تحضير الجيمات صيف 2010

ههههههههه يا حليلي على نياتي وتوني طالب انجليزي ما ادري وش معناة جيمات احسبها الحلا حق رمضان اللي تسويه امي

لوووووووول ربي يوفقكم يارب وترفعون راسنا وراس السعوديين كلهم اذا بقى شي من القيمات بالله لا تنسوني ترا انا

بفانكوفر لووووووووول

موضوعكم ما فهمت منه الا كورس وديد لاين لوووووووووول

للأسف ... هذا الإختبار دخلته عام 2003 ... وخبصت فيه ... وحلفت أني ما أدخله مرة ثانية ... وبعد كل هذي الـ 6 سنوات ... ما أتوقع أنو باقي في ذاكرتي من هذا الإختبار شيء غير أسمه... المعذرة مرة أخرى

دراسة مكثمة لمدة 3 شهور كافية لتعدية اختبار الجيمات.. الا اذا كان للغة عائق كبير..

ان شاءالله 3 شهور او ااربع بالكثير تكون كافية لي.. انا طلبت الكتاب من الان بس ماراح يكون عندي وقت فراغ الا صيف 2010 ..

الاختبار ماهو صعب.. بس اللغة هيا العائق الوحيد .

ان شاءالله تتيسر الامور للجميع

مشكور اختي على النصيحة والله يجزاك خير..

بس هل انتي سويتي الاختبار... اعطينا رأيك لو سمحتي..

هذا مثلا حق جامعة دلهاوسي تجارة الكترونية :
Deadline
Application is accepted only for the September (Fall Term) session. The deadline for the application is:
June 1 - for Canadian and Landed Immigrants applicants; and,
April 1 - for non-Canadian applicants

صادق اخوي وليد اذا صارت لغتك جيدة وعندك خلفية ممتازة عن الرياضيات راح تقدر على هالاختبار

ولكن لازم ناخذ بالاعتبار كلام الاخت نونا ماستر انك ممكن ماتقدم شي كويس من اول مره عشان كذا نعطي انفسنا اكثر من محاولة عشان نحصل على الدرجة المطلوبة

الاختبار للي يحب يعرف عنه حسب مافهمت من البحث اللي سويته هو عبارة عن اختبار عن طريق الكمبيوتر ينقسم الى :

١- لغة انجليزية : هنا انت تاخذ اسئلة عن لغة تبين معرفتك باللغة ومدى اجادتك لها .

٢- رياضيات : وهنا برضه اسئلة عن الرياضيات عامه تبين مدى تمكنك من هالماده العمليه .

٨ ٨ ٨ ٨ ٨

لو تلاحظون هنا انه قريب جدا من اختبار القياس اللي بالسعودية يلعب على محورين اساسيين الرياضيات واللغة

لكن فيه شي ثالث :

٣- تعبير ( قضايا Issues ) : هو عبارة عن موضوعين تتكلم عنهم الاول يكون موضوع عام خلافي تكتب جميع الاراء الخلافيه بدون ماتعلق عليها ، والثاني ايضا موضوع خلافي تكتب عن الاراء وتكتب انت تميل لاي رأي وليه انت تميل اليه .

يعني في هالجزئيه انت تبين مدى ادراكك للمحيط اللي انت عايش فيه ومدى قدرتك انك تكون قائد <<< لان الاختبار موجه لطلاب الماستر اللي قادة في المستقبل لشركات الاعمال .

طريقة الاختبار او الجزئية اللي تلعب عليها انك تفهم الاختبار وهو كالتالي :

الاختبار من ٨٠٠ درجة في البداية راح يعطى لك اسئله من المستوى الاول اللي هو من ٠ - ١٠٠ اذا جاوبت صح راح يعطيك من المستوى اللي بعده من ١٠٠ - ٢٠٠ اذا جاوبت غلط راح تنزل للمستوى اللي قبل

بمعني اخر انك في البداية تحدد مستواك العام ضمن ٨ نطاقات وتلقائيا الكمبيوتر يحدد النطاق المناسب لك بعد كذا يبدا يعطيك اسئله من نفس النطاق لنفرض من ٤٠٠ - ٥٠٠ هنا الكمبيوتر اختار نطاقك وبدا يحدد الدرجه بالضبط

اذا انت فهمت هالشي راح تعرف كيف تجيب الدرجه اللي تبيها خلنا نقول ما بين ٦٠٠ - ٧٠٠ راح نحاول قدر الامكان اننا نجاوب صح بالاول ونتعب على الاجابه واذا تحدد النطاق ما راح يهم الاسئلة الاخيره كثير لان انت ضمنت انك تجيب فوق الـ ٦٠٠

اتمنى انكم استفدتوا ولنا عوده مع هالتحدي الكبير

اخوي وليد تمت الاضافه وربنا يوفقنا لما فيه الخير

لا يا اختي 2010 التقديم له ما انتهى للماستر في جامعة دالهاوسي..

هنا المقصود فيه 2009

الله يسهل امرك ان شاءالله..

جزاك الله الف خير اخوي ابو تركي ..

شاكرين لك مجهودك في البحث والمعلومات اللي قدمتها ..

اعطينا معلوماتك .. انت متى ناوي تزورنا في كالجري..

تخيل يا ابو تركي اعرف واحد هنا من اخواننا اليمنيين طالب دولي جاب الدرجة كاملة في الجيمات...

يقول الاختبار سهل بس يبغاله مثابرة...
بعدها جامعة مكجل اعطته بعثة..

اولا اخوي وليد هذا حق وواجب ومن حق كل واحد انه يستفيد من معلومات غيره هذا الاساس بس للاسف نحن شعب نحب ان نتفرد بالمعلومه

ما ابي اطلع من الموضوع انا ياطويل العمر حاليا ببرينس جورج وهي مدينه شمال فانكوفر بـ ٨٠٠ كيلو راح احول على فيكتوريا ان شاء الله على شهر جولاي يعني كالجاري بعيده عن مخططاتي حاليا

بالنسبة لموضوع الاختبار هو رهبه قبل كل شي وتهويل ممن لم ينجح فيه اثر على البقيه <<< هذي انا مؤمن فيها وبشده وركزلي على بشده

الاختبار ماهو اختبار فهلوه ولا اختبار شختك بختك هو نظام وقياس اذا عرفت للنظام تقدر تجيب درجه حلوة بس غالبا راح تاخذ حقك ومستواك لان هذا الهدف من الاختبار انك تعرف مستواك العقلي ومستوى قدراتك

في النهايه حنا بنحاول نشتغل عليه وربك هو الموفق بالاول وبالاخر وراح يكون بيننا تواصل على نفس الموضوع

دعواتي لك بالتوفيق والنجاح

والله معلومات حلوة واستفدت منها اهم شيء لو جا وقت الاختبار يكون عندي معلومة عن طريقة الاختبار

والله يجزاك خير يااخوي بجد انا استفدت كثير منها