الأعضاء الإشتراك و التسجيل

الملتقيات
ADs

هذه جامعة تقبل 5 في الايلتس للماجستير وبدون جيمات

هذه جامعة تقبل 5 في الايلتس للماجستير وبدون جيمات


NOTICE

تنبيه: هذا الموضوع قديم. تم طرحه قبل 908 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية غربة قلب
    غربة قلب

    متعاون سابق

    غربة قلب الولايات المتحدة الأمريكية

    غربة قلب , أنثى. متعاون سابق. من السعودية , مبتعث فى الولايات المتحدة الأمريكية , تخصصى مالية , بجامعة iona college
    • iona college
    • مالية
    • أنثى
    • New Rochelle, NY
    • السعودية
    • Jul 2011
    المزيدl

    January 31st, 2015, 05:11 AM

    السلام عليكم ورحمة الله وبركاته:
    اليوم راح اكتب موضوع عن جامعة
    (Iona college)
    قليل اللي يعرف عنها .. قبولها جدا سهل للماستر بذات تخصص MBA
    اللي فيها مانتجاوز 10 طلاب سعوديين
    -هذه الجامعة تقبل لحد 5 في الايلتس
    -بدون جيمات ( اذا عندك خبرة) واذا ماعندك خبرة مجرد دخولك اختبار الجيمات بدون ماتشترط درجة معينة
    -3 توصيات حتى لو مو مقفلة
    -CV
    - شهادة وس اذا كان معدلك مو من 4

    انا راح اتكلم عن MBA الجامعة تعتبر دراستها سهله رئيس القسم متعاون لانه يبغي سعودين ، غالبا راح تخلص برنامجهم في سنة واحدة
    كل اقسام MBA في الجامعة معترف فيها ( محاسبة ، مالية ، تسويق ، بروجكيت منجمنت ...الخ)
    مع انه لو دخلت الجامعات الموصى بها مكتوب بس MBAعام لكن كل التخصصات معترف فيها وهذا هو السبب اللي ماخلا السعودين يعرفوا عنها
    للامانه اغلب الاساتذة متعاونين .. والجامعة كويسة ونظامها ثريسمستر يعني كل ترم 3 شهور علشان كذا تقدر تخلص بسرعه
    وقبولهآ سهل لانها تبغى سعودين

    بالنسبة للمدينة
    تعتبر مدينة جامعية مافيها ولاشي غير كم محل وسينما
    بس الحلو فيها انها تبعد عن نيويورك سيتي 40 دقيقة بالقطار
    وهذا اللي مخليها غالية كانك عايش في نيويورك والسكن قليل وصعب
    المدينة مافيها مواصلات عامة يعني يفضل انه يكون عندك سيارة ، وفي باص الجامعة يوصل للمحطه فتقدر تستخدمة

    كتبت عن الجامعة لانه
    كثير متورطين..( فترة اللغة قربت تخلص او انهم رجعوا االسعودية ويبغوا قبول سريع ويبغوا قبول ماستر )
    وبالنسبة للتقديم للسمستر الجاي لسى مفتوح راح يبدا الترم في مارش ، اذا خلصت رسلت اوراقك بسرعة خلال اسبوع او اسبوعين بالكثير راح يكون القبول عندك.

    اتمني انه يكون موضوع مفيد لكم ، واكون سهلة لااحد يحصل علي قبول ..

    حابه آعدل على موضوعي
    طبعا الجامعة بعد ماكتبت عنها عدد كبير من الطلاب انقبلوا في MBA فتكدس القسم لكن الملحقية فتحت هذه الاقسام
    1- Accounting
    2- Finance
    3-Financial services
    4- International Finance
    يعني لسى في مجال للطلاب اللي يبغوا يدخلوا هذه التخصصات وبالعادة المحاسبة صعب قبولها لكن الجامعة تمر بأزمة مالية في اي طالب راح يقدم راح ينقبل "باذن الله"
    لااحد يتردد وتتقفل هذه الاقسام
    طبها بالنسبة لل MBA في طلاب اخذوا قبولاتهم وطلعوا الملحقية ومشيت امورهم رغم تكدس القسم بس ماعرف اذا راح تضبط هذه الحركة مع الكل


    الله يوفق الجميع
    لاتنسوني من دعواتكم


    *للاسف الجامعة اقفلت بالكامل بسبب عدد الطلاب الكبير اللي انقبل ولانها تقبل بدون شروط
    وبالنسبة للي انقبلوا في قروب على الفيس بوك لطلاب الجامعة راح يفيدكم كثير

    اسمه { سعوديين في نيويورك @iona college }
  2. المشاركة الأصلية كتبت بواسطة kenzaa
    ممكن جامعات قويه تتساهل في درجه الجيمات للتخصصات الاداريه
    هذا الطلب أشبه بطلب دائما أسمعه من السعوديين:
    أبغى سيارة موديلها ما يكون أقدم من ٢٠١٠ وتكون نظيفة واستخدام حشمة وما تكون إيجار بس يكون سعرها ما يتجاوز ٥٠٠٠ دولار

    جامعة قوية راح تطلب منك جيمات ومعدل عالي وستيتمنت قوي إلخ
    7 "
  3. المشاركة الأصلية كتبت بواسطة uni-student
    شكراً جزيلاً عالافاده

    كليه عندها تخصصات كثير ماجستير و بكلوريوس

    هذا رابط الكلية اللي ذكرتها لكي يسهل الدخول عليها

    (Iona college)

    Iona College - Catholic College in New York City Metro Area: Home

    جزاك الله خير
    شكرًا على إضافتك رابط الجامعة بس احب أوضح الجامعة متساهله لطلاب الماستر اما البكالوريوس ماينطبق عليها هذا الشي
    7 "
  4. المشاركة الأصلية كتبت بواسطة uni-student
    شكراً جزيلاً عالافاده

    كليه عندها تخصصات كثير ماجستير و بكلوريوس

    هذا رابط الكلية اللي ذكرتها لكي يسهل الدخول عليها

    (Iona college)

    Iona College - Catholic College in New York City Metro Area: Home

    جزاك الله خير
    المشاركة الأصلية كتبت بواسطة Waleed30
    يعطيك العافية أختي غربة وما قصرتي
    صراحة موضوع ممتاز واسلوب رائع في الطرح
    ياليت الاقي زي كذا في دي سي ^_^

    ارجو ان تعم به الفائدة ويكون في ميزان حسناتك
    وفق الله الجميع
    العفو اخوي .. في جامعة شناندوا تقبل 5.5 بدون جيمات بس ماعرف اذا تقفلت من الملحقية ولا لسى
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.