الأعضاء الإشتراك و التسجيل

الملتقيات
ADs

وش اسوي بجوازي الامريكي ؟!

وش اسوي بجوازي الامريكي ؟!


NOTICE

تنبيه: هذا الموضوع قديم. تم طرحه قبل 4138 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. لا انا ما قلت تطلع من السعوديه بالجواز الامريكي !!

    انا قلت تطلع من السعوديه بالجواز السعودي و تدخل على امريكا بالجواز الامريكي و تدخل على السعوديه ثاني بالجواز السعودي ..

    يمعنى كل جواز يستعمل في بلدو ...

    و انا بصراحه بالمررره مستغرب لمن تقولو الناس بتتورط في جوازين !!

    انا الحمدالله معايا ما بيصير شي و باوريهم الجوازين و لا احد يكلمني ابدا !

    طيب اذا كانو بيتورطو هاذول الناس ليش ما يتكلمو و يقولولهم روحو السفاره الامريكيه و اتعاملو معاهم !! .. لانو حصولك على جواز امريكي مو باختيارك !! .. السفاره الامريكيه تفرض عليك الجنسيه اذا كنت مسافر على امريكا ( هذا في حاله مواليد امريكا ) لكن في الحالات الاخرى زي الزواج من امريكيه و غيرو ما ادري عنو !!!! يمكن ممنوع !!!
    7 "
  2. ههههههههههههههه

    لا مو معقول اخوي Ferasology الين دحين ما فهمت مني !!!

    بكل بساطه اطلع الجواز السعودي للموظف و اذا سالني عن الفيزا اروح اقولو انا معايا الجواز الامريكي و اذا طلب مني انو يشوفو فاروح اطلعو و اعطيه اياه !!!!! و بسسسسسس

    فيروح يختم على الجواز السعودي بالخروج و يعطيني الجوازين و بسسسسسس !!!
    7 "
  3. ياجماعة الموضوع سهل مره كلام أخوي dondy صحيح انو في حال حملت الجوازين فهذا الشي حيسهلك امورك ان شاء الله لمن تخرج من السعودية توريهم الجواز السعودي واذا طلبوا الفيزا توريهم الامريكيوفي امريكا تعطيهم الامريكي واذا طلبوا السعودي عادي جدا توريهم هواومن ناحية انو ممكن يسحبوا احد الجوازين فهذا القرار الغي من زماااااااااااااااااااان والحين عادي جدا انك تحامل الجوازين انا عندي الاثنين من يوم ماولدت ورايحه جاية على امريكا والحمدلله ولامره مريت بمشكلة وهذا الشي بينطبق على كل المولودين في امريكا او لهم ام امريكية وغيرها...ان شاء الله اكون افدتك
    7 "
  4. شكرا لكم يبدوا ان الوضع الان تغير مع الجوازات.
    اخر سفره لي كانت من مدة وكنت اعتقد انهم على الوضوع السابق حيث اذا عرفوا ان معك جوازين خيروك بينهم. فأذا اخترت السعودي يرسلون الامريكي للسفاره وهي ترجعه لك بعد 2- 3 اسابيع
    7 "
  5. المشاركة الأصلية كتبت بواسطة العاصم
    الانظمة اصبحت افضل واسهل ... وتستطيع مراجعة السفارة الامريكية بالرياض .. او موقعها عبر الانترنت .. ويفيدونك بإن لا مشكلة بحملك جوازين
    خلاص الموضوع انتهاء وسمحوا للناس بحمل جنسيتن بالذات المواليد وخاصة الامريكان
    7 "
  6. بسم الله الرحمن الرحيم

    عزيزي 001......

    ومن واقع تجربة انا أيضاً اشرحلك اش تسوي بالضبط...

    اول ماتوصل المطار بالسعودية أكيد حتتوجة لكاونتر الخطوط السعودية عشان تقطع البوردنغ وتوزن العفش وخلافة.....
    أثناء ذلك تعطي (موظف الخطوط )أولاً ( الجواز السعودي) ....حيقلب الجواز ويدور على التأشبرة الأمريكية ولما ما يلاقيها حيسألك فين الفيزا.....!
    قولو انا من مواليد أمريكا وعندي جواز أمريكي... وحيطلب منك الجواز الأمريكي .... عادي طلعلوا اياه عشان لازم يتأكد انك حتدخل أمريكا وماعندك مشكلة.....
    ________________________________________

    وبعد كده حتتوجه لصالة المغادرة وهناك حتعدي على الجوازات عشان يختموا خروج.... في هذه المرحلة كن حريصاً على ابراز (الجواز السعودي)...... مع مراعاة أن ضابط الجوازات لن يسألك أبداً عن الفيزا ودورهم فقط يقتصر على تسجيل خروجك من السعودية بالحاسب الآلي.وختم خروج بالجواز السعودي... وهذا ماحصل معي.... أما وان صدف ان سألك عن الفيزا فاحرص ان لاتستعجل وتبرز الجواز الامريكي واكتفي بأن تخبره بأنك من مواليد أمريكا....
    ____________________________________________

    المرحلة الثالثة والأخيرة قبل ركوب الطائرة.... والتي عندها يقوم موظف الخطوط السعودية بقطع تذكرة الطائرة والتشييك النهائي على سلامة موقفك من ناحية التأشيرة.... فلامانع من اعطائه الجواز الامريكي اذا ما سأل عنه...
    ____________________________________________

    باختصار....
    حاول تلاشي ابراز الجواز الامريكي لضباط الجوازات ولا مشكلة مع موظفي الخطوط السعودية......

    وانصحك بالطريقة اللي قلتلك عليها فهي مجربة وسهاااااااااااااالة ان شاء الله....

    وطبعاً من يوم ما توصل أمريكا محى تحتاج الجواز السعودي أبداً الا للملحقية والتسجيل بسفارة خادم الحرمين الشريفين بواشنطن....وكلاهما حيطلبوا صورة من الجواز الامريكي للتأكد من شرعية اقامتك بأمريكا فقط....
    ______________________________________________

    وقبل هذا وذاك لاتنسى أن ترفق صورة من الجواز الامريكي مع المستندات الاخرى المطلوبة لوزارة التعليم العالي أثناء التقديم على البعثة...... حيث سيتم اصدار قرار الابتعاث مباشرة باذن الله طالما انك لاتحتاج الى تأشيرة...

    أتمنى أن اكون قد افدتك

    وفي أمان الله

    م/ عبد الرحمن
    سياتل, ولاية واشنطن
    7 "
3 من 4 صفحة 3 من 4 ... 234
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.