما بعد ولا علي من أحد والله أعرف ناس مبتعثييين فرندلي مع بنات وسكن مع بعض ,, وين درجاته اللي على أساسها ابتعثته وانه كويس ؟؟! إيش هالحقاره اللي عايشها استغفر الله العظيم
لمن تقول اللي طلعوا بعثات الملك كلهم كفو ,, على أي أساس حكمت عليهم ؟؟؟! تبيني أعطيك مقاطع فيديو اخوياي مصورينها في معاهدهم وبزرنه طلاب بعثات الملك ؟؟! والله فيه ناس منهم تحت 20 سنه وفيه ناس فوق 25 والله
مسوين فيها فله ويطشون بعض في النوافير ويطقطقون على البنات حتى بنت بلدك يا ابن اللذينا اللي متنقبه ما تسلم منك ؟؟؟!!! طقطق يا وسخ زي ما تبي وامسك خلق الله بس إيش لك بوحده في حال سبيلها روح شوف لك بنت فلاويه وطقطق معاها ما أحد يردك << والله كل هالحركات من طلاب مبتعثين من الأساس ما طلعوا على حسابهم يا أبو بارده مبرده
بالرغم من كذا أقول فيه والله مبتعثين والله تحطهم على الجرح يبرى وكفو وكفو وهم اللي محلين الابتعاث لازم نذكرهم ونقول ذولا شرفونا مو نصيد في الماء العكر

النقطه الثانيه
الابتعاث فيه عيوب ؟؟! إيه فيه عيوب وأنا أقول فيه عيوب وأتحدى أحد يقول ما فيه
على أي أساس تحكم على أخلاق الشخص من درجاته
كيف تدرسنا لمدة 12 سنه تحت مسمى التربيه والتعليم ,, وفي السنه الثالثه عشر تجي تنسى التربيه وتركز على التعليم ؟؟ إيش فايدة التعليم بدون أخلاق ؟؟!!
تلزم الطالب يحضر ملتقى ما منه فايده ,, إنتم رايحين بعثه ولازم تشرفونا وتفضلوا لو أحد عنده استفسار ,,, بالله هذا ملتقى سموه مشرح أصرف لكم
ملتقى لما تلتقي بالطلاب من قرب تجس النبض تحاول تعرف سلوكياتهم ,, لاحظت على أحد شيء اكحته مو عشان أجي وغيري اللي في الانتظار ,, لا والله بس عشان ما يجي ضعيف نفس ويذكر السلبيات ويخلي الايجابيات ويجلس يحسد خلق الله
فيه عيب في الابتعاث في مرحلة الماجستير
ترسل لي تسويق وطقتها ايش الفايده منها ؟؟؟!
شوفهم هنا من جامعاتنا متخرجين تسويق ومعدلاتهم فوق الاربعه ولا توظفوا كيف تبي توظف المبتعثين ؟؟!
يا خي حاسب ما فيه شيء البلد فيه طفره وظيفيه في وظائف الحاسب ,, طب وصيدله ووو .. الخ ما فيه مشكله أيضاً لدينا طفره فيها .. مو حسد للأجانب بس نبي نكحتهم شباب بدليي أحق من الغير بفلوس بلدهم
لكن التسويق وطقتها ايش فايدتها بالله ؟؟! وظف اللي عندك طايحين بعدين ابتعث ناس

والأخ اللي يقول سابك حاطه وظائ تسويق
بالله الله لا يهينك عطيني الرابط حقهم والله اعرف ناس تسويق ولهم سنتين وعليها طايحين بدون وظييفه

فيه مقوله لي أقولها دائماً (( أقم الأساس حتى لا ينعوج الهرم )) << أصحاب العقول الضيقه ما راح يفهمونها أكييييد
أصلحوا التربيه والتعليم ومن ثم أصلحوا التعليم العالي والابتعاث


بعدين الطلاب يبيلهم مراقبه خااصةً أصحاب القلوب المريضه
أما تودي لي واحد وتحطه في مكان كله فتن وتجي تقول سيء الابتعاث
من زمااااااااااااااااااااان وأنا قلتها يبيلنا مرااقبه وأنا أولكم يبيلي مراقبه
موو عيب تراها لأنها من مصلحتك اولاً وأخيراً

أخوي إبراااهيم الله يسعدك وين ما رحت ,, أحبك في لله وفي الله
ما أقول لك إلا ليتهم يفهمون بس هالناس

بالتوفيق ...,

الدوله مو بحاجه فلوس الابتعاث تقدر تسوي كل الي قلت عليه بكل سهوله ...ادخل الجامعات السعوديه الدكاتره مصاريه واجانب ؟؟
وبعدين حسيت اننا دوله السودان ميزانيتنا انضربت من الابتعاث ياولد لو يبتعثون الشعب السعودي كله تغطي فلوس الدوله وزياده ....