السلام عليكم ورحمة الله وبركاته
اسعد الله ايامكم بالمسرات
اخواني وأخواتي الموجودين والي راح يجون ، أكيد الكثير منكم فاتح حساب في هذا البنك الي صار مثل بنك الراجحي بالسعودية بكثرة عدد الفروع وسهولة الخدمات فيه ، لكن هذا ما حدث لي وسوف استمر مع هذا البنك ( المخيس ) حتى إشعار آخر . ( للفائده فقط )
يوم الاحد مساءً رحت لماركت سفن اللفن انا وواحد من العيال وشريت دخان وحلا وبعض الحاجات الخفيفه التي لم تتجاوز 20 دولار حاولت استخدم بطاقتي للحساب ما قلبها حاولت مره ثانيه وثالثه نفس المشكله توقعت ان في مشكله بالبطاقه خليت الي معاي يحاسب عني الله يجزاه خير وطلعت لأقرب صراف حصلت الحساب -199$ شي غريب الحقيقه انا اذكر الحساب فيه 300$ قلت يمكن الصراف في خطأ لأنه مو صراف نفس البنك رجعت الشقه وفتحت جهازي وشيكت على الاون لاين حصلت فعلا ً الحساب مسحوب منه 500$ طبعاً 300 حقتي و200 الكريدت من البنك والسحب تم عن طريق صراف آلي في مدينة ثانيه ما أعرفها بس في نفس الولايه الي انا فيها والحمدلله ثاني يوم كلمت البنك واعطاني رقم للمطالبه وكلمت البوليس وجوني واخذو اقوالي بالمووضووع واعطيتهم الرقم واخذت منهم تقرير بالي صار واعطيته البنك ورجعو لي فلوسي .
للمعلومية بطاقة الصراف معاي ولا فيه ثانيه ولا احد يعرف اي معلومات عنها .
المفيد من هذا الموضوع ان الواحد يحتفظ بالايصالات ولا يرمي اي ايصال سواء من صراف او من مطعم او من اي مكان كان وما يرميه بعد ما يقطعه قطع صغيره الجني الازرق ما يقدر يجمعها علشان ما أحد يقدر يسوي لكم نفس الي صار معاي ،،، هذا وصلى الله وبارك على نبيه محمد
أخوكم / BOSS